logo

фарҳанг

«ШАШМАҚОМ» МАҚОМИ ТОҶИКИСТОНРО БАЛАНД МЕБАРДОРАД

«Шашмақом»  достони муҳташами савту калом аст, ки дар навоҳои он беҳтарин ва олитарин орзуву пиндорҳои неки аҷдодони мо таҷассум ёфтааст».
Эмомалӣ РАҲМОН


Дар замони соҳибистиқлолӣ яке аз вазифаҳои муҳимтарини давлат ва ҷомеа эҳё намудани волотарин намунаҳои фарҳанги миллӣ ва ба мардуми кишвар дастрас кардани беҳтарин падидаҳои маънавӣ мебошад. Бо ин мақсад, бо иқдоми Академияи илмҳои Тоҷикистон «Баёзи «Шашмақом»   ба табъ расид. «Баёз…» ашъори ноби шоирони классик ва муосири тоҷикро фаро гирифта, шеърҳои интихобшуда таҳти мусиқии «Шашмақом»  садо хоҳанд дод. Мураттибон Алии Муҳаммадии Хуросонӣ, Аслиддин Низомӣ ва Маҳмадёри Шариф дар таҳияву тадвини «Баёз…» хидмати арзанда карда, ғазалу таронаҳои зиёди навро мутобиқ ба оҳангу навоҳои «Шашмақом»  интихоб ва пешниҳод намудаанд.
Бино ба гуфтаи президенти Академияи илмҳо Фарҳод Раҳимӣ, таваҷҷуҳи бевоситаи Ҳукумати мамлакат имкон дод, ки дар пойтахти кишвар ва шаҳру ноҳияҳои мамлакат ансамблҳои «Шашмақом»  таъсис ёфтанд ва, муҳимтар аз ҳама, аз байни ҷавонони соҳибистеъдод сарояндагони хушовозу хушсалиқа ба воя расиданд. Ин амали бузурги таърихӣ сабаб шуд, ки ҷомеаи ҷаҳонӣ, махсусан мухлисону пужӯҳишгарони мусиқӣ дар кишварҳои ҳамҷавор ва Амрикову Аврупо бо беҳтарин намунаҳои хиради фарҳангофаринии халқи тоҷик аз наздик ошно шаванд.
Бояд зикр намуд, ки мусиқии «Шашмақом»  ба сифати яке аз шоҳкориҳои мусиқии ҷаҳонӣ соли 2003 ба феҳристи ёдгориҳои ғайримоддии ЮНЕСКО ворид гардид. Дар ин кори муҳим Комиссияи миллии Ҷумҳурии Тоҷикистон оид ба корҳои ЮНЕСКО, Иттифоқи композиторони Тоҷикистон, Вазорати фарҳанг ва Академияи илмҳо саҳми арзандаи худро гузоштанд. Пас аз ин иқдоми нек, ҷилди аввали китоби «Шашмақом» (мақоми «Рост») ва аввалин «Энсиклопедияи «Шашмақом»   таҳия ва ба нашр расиданд. Ҳамзамон, бо дастгирии ЮНЕСКО дар шаҳри Душанбе Фестивал - симпозиуми байналмилалии «Шашмақом» гузаронда шуд, ки баҳри вусъати мактаби мақомхонӣ ва дарки моҳияти таърихии ин мероси бебаҳои фарҳангӣ заминаи воқеӣ гузошт.
- Мусиқии «Шашмақом»  дар роҳи зиёда аз ҳазор соли рушду такомули хеш бо шеъри классикии тоҷику форс пайвандӣ дошт ва дар марҳилаи навпардозии хеш аз дастовардҳои эҷодии шоирони бузургамон истифода мекард. Ғазал, тарона, мухаммас, мустазод, рубоӣ ва байтҳои тозаэҷод фавран тавассути ҳунари воло ва илҳому иродати хоса аз ҷониби танбӯриёну муғанниён вориди сохтори «Шашмақом»  мегардиданд, - тазаккур дод Алии Муҳаммадии Хуросонӣ.
Дар таҳияи «Баёз…» ҳамаи намунаҳои ашъори шоирони классик, ки қаблан  дар нашри аввалини панҷҷилдаи «Шашмақом»  ворид карда шуда буданд, комилан истифода гардиданд. Ба аҳли ҳунар ва мухлисони сершумори санъати «Шашмақом»  дастрас гардидани намунаи тозаи назми классикӣ ва муосир барои таҷдиди лаҳнҳои бостонии мусиқии классикӣ ва ба вуҷуд омадани услуби тозаи сарояндагони он мусоидат хоҳад кард.

Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 17.08.2016    №: 165    Мутолиа карданд: 1515

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед