logo

ҳуқуқ

АМНИЯТИ ТОҶИКИСТОН - АМНИЯТИ МИНТАҚА

Дар Қӯшунҳои сарҳадии Кумитаи давлатии амнияти миллӣ бо иштироки ёрдамчии Президенти Ҷумҳурии Тоҷикистон оид ба масъалаҳои амнияти миллӣ Шералӣ Хайруллоев, раиси Кумитаи давлатии амнияти миллӣ, генерал - лейтенант Саймумин Ятимов, сафири Иёлоти Муттаҳидаи Амрико дар Тоҷикистон Элизабет Миллард, фармондеҳи Қӯшунҳои сарҳадӣ генерал - лейтенант Раҷабалӣ Раҳмоналӣ ва дигар шахсони расмӣ маросими тақдими нақлиёти ҳарбӣ ва воситаҳои техникӣ баргузор шуд.

Таҷҳизоти муосири алоқа (коммуникатсионӣ) бо арзиши 9 миллион доллар ва 50 автомашинаи тамғаи «J8 Jeep Wranglers» ба маблағи 3 миллион доллар аз ҷониби Барномаи мубориза бо маводи мухаддири Фармондеҳии марказии ИМА (СENTCOM) ҷиҳати пешгирии гардиши ғайриқонунии маводи нашъаовар дар Тоҷикистон тақдим гардид.
Радиостансияи «Моторола» бо нармафзори шабакавии «ТURBO», ки метавонад ҳаракати кормандонро аз як ҷой ба ҷойи дигар бо истифодаи GPS пайгирӣ намояд, радиостансияҳои намуди RF-7800W бо технологияи Ethernet ва таъмини алоқа дар масофаҳои беш аз 160 километр ва дигар таҷҳизоти коммуникатсионӣ ва нармафзорҳо барои зарфияти Қӯшунҳои сарҳадӣ дар самти ошкор, мусодира ва пешгирӣ намудани воридшавии маводи мухаддир тавассути марзи Тоҷикистон мавриди истифода қарор хоҳанд гирифт.
Шералӣ Хайруллоев дар шахсияти сафир Элизабет Миллард ба Ҳукумати ИМА миннатдорӣ баён намуда, аз ҷумла гуфт: «Боиси қаноатмандист, ки бо ИМА ҳамкориҳои ҳамаҷониба дар соҳаҳои гуногун, аз ҷумла ҳарбӣ ва ҳарбӣ - техникӣ густариш ёфта истодааст. Мо хуб дарк менамоем, ки қаламрави ин ё он кишвар яке аз муқаддасот ва нишонаи давлатдорӣ буда, амнияти он аз сатҳи муҳофизати сарҳади давлатӣ вобастагӣ дорад. Раванду рӯйдодҳои охир ва инкишофи он дар минтақаҳои гуногуни ҷаҳон, аз ҷумла дар қаламрави Осиёи Марказӣ аз он шаҳодат медиҳанд, ки таҳдиду хатарҳои нав, аз қабили ифротгароии динӣ, терроризм ва дигар ҷиноятҳои фаромиллӣ ва қочоқи маводи мухаддир торафт вусъат меёбад. Воқеият нишон медиҳад, ки танҳо як давлат дар алоҳидагӣ бо ин хатарҳо мубориза бурда наметавонад. Аз ин лиҳоз, ҷомеаи ҷаҳонӣ барои таъмини амнияти босубот ва ҳаёти осоиштаи аҳолии сайёра аз тамоми имкониятҳои худ бояд истифода барад. Умед дорем, ки дар оянда низ ҳамкориҳои судманди мо идома ёфта, дар таъмини бехатарӣ натиҷаҳои судманди худро медиҳанд».
Хонум Элизабет Миллард ҳамкориҳои манфиатбахши ду ҷонибро барои муборизаи муташаккилона ҷиҳати бехатарии сарҳадоти Тоҷикистон манфиатбахш арзёбӣ карда, ба муборизаву талошҳои сарҳадбонони тоҷик дар пешгирии гардиши ғайриқонунии маводи нашъаовар арзи сипос намуд.
- Амрико омодагии Тоҷикистонро дар ҳамкориҳои ҳозираву минбаъда ҳамеша ба хушӣ мепазирад ва барои расидан ба ҳадафҳои муштараки ду кишвар, ки бештар ба таъмини амнияти минтақа нигаронда шудаанд, талош меварзад, - афзуд Элизабет Миллард.

Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 19.08.2016    №: 167    Мутолиа карданд: 2931

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед