logo

фарҳанг

МОДАР. ЗАБОНИ ВАРО НАБОЯД ОЛУДА КАРД!

Ҳар кас ба забони худ сухандон гардад,
Донистани сад забон-ш осон гардад.
Воқеан, барҳақ аст, ки ҳар нафаре, ки забони модариро хуб меомӯзад, омӯхтани забонҳои хориҷӣ барояш осон мегардад. Вале ин омӯзиш бояд ба хотири ҷаҳонбинӣ ва рушду такомули шахсии ӯ, ба хотири пешрафти миллаташ бошад, на барои ифтихори ноҷо ва олудасозии забони худ. Мутаассифона, бархе чун забони хориҷиеро андак биёмӯзанд, дӯст медоранд, ки пайваста, агар зарур ҳам набошад, бо он сухан бигӯянд. Гузашта аз ин, олудасозии забони гуфтугӯ бо дигар забонҳои хориҷӣ гӯйё миёни ҷавонон мӯд шуда бошад. Ҷавонону наврасон кӯшиш менамоянд, ки миёни суҳбат дасти кам чанд калима ва ё ибораи ғайр истифода баранд. Ба андешаи шахсии ман ин қабил одамон забони модарии худро дӯст намедоранд ва ба он эҳтиром қоил нестанд. Хеле гӯшнавозу диданист, вақте пешхизмат - ҷавони тоҷик бо як одоби баланди муошират мизоҷи хориҷиеро бо забони худи ӯ пешвоз гирифтаву баъди меҳмондорӣ ҳамчунон муаддабона гусел мекунад. Дар мактабу донишкадаҳоямон низ кам нестанд, ҷавононе, ки бо дӯстони хориҷии худ бо як завқи баланд ва озод суҳбат менамоянд, ки намунаи ибрат аст. Дар чунин лаҳзаҳо кас бо ҳавас мехоҳад, ки аз пайи омӯзиши забонҳои хориҷӣ бошад.
Бо истифода аз минбари «Ҷумҳурият» мехоҳам ба ҳамсолони худ бирасонам, ки забони ҳар миллат ҳастии он мебошад. Маҳз забонамон буд, ки дар он ҳазор соли бедавлатӣ моро аз нестшавӣ нигоҳ дошт. Ба он хотир, ки ҳамчунон пойдор бимонем, бояд забонамонро дӯст бидорем ва дар рушду густаришаш саҳмгузор бошем. Агар даҳ забони хориҷиро ҳам, ки аз бар карда бошем, онро набояд бо забони Модар олуда созем, зеро ҳар сухан ҷоеву ҳар нукта маконе дорад. Устоди шодравон Лоиқ Шералӣ барҳақ иброз доштааст:
Заҳр бодо шири модар бар касе,
К-ӯ забони модарӣ гум кардааст.
Одам бо гум кардани забонаш робитаашро аз модар ва ниёгонаш меканад. Ӯ дар ин ҳол чӣ гуна метавонад бо забони хориҷие, ки забони ӯ нест, ифтихор бикунад?
Зебуннисо ҲАМИДЗОДА, хонандаи
синфи 11 – и гимназияи № 1 - и шаҳри Душанбе

 


Баёни ақида (0)    Санаи нашр: 19.08.2016    №: 167    Мутолиа карданд: 2146

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад


Дар сомонаҳои дигари Тоҷикистон хонед