logo

иқтисод

САНГВОР - ҲАМҚАДАМИ ИСТИҚЛОЛ

Ҳиммати ҒАЙРАТ,
 раиси ноҳияи Сангвор

Бисту панҷ сол пеш миллати куҳанбунёд ва сарбаланди  тоҷик ба дастоварди бузург - Истиқлолияти давлатӣ ноил гардида, соҳиби давлати комилан мустақили миллӣ шуд. Инак, мо  25 - умин солгарди ин  рӯйдоди муборак ва таърихиро  бо ифтихору сарфарозӣ ҷашн мегирем.  Баробари ба даст омадани Истиқлолияти давлатӣ ноҳияи Сангвор низ аз нав ташкил ёфта, он ҳамқадами замони истиқлол мебошад.

Миллати тоҷик дар тӯли беш аз ҳазор сол пайваста барои эҳёи давлати миллии худ ва истиқлолияти он талош мекард. Бо ҳукми тақдир ба мо муяссар гардид, ки ба орзую ормони деринаи  худ расем. Бисту панҷ сол аст, ки Тоҷикистон - ин диёри арҷманди мо соҳибистиқлол ва мардуми шарифу сарбаланди кишвар барои сарсабзию хуррамии он пайваста талош доранд. Дар даврони соҳибистиқлолӣ мо тавонистем Ватанамонро обод ва мардумонашро шод гардонем. Масалан, ҳоло ба шарофати соҳибистиқлолӣ маркази ноҳияи Сангвор симои худро тамоман дигар кардааст. Биноҳои хуштарҳу замонавӣ диққати бинандаро ба худ ҷалб месозанд. Рӯз ба рӯз кӯчаву маҳаллаҳо зеботару дилкаштар гардида истодаанд.
Бунёди хатҳои оби ошомиданӣ,  каналҳо ва пулҳои мошингарду пиёдагузар, муассисаи таълимӣ,  синфхонаҳои иловагӣ, бунгоҳҳои тиббӣ самараи Истиқлолияти давлатӣ мебошанд. Тайи солҳои 1998 - 2015 - ум  255 иншоот мавриди истифода қарор гирифт, ки 44 адади он ба муассисаҳои таълимӣ, 60 ба соҳаи обрасонӣ, 27 - тандурустӣ,  4 - фарҳанг ва 120 иншоот ба дигар соҳаҳо рост меояд. Соли гузашта бо фармоиши Дирексияи сохтмони  иншооти ҳукуматии Дастгоҳи иҷроияи Президенти Ҷумҳурии Тоҷикистон  4 километр роҳи маркази ноҳия ба маблағи 3 миллиону 892 ҳазор сомонӣ мумфарш гардида, дар чорроҳаи он чароғаки роҳнамо гузошта шуд. Бо назардошти хеле дур будани деҳаҳо аз маркази ноҳия, се ҷамоати деҳоти нав - Чилдара, Вахиё ва Ваҳдат ташкил гардид.
Cиёсати созандаю бунёдкоронаи пешгирифтаи давлату Ҳукумат дар тамоми самтҳои ҳаёти ҷомеа татбиқи амалӣ пайдо намуда, натиҷаҳои дилхоҳ дода истодааст. Мувофиқи маълумоти оморӣ соли сипаришуда дар ҳамаи шаклҳои хоҷагидорӣ 5 ҳазору 206 тонна ғалладона,   12 ҳазор тонна картошка, 958 тонна сабзавот, 1192 тонна мева,   1 ҳазору 84 тонна гӯшт,  8 ҳазору 552 тонна шир, 289 тонна асал  ва 1 миллиону 778 ҳазор  дона тухм истеҳсол гардидааст, ки дар қиёс ба соли 1991 ба таври назаррас афзуд.
Дар даврони соҳибистиқлолӣ дар соҳаи маориф дигаргуниҳои куллӣ ба амал омаданд. Масалан, агар соли 1991 дар ноҳия ҳамагӣ 15 муассисаи таълимӣ  фаъолият мекард, ҳоло теъдоди онҳо ба 59 расидааст.   Дар ин давра хонандагон пурра аз хонаҳои шахсӣ ва вагонҳо ба мактабҳои хуштарҳу замонавӣ гузаштанд. Ҷиҳати  татбиқи Барномаи давлатии рушди соҳаи тарбияи томактабӣ барои солҳои 2012 - 2016 дар Ҷумҳурии Тоҷикистон нақшаи чорабиниҳои ноҳиявӣ таҳия ва тасдиқ гардида,  дар назди 15 муассисаи таҳсилоти миёнаи умумӣ  маркази инкишофи кӯдакони томактабӣ  таъсис ёфт, ки ба онҳо зиёда аз 200 нафар ҷалб карда шуданд.
Аз соли 1997 ба ин сӯ  335 нафар, аз ҷумла 200 нафар  духтар тариқи Квотаи президентӣ ба мактабҳои олӣ дохил шуда, 216 нафар баъди хатми онҳо дар соҳаҳои гуногуни хоҷагии халқ кору фаъолият доранд. 119 нафари дигар таҳсилро давом дода истодааст. Аз соли 1995 дар ноҳия литсейи касбӣ - техникӣ ва аз соли 2003 филиали Маркази касбомӯзии шаҳри Душанбе дар ноҳияи Сангвор  фаъолият дошта, садҳо нафар касбу ҳунарҳои гуногунро азхуд намуд.
Соҳаи тандурустӣ яке аз бахшҳои муҳим ба ҳисоб рафта, ҳамчун самти асосӣ ва афзалиятнок барои беҳбудии саломатии аҳолӣ нигаронда шудааст. Соли 1991 дар соҳаи тандурустии ноҳия ҳамагӣ як беморхонаи марказӣ, як дармонгоҳ, ду беморхонаи қитъавӣ ва се бунгоҳи тиббӣ фаъолият дошт.  Ба шарофати Истиқлолияти давлатӣ айни замон, дар соҳаи мазкур як беморхонаи марказӣ, ду минтақавӣ,  маркази саломатии ноҳиявӣ, чор маркази саломатии деҳот, 22 бунгоҳи тиббӣ, чор дорухонаи шахсӣ ва маркази назорати давлатии санитарию эпидемиологӣ ба аҳолӣ хизмат мерасонанд. 
Дар ноҳияи Сангвор ба рушди соҳаи фарҳанг таваҷҷуҳи хос зоҳир мегардад. Қасри фарҳанг барои 438 ҷойи нишаст ба истифода дода шуда, дар ҳудуди ноҳия театри халқӣ, боғи фароғатӣ, ду хонаи фарҳанг, ду клуб  ва шаш китобхона фаъолият дорад. Захираи умумии китоб дар китобхонаи бахши фарҳанги ноҳия 18 ҳазору 877 ададро ташкил медиҳад. Бахши фарҳанг дар гузарондани тамоми чорабиниҳои сатҳи ноҳиявӣ ва ҷумҳуриявӣ иштироки фаъолона дорад.
Мақомоти иҷроияи маҳаллии ҳокимияти давлатии ноҳия бобати иҷрои Фармони Президенти Ҷумҳурии Тоҷикистон, аз 3 декабри соли 1999, № 5 “Дар бораи тадбирҳои баланд бардоштани мақоми зан дар ҷомеа” тадбирҳои амалӣ андешида истодааст. Дар ноҳия дар солҳои аввали соҳибистиқлолӣ ҳамагӣ ду нафар бону соҳиби таҳсилоти олӣ буд, ҳоло ин шумора ба  206 нафар расидааст.
Дастовардҳои даврони соҳибистиқлолии ноҳияи Сангвор хеле зиёданд. Сокинони ноҳия бо шукргузорӣ  аз замони соҳибистиқлолии мамлакат, ифтихор аз Ватану ватандорӣ  дар фазои орому осоиштаи диёрамон зиндагӣ ва кору фаъолият дошта, баҳри  сазовор истиқбол гирифтани  25 - умин солгарди Истиқлолияти давлатӣ  саъю талош доранд.

 


Баёни ақида (0)    Санаи нашр: 22.08.2016    №: 168    Мутолиа карданд: 1571

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед