logo

ҳуқуқ

ОИЛА. БУНЁДИ ОН МАСЪАЛАИ ШАХСӢ ВА Ё ХОҲИШИ ПАДАРУ МОДАР НЕСТ…

Пӯшида нест, ки халқи тоҷик ба низоми волоияти қонун ба шарофати Истиқлолияти давлатӣ даст ёфт. Маҳз дар даврони соҳибистиқлолии кишвар, дар заминаи дигаргуниҳои сиёсию иқтисодӣ ва ҷамъиятӣ бо роҳи раъйпурсии умумихалқӣ се маротиба  ба Конститутсияи Ҷумҳурии Тоҷикистон тағйиру иловаҳо ворид шуданд. Зимнан, як қатор санадҳои меъёрии ҳуқуқӣ  низ дар асоси рушду такмили қонунгузорӣ,  таҷрибаи умумиҷаҳонӣ, бо назардошти суннатҳо, урфу одат ва анъанаҳои миллӣ бо ворид намудани тағйиру иловаҳо такмил ёфтанд. Яке аз чунин санадҳои муҳими ҳуқуқии кишвар  Кодекси оилаи Ҷумҳурии Тоҷикистон мебошад. Тағйиру иловаҳое, ки 15 марти соли равон ба ин кодекс ворид гардиданд, дорои аҳамияти вижа мебошанд. 

Масалан, мувофиқи сархатҳои чорум, панҷум, шашум ва ҳафтуми моддаи 14 ақди никоҳ «-байни фарзандони бародарон, хоҳарон, бародару хоҳар; -байни тағо ва ҷиян, амак ва бародарзода, хола ва хоҳарзода, амма ва ҷиян; - байни шахсоне, ки аз як зан шир макидаанд; - байни шахсоне, ки аз муоинаи тиббии ҳатмӣ нагузаштаанд» манъ карда шудааст. Ё, дар моддаи 15 омадааст, ки: «1. Шаҳрвандони Ҷумҳурии Тоҷикистон, шаҳрвандони хориҷӣ ва шахсони бешаҳрванд пеш аз бастани ақди никоҳ мутобиқи қонунгузории Ҷумҳурии Тоҷикистон дар муассисаҳои давлатии соҳаи тандурустии маҳали зист ё истиқомати доимӣ аз муоинаи тиббии ҳатмӣ ба таври ройгон мегузаранд ва онҳо бо натиҷаи муоинаи тиббии ҳатмии ҳамдигар шинос карда мешаванд. 2. Машваратдиҳӣ оид ба тарзи солими ҳаёт, танзими оила ва таъсири бемориҳо ба саломатии насл аз ҷониби муассисаҳои давлатии соҳаи тандурустии маҳали зист ё истиқомати доимӣ мутобиқи қонунгузории Ҷумҳурии Тоҷикистон гузаронда мешавад».
Ҳадаф аз ворид намудани тағйиру иловаҳо ба Кодекси оила ба дунё овардани насли солим, пешгирии таъсири бемориҳо ба саломатии насл, дар маҷмӯъ муҳайё намудани шароити зиндагии шоиста барои ҳар як сокини мамлакат мебошад. Ҳуқуқдонон ва коршиносони соҳаи иҷтимоӣ дар ин самт санҷишу таҳлилҳои вижа гузаронда, як қатор мушкилот ва камбудиҳои ҷиддиро ошкор намуданд. Ин мушкилот, пеш аз ҳама, ба дунё омадани фарзанд бо нуқсонҳои модарзодӣ, аз қабили шалӣ, кӯрию гунгӣ, бемориҳои системаи асаб, рӯҳӣ, нутқ ва шунавоӣ, инчунин номутаносибии ҷисм мебошанд, ки дар натиҷаи никоҳи хешутаборӣ ва бемориҳои ирсӣ ба амал омада, ба генофонди миллат ва сифатҳои беҳтарини азалии инсонии тоҷикон - ҷисми неруманд, қомати баланд, ҳусни зебо, ақли расо зиёни ҷиддӣ расондаанд ва дар баъзе мавридҳо ин сифатҳоро барҳам задаанд. Тибқи омӯзишу таҳлили табибон имрӯз дар шаҳру деҳоти Панҷакент 776 маъюби то 18 - сола сабт шудааст, ки 188 нафарашон аз издивоҷи хешутаборӣ ба дунё омадаанд.
Иҷрои Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи Ҷумҳурии Тоҷикистон» вазифаи муҳимтарини падару модарон ва ҷавонон аст.   Зеро барои бунёди оилаи мустаҳкам ва ба дунё овардани насли солим, пеш аз ҳама, онҳо масъул ҳастанд. Моҳияти аслии тағйиру иловаҳои воридгардида аз он иборат аст, ки минбаъд бунёди оила танҳо масъалаи шахсӣ, хоҳиши  падару модар ва ё ҷавонон набуда, балки вазифаи қонунӣ ва масъулияти шаҳрвандии ҳар як сокини кишвар мебошад.
Авазҷон НАЗАРЗОДА,
прокурори шаҳри Панҷакент,
мушовири адлияи дараҷаи 1


Баёни ақида (0)    Санаи нашр: 22.08.2016    №: 168    Мутолиа карданд: 3109

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед