logo

иҷтимоиёт

ТАЪКИД: СОЛИМИИ МОДАРУ КӮДАК - СОЛИМИИ МИЛЛАТ

Аз ҳар як 100 грамм шири хушке, ки ба кӯдакон дода мешавад, 34 дарсади он об буда, ба саломатии онҳо зарари ҷиддӣ дорад.
Дар ҷомеаи имрӯз масъалаи баланд бардоштани сатҳи тахассусии табибон ва огоҳии бештари ҷомеа  дар бораи ҳифзи солимии модар  ва кӯдак аз мушкилоти умда маҳсуб меёбад. Бино ба гуфтаи мутахассисон дар кишвари мо низ сари вақт риоя нашудани меъёри ғизодиҳӣ ба кӯдакон, маҳдуд кардани ғизои табиӣ ва истифодаи аз меъёр бештари ғизои сунъӣ, бахусус шири хушк, фарбеҳшавии модарони қобилияти таваллуд ва баъди таваллуд  ва амсоли инҳо аз масъалаҳое мебошанд, ки дар самти таъмини ҳифзи саломатии модару кӯдак монеа эҷод мекунанд.

Бино ба гуфтаи Наврӯз  Ҷаъфаров, муовини вазири тандурустӣ ва ҳифзи иҷтимоии аҳолӣ: «Мутаассифона, бархе модарони ҷавон  барои тифлон ғизои табииро маҳдуд кардаву бештар ғизо ё шири сунъӣ мехӯронанд.  Вақте ба тифл ғизои сунъӣ дода мешавад, ҳатман бо об омода мегардад. Дар ҳоле, ки тиб истеъмоли зиёди обро барои кӯдакон манъ кардааст. Ғизоҳои сунъӣ барои ҳолатҳои истисноӣ пешбинӣ шудаанд. Таҷриба нишон медиҳад, ки агар кӯдак ғизои сунъӣ гирад, хатари бемории дарунравӣ нисбат ба кӯдаконе, ки шири модар мехӯранд, 15 маротиба зиёд мешавад. Махсусан, агар кӯдакон бо пистонак ё шиша ғизои  сунъӣ  гиранд, хатари беморшавӣ зиёд аст.»
Шералӣ Раҳматуллоев, сардори раёсати ташкили хизматрасониҳои тиббӣ ба модару кӯдак ва танзими оилаи  Вазорати тандурустӣ ва ҳифзи иҷтимоии аҳолӣ, дар суҳбат бо мо аз сари вақт риоя нашудани меъёри ғизодиҳӣ ба кӯдакон, фарбеҳшавии модарони қобилияти таваллуд ва баъди таваллуд  ёдовар шуд. «Имрӯз мо миёни  занони  қобили  таваллуд  мушкилоти  фарбеҳшавӣ ва камвазниро дорем. Қамҳаракатӣ  ва истеъмоли ғизоҳои ғайритабиӣ ба фарбеҳшавӣ  мерасонад. Ё камвазнӣ, боиси  зафъи  организм ба ҳангоми таваллуд аст. Занони мо аз хӯрдани лӯбиё ор мекунанд, дар ҳоле ки ду баробар витамани гӯштро дорад. Соли 2011 миёни занони қобили таваллуд тадқиқот анҷом додем. Дар натиҷа аз 100 зани қобили таваллуд 29 зан фарбеҳ, 11 камвазн ва 60 зан бо вазни меъёрӣ буданд.  Хӯрдани шири модар барои кӯдак дар кадом ҳолате роҳат бошад фарқ надорад. Кӯдакон бо тарзҳои худ хӯрок мехӯранд. Набояд кӯдакро маҷбур кунем. Агар модарон  хоҳанд, ки миқдори витаминҳо дар баданашон кифоя бошад, истеъмоли лӯбиё, себ, кабудӣ беҳтарин роҳ аст. Зани ҳомила то соати таваллуд бояд  ҳаракат намояд. Бар асоси илми тиб 6 соат баъди таваллуд зан мисли пешина бояд хеста, корҳое ки дар хона мекард, анҷом диҳад. Аммо, дар мо 40 рӯз кор намекунанд. Зан пеш аз таваллуд ва баъд аз он ҳам чӣ қадар ҳаракат кунад, ҳамон қадар саломатиаш беҳтару хубтар барқарор мешавад. Ҳолатҳои бо  санаи таваллуд наздик омадан ба хонаи волидон бурдану давоми ду - се моҳи ҳомиладорӣ ӯро кор кардан намондан ҳам ҳаст. Ҳаракат накардани модари навзод ба саломатиаш зарар дорад», - таъкид кард ӯ.
Воқеан, агар зиёни асосии ғизои сунъӣ ба организми навзод бошад, аз ҷониби дигар истифодаи аз ҳад зиёди он ба буҷети оила низ бетаъсир намемонад. Таҳлилҳо нишон медиҳанд, ки барои як кӯдакро аз синни таваллуд то 6 - моҳагӣ ғизо додан, 56 қуттӣ ғизои сунъӣ лозим аст. Агар нархи як қуттии он 70 сомониро ташкил диҳад, пас дар шаш моҳ 3920 сомонӣ харҷ хоҳад шуд. Пас, чаро дар ин давраи кӯтоҳ аз шири модар истифода нашавад, ки манфиати дучанд дорад?
Албатта, тавре мутахассисон таъкид мекунанд, баъзан  танҳо шири модар наметавонад, ҳамаи талаботи  инкишофи кӯдакро қонеъ гардонад. Дар  ин сурат масъалаи додани ғизои иловагӣ ба миён меояд. Табибони бахши модару кӯдак тавсия медиҳанд, ки ғизои иловагӣ аз шашмоҳагӣ бояд оғоз шавад, чунки дар ин давра талаботи организми кӯдак ба миқдори моддаҳои минералӣ, сафедаҳо, карбогидратҳо, витаминҳо ва ғайра зиёд мегардад. Бо вуҷуди ин, дар тамоми муҳлати истифода шудани  ғизои иловагӣ шири модар бояд ҳачун ғизои асосӣ боқӣ монад.
Ҳ.САНГОВА, «Ҷумҳурият»


Баёни ақида (0)    Санаи нашр: 17.08.2016    №: 165    Мутолиа карданд: 587

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед