logo

иқтисод

ЧАРОГОҲҲО. ИСТИФОДАИ БОСАМАРИ ОНҲО ОМИЛИ МУҲИМТАРИНИ АФЗОИШИ МАҲСУЛНОКИИ ЧОРВОСТ

Чорводорӣ яке аз соҳаҳои муҳими хоҷагидорӣ буда, дар таъмини амнияти озуқавории ҷумҳурӣ нақши ҳалкунанда мебозад. Афзоиши ҳаҷми истеҳсоли гӯшту  маҳсулоти  ширӣ ва тавлиди пӯсту пашм ҳамчун ашёи хом барои корхонаҳои истеҳсоли либосу пойафзол аз рушди соҳа вобаста мебошад.  Пешбурди соҳа бинобар  зиёд шудани талаботи аҳолӣ ба маҳсулоти чорво таваҷҷуҳи бештар мехоҳад. Оё рушди чорводорӣ дар кишвар қонеъкунанда аст? Чорводорон тавонистанд, бо истифода аз роҳҳои  пурсамар саршумори чорворо бештар ва сифати маҳсулоти онро беҳтар созанд?

Бино ба маълумоти Вазорати кишоварзӣ, айни ҳол  дар ҳамаи шаклҳои хоҷагидории ҷумҳурӣ зиёда аз 2 миллион сар чорвои калон ва бештар аз 5  миллион чорвои майда мавҷуд аст. Дар шаш моҳи аввали соли ҷорӣ наздики 66 ҳазор тонна гӯшт, 337 ҳазор тонна шир  ва 4355 тонна пашм истеҳсол шудааст. Мавсими наслгирӣ ба анҷом расида, дар хоҷагиҳои ҷумҳурӣ зиёда аз 332 ҳазор сар барраю бузғола гирифта шуд, ки нисбат ба соли гузашта зиёд мебошад.
Бо мақсади амалӣ намудани «Барномаи рушди соҳаи зотпарварӣ ва хушзоткунии чорво дар Ҷумҳурии Тоҷикистон барои солҳои 2016 - 2020»  иловатан   200 ҳазор сомонӣ    ҷудо шуд. Бо маблағи ҷудошуда харидани нутфаи буққаҳои зотии истеҳсоли хориҷӣ ва асбобу анҷоми бордоркунии сунъӣ дар назар аст.
Ҳарчанд солҳои охир ба соҳаи чорводорӣ таваҷҷуҳи бештар дода мешавад,  ҳамоно рушди соҳа қонеъкунанда нест. Зеро имрӯзҳо нархи гӯшт дар бозорҳои пойтахт 32-38 сомониро ташкил медиҳад ва ҳеҷ не, ки поён равад.
Фурӯшандагон иддао доранд, ки арзиши хӯроки чорво, хусусан кунҷора,  баланд аст ва онҳо имкони поён фаровардани нархи гӯштро надоранд. Нархи кунҷора ҳоло ба 3-3,5 сомонӣ расидааст, ки барои фарбеҳкунии чорво гарон меафтад. Мақсаднок истифода бурдани чарогоҳҳо, хушзоткунии чорво ва захираи зиёди хӯроки чорво метавонад боиси рушди  соҳа ва поёнравии нархи гӯшт гардад.
Наҷмиддин Раҷабов, муовини директори Институти чорводории Академияи илмҳои кишоварзии ҷумҳурӣ, доир ба ин мавзӯъ чунин ибрози андеша кард:
- Ҳоло дар ҷумҳурӣ наздики 4 миллион гектар чарогоҳ мавҷуд буда, ба васеъ кардани он ҳоҷат нест, зеро ин барои чорвои Тоҷикистон кифоя аст. Барои самаранок истифода кардани чарогоҳҳо бояд тарзи дуруст чарондани чорво ба роҳ монда шавад. Як чарогоҳро ба таври ҳамешагӣ истифода бурдан  боиси ба биёбон табдил ёфтани он мегардад. Беҳтар аст, ки чарогоҳҳо ба қисматҳо ҷудо карда,  бо навбат чаронда шаванд.  Дар ин ҳолат дар қисмати аввали чарогоҳ дубора алаф мерӯяд.
Барои беҳтар кардани соҳаи чорводорӣ дар Ҷумҳурии Тоҷикистон «Барномаи рушди чарогоҳҳо барои солҳои 2016-2020» таҳия гардида,  барои татбиқи он аз буҷети давлат  зиёда аз 1 миллион сомонӣ пешбинӣ шудааст. Ҳамчунин, ҳоло дар  якчанд навоҳии чумҳурӣ дар назди ҷамоатҳо ассотсиатсияҳои истифодабарандагони чарогоҳҳо фаъолият мекунанд. То имрӯз аз ҷониби масъулон барои рушди чарогоҳҳои ҷумҳурӣ дар майдони 500 гектар тухми буттаи саксаул кишт шудааст, ки заминҳоро аз биёбоншавӣ нигоҳ медорад.
Дар оянда  зарур аст, ки имконияту воситаҳо барои беҳтаргардонии  сифати чорво тавассути амалисозии корҳои зотпарварӣ, афзунгардонии истеҳсоли хӯроки чарогоҳӣ ва истифодабарии самараноки манбаъҳои табиии истеҳсоли хӯрока равона карда шаванд.
Лашкар ШАРИФ, «Ҷумҳурият»


Баёни ақида (0)    Санаи нашр: 17.08.2016    №: 165    Мутолиа карданд: 1768

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад


Дар сомонаҳои дигари Тоҷикистон хонед