logo

иҷтимоиёт

АСОЛАТИ МИЛЛӢ ВА НУФУЗИ МИЛЛАТ

Баланд бардоштани асолати миллӣ боло бурдани нуфузи худи миллат низ ҳаст. Хушбахтона, халқи тоҷик аз азал андешапарвар ва маъниофар буда, андешааш, новобаста ба ҳолатҳои сиёсӣ, дар тӯли таърих асолат дошт. Тафаккураш ҳамеша аз замон пештар буда, ин миллат дар офариниши тамаддуни башарӣ мавқеи шоиста касб кардааст. Ниёгони хирадкеши мо дар офариниши ду тамаддуни бузург - ориёӣ ва исломӣ саҳми арзанда гузошта, дар ин замина мудом майл ба инсонгароӣ кардаанд.

Одамияти тоҷикон бо мурури вақт фарогиртар шуда, ба халқҳои ҳамсоя таъсиргузор будааст. Ва аз рӯи меъёрҳои одамият, дар асоси фарҳанги ориёӣ ва исломӣ, он қадар ҳикмат дар шеъри форсӣ - тоҷикӣ густариш ёфта, ки тафаккури фалсафӣ дар маънавиёти тоҷикон нақши муассир дорад. Аммо тундбодҳои таърих ба ин андешаи холис ва ҳамагир, ҷаҳонбинии фарох ва ҳақиқаталошии мо низ таъсирпазир буда, махсусан дар асри бист кӯшишҳои махлут кардани андешаи миллӣ роҳандозӣ шуда, то ҷое ба он таъсири манфӣ расондаанд. Вале натавонистаанд, ки андешаи миллиро аз байн бубаранд. Баръакс, дар садаи ХХ қаҳрамонони Тоҷикистон Садриддин Айнӣ, Бобоҷон Ғафуров, Шириншоҳ Шоҳтемур, Нусратулло Махсум, Мирзо Турсунзода ва даҳҳо нухбагони миллат садо баланд карда, дар ҳифзи асолати миллат муваффақ гардиданд. Осори гаронбаҳои ба мерос гузоштаашон имрӯз мояи ифтихори ҳар як тоҷику тоҷикистонӣ мебошанд.
Месазад пас аз арҷгузорӣ ба хидмати онҳо зикр намоем, ки раванди огоҳии миллӣ, ватандӯстиву хештаншиносӣ дар даврони Истиқлолияти давлатӣ батадриҷ вусъат пайдо карда, ботини миллати моро рӯшан намуд. Ин рӯшноӣ зулмати тираро мунаввар сохта, ҷаҳолату бегонапарастиро дар тиннати ҳамзамонони мо барҳам зад. Ва дар ин ҷанбаҳои зиндагисоз андешаи миллӣ инкишоф ёфт. Перомуни ин масъала метавон мисоли бисёр овард, аммо манзур аз ин гузориш нишон додани густариши асолати андеша дар замони соҳибистиқлолист.
Дарки дарунмояи масъалагузориҳои Президенти Ҷумҳурии Тоҷикистон замина дар чанд омили муҳим доранд, ки меҳвари онро одамият ва башардӯстӣ ташкил медиҳад. Барои ҳамин ҳам, хидматҳои Пешвои миллатро дар ин самт пеши рӯ овардан ва ибораи зиракии сиёсиро аз даст надодан барои журналистон зарур ва ҳатмӣ арзёбӣ мегардад. Журналист рӯшанфикр ва соҳибназар аст. Ӯ масъули ба мардум расондани ормонҳои ғояи миллӣ ва дар як вақт ҳимоятгари манфиатҳои миллат аст.
Мо андешаи миллиро рушд бахшида, меъёрҳои инсонсозиро дар амали ҳаррӯзаи хеш корбаст созем ва тарбияи маънавиро ба зинаи баланд бардорем, метавонем дар тарбияи ҷавонон ва пешгирии гаравиши онҳо ба гурӯҳҳои ифротгаро нақши муҳим бозем. Дар ин самт имкониятҳои васеи таърихӣ, адабӣ, мазҳабӣ, фарҳангӣ, иҷтимоӣ ва иқтисодӣ дорем. Истиқлолияти давлатӣ кафили муваффақияти мо дар ин самт хоҳад буд.
Усмон БИЛОЛӢ,
сармуҳаррири рӯзномаи
“Набзи Қӯрғонтеппа”


Баёни ақида (0)    Санаи нашр: 18.08.2016    №: 166    Мутолиа карданд: 837

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед