logo

иҷтимоиёт

БОҒИ НАВ - БОҒИ ПУРСАМАР, ПУРГУЛ

Сокинони деҳаи Янгибоғи Ҷамоати деҳоти ба номи Ҷӯра Раҳмонови шаҳри Турсунзода даври ниҳоии мусобиқаи ҷумҳуриявиро барои деҳот, деҳа, маҳаллаи беҳтарин, хона ва оилаи намунавӣ бесаброна интизоранд. Зеро деҳаи Янгибоғ миёни 18 деҳа ва 22 маҳаллаи шаҳр ҷойи аввалро ишғол намуда, барои ширкат дар даври ниҳоӣ роҳхат гирифтааст.

Ин деҳаи навбунёд дар яке аз гӯшаҳои шаҳри Турсунзода ҷойгир шудааст. 7 километр дуртар аз шаҳр боғҳои нав бунёд шуда, дар миёни онҳо ин деҳа чун ақиқи ба ангуштарии сабз насбшуда медурахшад. Ангуру меваҳои шакарини ин деҳа шуҳраи офоқ гардидаанд. Мардуми он осоиши рӯзгори худ ва ободии диёрро аз меҳнати ҳалол медонанд. Рӯзе, ки мо аз деҳа дидан кардем, дар кӯчаҳои он касе ба чашм намерасид. Ҳама якдилона ба саҳро баромада машғули ғундоштани ҳосили фаровони ангур буданд. Сокинони деҳа таҳти сарварии деҳқонони асил Неъмат Усмонов ва Камол Мадумаров кайҳо дарк кардаанд, ки меҳнати ҳалол ва садоқат ба замин касро мехӯронаду мепӯшонад. Янгибоғ шояд дар ҷумҳурӣ ягона деҳае бошад, ки аз он ягон кас ба муҳоҷирати меҳнатӣ намеравад. Баръакс ҳар сол дар мавсими ҳосилғундорӣ 500 - 600 нафар сокинони деҳоти гирду атроф дар ин ҷо бо кори мавсимӣ таъмин карда мешаванд. Полизиҳои Янгибоғ низ тамъи хуш дошта, дар бозорҳои шаҳру навоҳии гирду атроф харидорони зиёд доранд.
Дар давраи зимистон ва фосилаҳо миёни коркарди боғу токзор мардуми деҳа ба ҳунарҳои мардумӣ машғул мешаванд. Сандуқҳои кандакоринамудаи устоҳои маҳаллӣ бо сабку услуби хоси худ фарқ мекунанд. Сабадҳои бофтаи бонувони ҳунарманди деҳро бошад, дар тамоми гӯшаю канори кишвар вохӯрдан мумкин аст.
Вале на барои ин ҳама деҳа ғолиби озмун гардид. Он, воқеан ҳам, яке аз деҳаҳои хуштарҳтарини кишвар аст. Кӯчаҳояш васеъ ва мумфарш. Аз ду тарафи кӯчаҳо ҷӯйҳои шӯх равонанд. Пеши дару дарвозаҳо тозаву озода. Гулу буттаҳои ороишии дар шафати деворҳо шинондашуда машоми касро бо бӯи хуши худ муаттар месозанд. Дарвозаҳои рангобаранги гулпардозишуда, хонаҳои хушсохт, деворҳои мунаққаш ва боду ҳавои деҳ ҳама гувоҳи аз табъи баланду завқи хосаи сокинони он медиҳанд. Кас дар кӯчаҳои деҳаи Янгибоғ қадам зада худро дар олами рӯъёӣ тасаввур мекунад. Ҳар барги гулу дарахтон, ҳар қатраи оби равон ва ҳатто боди ғазалхон ин ҷо шукргузорӣ аз сулҳу субот, оромӣ ва шукуфоии кишвар мекунад.
Дар деҳа 301 хоҷагӣ зиндагӣ мекунад, аҳолиаш бошад, 2086 нафарро ташкил медиҳад. Ҳамаи онҳо мисли аҳли як оила сарҷамъона ва хушу хуррамона зиндагӣ карда истодаанд. Тӯли панҷ соли охир ягон оила дар ин деҳ вайрон нашудааст. Се сол боз мақомоти ҳифзи ҳуқуқ ягон навъи қонунвайронкуниро дар деҳа ба қайд нагирифтаанд. Ин ҳама аз масъулияти баланди шаҳрвандии сокинони он дарак медиҳад.
Корҳои ободонии деҳа холо ҳам идома доранд. Бино ба иттилои раиси маҳалла Искандар Назаров то ин дам се километр роҳҳои даруни деҳа мумфарш шудаанд ва то ҷашни истиқлол боз 700 метри дигарашро низ мумфарш хоҳанд кард. Деҳа дорои мактаб, китобхона, майдон ва толори варзишӣ, бунгоҳи тиббӣ, чойхона, нонвойхона, сартарошхона ва мағозаи калоне мебошад.
Дар деҳа ба тозагии кӯчаву паскӯчаҳояш аҳамияти ҷиддӣ  медиҳанд. Партовҳоеро, ки ба сифати нурии органикӣ истифода бурдан мумкин аст, дар ҷойи махсус ҷамъ карда, ба боғот мебаранд. Партовҳои дуруштро бо мошин ба партовгоҳи умумии шаҳр интиқол медиҳанд.
Сокинони меҳнатқарини деҳаи Янгибоғи шаҳри Турсунзода кӯшиш менамоянд, ки деҳаашонро ба як гӯшаи биҳиштосои кишвар табдил дода, дар ободонии кишварамон саҳми босазо гузоранд.
Сафаргул АЛИМОВА, «Ҷумҳурият»


Баёни ақида (0)    Санаи нашр: 16.08.2016    №: 164    Мутолиа карданд: 473

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед