logo

иҷтимоиёт

ЛИБОСИ МАКТАБӢ. ЧАРО БОЗОРИ ФУРӮШИ МОЛИ ХУДӢ ГАРМ НЕСТ?

Нимаи дуюми моҳи август барои шаҳрвандон серташвиш мебошад. Падару модарон ва наврасон  барои соли таҳсили 2016 – 2017 омодагӣ мебинанд. Соҳибкорони  маҳаллӣ низ  солҳои охир  бар он кӯшидаанд, ки  бо тавлиду  фурӯши моли ватанӣ –  либосҳои  мактабӣ  эҳтиёҷоти  онҳоро таъмин намоянд. Мақсад аз он   сарбории шаҳрвандонро бобати хариди либоси ягона  сабук  гардондан аст. Дар корхонаҳои  саноатӣ ба роҳ мондани истеҳсоли моли воридотивазкунанда  талаботи рӯз ва ҳадафи  Ҳукумати Ҷумҳурии Тоҷикистон  мебошад. Рушди истеҳсолоти ватанӣ имкон фароҳам меорад, ки  ҳам  занону духтарон  соҳиби ҷойи кор гарданду ҳам  шаҳрвандон моли худиро бо нархҳои дастрас харид намоянд.  Оё корхонаҳои   истеҳсолӣ  шаҳрвандонро бо  моли ба меъёри ҷаҳонӣ ҷавобгӯй ва  нархҳояшон дастрас таъмин карда метавонанд? Сифати либосҳои мактабӣ, ки корхонаҳои кишвар истеҳсол мекунанд, чӣ гуна аст? Хабарнигори «Ҷумҳурият» барои ҷавоб ёфтан ба ин ва саволҳои дигар бо роҳбарони    ҶДММ Иттиҳодияи истеҳсолии «Нассоҷии тоҷик», ҶДММ «Ёқут – 2000» ва ҶСК «Гулистони Душанбе» суҳбат орост.

Дар ҶСК «Гулистони Душанбе», ки  аз 15 - уми июли соли равон  ба   фаъолияти истеҳсолӣ     шурӯъ кардааст, дар  баробари намудҳои гуногуни либос, ҳамчунин,  дар як муддати кӯтоҳ  1000 маҷмӯъ (комплект) либоси муассисавӣ (мактабӣ, корхонаӣ, махсус) тавлид гардид. Моли онҳо дар маркази савдои «Ашан» ба фурӯш гузошта шудааст.  Корхона бо таҷҳизоти муосири автоматӣ  муҷаҳҳаз гардонда шуда, сифати мол ба меъёри ҷаҳонӣ ҷавобгӯй аст. 
- Корхонаи мо  иқтидори  баланд бардоштани ҳаҷми моли рақобатпазирро дорад, аммо фармоишгарон камшуморанд, -  мегӯяд  Дилшод Бегов, директори генералии «Гулистони Душанбе». Бо назардошти талаботи бозор ба моли худӣ метавонем  ҳаҷми истеҳсолотро афзоиш диҳем.
Дар  маркази савдои  ҶДММ «Ёқут – 2000»  намоишгоҳ – фурӯши моли ватанӣ ташкил шуда, дӯзандагон  4 ҳазор адад  либоси муассисавӣ  дӯхтаанд. Бояд гуфт, ки  корхона боз артиклҳои гуногуни либосро  истеҳсол мекунад. Фармоишгарони онҳо асосан муассисаҳои таҳсилоти миёнаи умумӣ ва хусусии ноҳияи Шоҳмансур мебошанд. 
Қутбия Саломова ва Муҳаббат Розиқова, сокинони ноҳияи Шоҳмансур, аз муътадилии нархҳо изҳори қаноатмандӣ карданд. Комплекти он 210 – 240 – сомонӣ аст. Намуди зебо доранд, вале андозаҳо чандон муво-фиқат намекунанд.
Мунира Исмоилова, сардори сехи дӯзандагии «Ёқут – 2000», мегӯяд, ки  баъзе муштариён аз ба номувофиқатии андозаҳои либос  шикоят мекунанд.  Мо хоҳиши онҳоро мепазирем.   Порагар  боз андозаи наврасро чен мекунад. Дар ҳақиқат, барои тавлиди  моли ба талаботи бозори ҷаҳонӣ  ҷавобгӯй  камбудиҳо  мавҷуданд.
- Яке аз мушкилиҳои асосӣ барои истеҳсоли моли  воридотивазкунанда дар корхонаи мо  он аст, ки   занону духтарони дӯзанда маълумоти пурраи миёна ҳам надоранд. Ҳамагӣ  ду мутахассиси маълумоти олидор дорем. «Ёқут – 2000»  бо таҷҳизоти компютерии дар Осиёи Миёна беназир муҷаҳҳаз аст. Дар коргоҳ мутахассисони баландихтисос, махсусан  амсиласози либос, тарроҳ, технолог, муҳандис, конструкторҳо намерасанд.
ҶДММ Иттиҳодияи истеҳсолии «Нассоҷии тоҷик»  истеҳсоли либоси муассисавиро  ба таври фарох ба роҳ мондааст. Он бо 118 муассисаи таълимии кишвар шартнома баста, барои хонандагон ба миқдори 135 ҳазор адад  либос истеҳсол намудааст. Маблағи моли истеҳсолшуда 3 миллиону 920 ҳазор сомониро ташкил медиҳад,  ки нисбат ба соли пешин зиёд мебошад. Коргарон тамоми сол ба дӯхтани либоси муассисавӣ машғуланд ва дари мағоза ҳамеша кушода аст, вале моли тайёр  дар анбор хобидааст. Директорони муассисаҳои таълимӣ бо коргоҳ шартнома баста, харидани молро ба зиммаи падару модарон ҳатмӣ бор мекунанд. Шаҳрвандон ба моли худӣ камтаваҷҷуҳӣ  зоҳир менамоянд, ба хушсифатии он гӯё шубҳа доранд. Яъне, байни истеҳсолгар ва харидори ватанӣ ҳанӯз робитаи эътимодбахш барқарор нашудааст.
- Дуруст аст, ки аз нарасидани дӯзандагони моҳиру соҳибтаҷриба танқисӣ мекашем, - мегӯяд   Раҳматулло Ғуломов, сармуҳандиси  фабрикаи дӯзандагии «Нассоҷии тоҷик». - Ба технолог, тарроҳ, муҳандис, конструктор, устои  таъмиргари дастгоҳҳои дӯзандагӣ низ эҳтиёҷ дорем. Баъзан барои таъмири  дастгоҳи дӯзандагӣ аз мамлакати хориҷ усторо даъват мекунем. Хатмкунандагони Донишгоҳи технологии Тоҷикистон ва коллеҷи технологӣ ба коргоҳ барои кор намеоянд. «Нассоҷии тоҷик»  ҳоло ҷавон аст. Дархостҳои директорони муассисаҳои таълимӣ иҷро гардиданд. Либосҳои мағозаамонро харидорӣ мекунанд,  аммо бозори  фурӯш гарм нест. Баъзе наврасон ва падару модарон моли моро написандида, онро аз бозори «Корвон» мехаранд. Он харидороне, ки аз мо мол харид кардаанд, аз нархи он шикоят надоранд. Дастрас аст, чунки ашёи хом ва матои худӣ истифода мешавд. Ҳанӯз барои пурра мувофиқ ба талаботи бозори ҷаҳонӣ истеҳсол намудани моли ватанӣ мушкилиҳо ҷой доранд, -  мегӯяд Р. Ғуломов. -  Имрӯз  фабрика ба дастгирии маънавии шаҳрвандон ва дастгирии мутасаддиён ниёз дорад. Айни ҳол моли тайёр дар анбори коргоҳ хобидааст, аммо харидор нест.
  Фабрикаи дӯзандагии  иттиҳодия  тавлидгари  асосии либосҳои  муассисавӣ  мебошад, вале дар ин ҷо низ чун дигар  корхонаҳо бештар аз  нарасидани   кадрҳои соҳибтахассус танқисӣ мекашанд. Имрӯз барои истеҳсоли моли худӣ, махсусан,  либосҳои муассисавӣ иқтидорҳои истеҳсолӣ мерасанд, фақат  барои боз ҳам бозоргир намудани сифати мол  таҷриба андӯхтани коргарон зарур аст. Хуб мешуд, агар шаҳрвандон ифтихори миллӣ зоҳир намуда, истеҳсолгарони ватаниро дастгирӣ кунанд. Аз ҷумла, омӯзгорон ва падару модарон.   Аз тарафи дигар,  ташкил намудани  намоишгоҳ – фурӯшгоҳҳои моли ватанӣ  дар бозорҳои калони ҷумҳурӣ, назири «Корвон», ба манфиати ҳам харидорон ва ҳам истеҳсолгарон аст.

Иронбӣ МӮСОЗОДА, «Ҷумҳурият»


Баёни ақида (0)    Санаи нашр: 24.08.2016    №: 170    Мутолиа карданд: 1974

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед