logo

иҷтимоиёт

ҶАВОНОН. ОИЛА ВА ҶОМЕА ДАР ТАРБИЯИ ОНҲО МАСЪУЛИЯТ ДОРАНД

Ҳамагон шоҳиди онем, ки имрӯзҳо дар баъзе кишварҳо низоъҳои қавмию мазҳабӣ, ихтилофи миллатҳо дар авҷ буда, инсоният ба мушкилоти навбатӣ дучор шуда истодааст. Тамоми ин равандҳо наметавонанд ба ҳаёти рӯзмарраи дигар кишварҳо бетаъсир бошанд. Хусусан вазъи сиёсии мамлакатҳои Шарқи Наздик ва умуман ҷаҳони муосир нигаронкунанда аст. Таҳлилу мушоҳидаҳо бозгӯи онанд, ки гурӯҳҳои террористӣ ва ифротгаро ҷавонони содаву гумроҳро ба худ ҷалб намуда, бо ин васила мехоҳанд сулҳу суботро дар дигар кишварҳо халалдор созанд ва ҷомеаро ба гирдоби нооромиҳо кашанд.

Имрӯз шукр аз он дорем, ки Ватани азизамон - Тоҷикистон рӯз то рӯз ободу зебо гардида, мардумаш хушу хуррам ва осуда зиндагӣ доранд. Маҳз муҳити созгори тарғиби арзишҳои ватанпарастӣ метавонад кулли шаҳрвандонро ба корҳои бунёдкорӣ, ҳимояи манфиатҳои ҷамъиятӣ ва машғул шудан ба меҳнати барои ҷомеа манфиатбахш раҳнамун созад. Беҳуда нест, ки Президенти кишвар муҳтарам  Эмомалӣ Раҳмон пайваста дар мулоқоту суханрониҳояшон ёдрас мешаванд, ки халқи тоҷик танҳо дар ҳоли ҳамбастагӣ ва ваҳдату ягонагӣ метавонанд ормонҳои ҳазорсолаи соҳибватану соҳибфарҳанг буданро амалӣ созанд. Барои амалӣ гардидани ин мақсадҳо беш аз пеш арзишҳои ватандорию ватанпарастӣ бояд миёни мардум, бахусус ҷавонон тарғиб карда шаванд. Зеро ғояҳои зӯроварӣ, қатлу ғорат, фиребу буҳтон, коштани тухми нобоварӣ, тафриқаандозӣ ва амсоли инҳо миёни мардуми тоҷик дар ҳеҷ давру замон роҳ намеёфт ва имрӯз низ мо ҳамчун сипар пеши роҳи паҳншавии ин ғояҳоро бояд бигирем ва барои наслҳои оянда давлати ободу пешрафта мерос гузорем. Воқеаҳои нангини Ироқу Сурия ва Афғонистон моро ҳушдор медиҳанд, ки ватани осудаву ободамон - Тоҷикистони азизро боз ҳам бештар дӯст дорем, аз манфиатҳои халқу миллати хеш ҳимоят кунем ва нагузорем, ки фазои поку беолоиши ин Ватани азиз ғуборолуда шавад. Зиндагии осоишта, пешрафти сатҳи некуаҳволии мардуми кишварамон дар дасти худи мост.
Имрӯз мо ҷонибдори сиёсати пешгирифтаи Сарвари давлати Тоҷикистон мебошем. Дар якҷоягӣ Тоҷикистонро боз ҳам ободу зебо мегардонем. Намегузорем, ки дар Ватани мо дигарбора душманони дохилӣ ва хориҷӣ тухми кинаву адоват кошта, амнияти кишварамонро халалдор созанд.
 Дар ин ҷода тарбияи ҷавонон дар зинаҳои минбаъдаи тарбияи шахс бояд идомаи мантиқии тарбия дар оила бошад. Ҳолатҳое дучор мешавад, ки волидайн аз раванди таълиму тарбияи фарзанд умуман огоҳ намешаванд. Дар ҳолатҳои ба корҳои ношоиста даст задани фарзандон афсӯсхӯрӣ мекунанд, ки дигар суде надорад. «Илоҷи воқеа пеш аз вуқӯъ» - гуфтаанд. Пас, дар тарбияи насли ҷавон на танҳо оила, балки кулли ҷомеа масъуланд. Имрӯзҳо баъзан шоҳиди он мешавем, ки ҷавонон дар кӯчаву бозор, ҷойҳои ҷамъиятӣ ба корҳои ношоиста, гуфтори қабеҳ даст мезананду касе аз калонсолон пеши роҳи онҳоро намегирад. Нодида гирифтани раванди тарбияи насли ҷавон оқибатҳои чандон хуб ба бор нахоҳад овард. Солҳои охир далелҳои зиёди беаҳамиятии оила ва ҷомеа нисбат ба ҷавонон ошкор гардид. Ба гурӯҳҳои тундрав ва ифротгаро шомил гардидани бархе аз ҷавонон гувоҳи бетарафии оила ва муҳити тарбия нисбат ба онҳо мебошад. Зеро ки ин ҷавонони гумроҳ пас аз дарки амалҳои гурӯҳҳои тундрав ва ифротгаро ба худ омада, аз кардаи худ пушаймонанд.
 Шарифхон ТИЛЛОЕВ,
рӯзноманигор


Баёни ақида (0)    Санаи нашр: 24.08.2016    №: 170    Мутолиа карданд: 2004

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед