logo

иҷтимоиёт

АГАР МУНОСИБАТ ҲАМИН БОШАД...

СУХАН ДАР БОРАИ МУШКИЛОТИ “ТОҶИКТЕЛЕКОМ” ДАР ВМКБ МЕРАВАД
Дуздии ноқилҳои алоқаи телефони хонагӣ вақтҳои ахир дар шаҳри Хоруғ авҷ гирифтааст. Ин ҳолат сабаби қатъи алоқа ва норизоии сокинон аз хизматрасонии номуназзами Ҷамъияти саҳомии кушодаи “Тоҷиктелеком” шудааст.
Бино ба маълумоти Зафар Буттабеков, сардори ин ниҳод, чанде пеш дар маҳаллаи Ниводак дар масофаи 900 метр кабел ба яғмо бурда шуд, ки  дар натиҷа 360 хоҷагии шаҳр аз  ҷумлаи муштариёни ҷамъият аз  алоқаи муқаррарӣ маҳрум гардиданд. Моҳе пеш ҶСШК “Тоҷиктелеком” бо қувваи  худ дар тамоми  маҳаллаҳои шаҳр алоқаи телефониро барқарор намуд. Аммо дере нагузашта боз дар маҳаллаи назди табобатхонаи вилоятӣ 833 метр кабелро дуздиданд, ки зиёда аз 400 хоҷагӣ  бе хати алоқа монд. Чунин ҳолати нангину зараровар дар маҳаллаҳои Чухтхоруғ, Тирчид, Хоруғи Боло, Селхозтехника ва Боғи Наботот низ ба мушоҳида расид. Умуман, дар ин миён 2 ҳазору  345  метр кабел дуздида шуда, ба муассиса наздик ба 70 ҳазор сомонӣ зарари молиявӣ расид. 
Ба гуфтаи Зафар Буттабеков, дуздидани симу кабелҳои телефон,  мутаассифона,  ягона   сабаби  костагии  хизматрасонии  алоқа дар шаҳри Хоруғ ва ноҳияҳои Вилояти Мухтори Кӯҳистони Бадахшон буда наметавонад. Буридани дарахтон ва кандани замин низ дар ҷойҳое, ки шабакаи  алоқаи телефон мегузарад, боиси кандашавии симу кабел ва қатъшавии алоқа мегардад. Дар  ин  бора муассиса чандин маротиба ба мақомотҳои дахлдор муроҷиат кардааст. Аммо ҳанӯз ҳам вайронкунандагони тартиботи ҷамъиятӣ ошкор ва ба ҷавобгарӣ кашида нашудаанд. Дуздони моликияти ҷамъиятӣ худро аз ҷавобгарӣ дар назди қонун фориғ ҳис карда, кори авбошонаи худро давом дода истодаанд. Зафар Буттабеков ҳамчунин гуфт, ки ҶШСК “Тоҷиктелеком” дар Вилояти Мухтори Кӯҳистони Бадахшон аз офатҳои табиӣ низ хисороти зиёд  мебинад. Танҳо  дар  соли  2015  бар асари  офати  табиӣ ба ҷамъият  беш  аз  900 ҳазор сомонӣ зарар расидааст. Мушкил  он  аст, ки  ин  хисорот аз ҷониби ягон ниҳод ҷуброн карда намешавад. Ин дар ҳолест, ки “Тоҷиктелеком” дар вилоят яке  аз корхонаҳои калонтарин ба ҳисоб мерафт ва садҳо  корманд  дошту  дар  тамоми  қаламрави вилоят сокинон ва идораву  муассисаҳо  аз  хизматрасониаш  бархӯрдор  буданд. Ҳоло "Тоҷиктелеком" беш  аз пеш мавқеи худро дар назди ширкатҳои алоқаи мобилии дар вилоят фаъолиятдошта аз даст дода, мувоҷеҳ ба касодист. Ҳаҷми умумии хизматрасонӣ дар Ҷамъияти саҳомии «Тоҷиктелеком» 406,4 ҳазор сомониро ташкил  медиҳад, ки ин нисбат ба ҳамин давраи соли  гузашта 79 ҳазор сомонӣ кам аст. Қарзи дебитории корхона айни ҳол аз 385 ҳазор сомонӣ гузаштааст. Ба гуфтаи  сардори  корхона,  аз  ин  ҳисоб 26  фоиз ба идораву ташкилотҳои низомиву  қудратӣ ва 20 фоиз ба  мақомотҳои иҷроияи маҳаллии ҳокимияти давлатии шаҳру ноҳияҳо ва худидоракунии деҳот рост меояд. Агар муносибат ба муассиса ҳамин тавр идома ёбад, он  рӯз  дур  нест, ки  ҶСШК “Тоҷиктелеком” дар   ВМКБ муфлис  гардад ва  боқимонда мизоҷонашро низ аз даст диҳад. Вазъи  муассиса  маълум  аст, вале  саволи  матраҳ  ин  аст, ки ба ҷойи он кадом ниҳод хизматрасонии алоқаи муқаррариро ба ҷо  меоварда бошад? Бинобар  ин,  ҳоло, ки дер нашудааст,  ба корхона ёрӣ расондан зарур аст. Агар  дасти  ёрӣ кӯтаҳӣ кунад, ақаллан зарар нарасонем ва маблағҳои истифодаи хидмати  алоқаро  сари  вақт  пардохт  намоем, то ки  муассиса  тавонад  ягон  каму  кости  худро  барорад.

Р. ГУЛЗОР, “Ҷумҳурият”


Баёни ақида (0)    Санаи нашр: 22.08.2016    №: 168    Мутолиа карданд: 1490

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед