logo

ҳуқуқ

ГУМРОҲӢ БА 12 СОЛ ЗИНДОНӢ ШУДАНИ СЕ НАФАР ОВАРДА РАСОНД

Бо вуҷуди он ки ҷангиёни «Давлати исломӣ»  бо аъмоли ваҳшиёнаашон ба нафрати оламиён гирифторанд, боз шахсони гумроҳе ёфт мешаванд, ки нияти ба ин созмони террористӣ  гаравиданро доранд. Шоир бамаврид фармудааст:
Чу мебинӣ, ки нобинову чоҳ аст,
Агар хомӯш биншинӣ, гуноҳ аст.
Воқеан,  хомӯш нишастану пеши роҳи онҳоро нагирифтан гуноҳ аст. Гумроҳшудагонро аз ин роҳ бояд баргардонд, то ба ислом доғ наоранду ба қотилони бераҳму хуношом мубаддал нагарданд.
Чанде қабл Сураё Ҷобирзода, судяи суди ноҳияи Шоҳмансури шаҳри Душанбе, сокинони ноҳияи Ваҳдат Диловар  Азизов, Руҳулло Ҳасанов ва Хушнуд Юлдошбоевро дар содир намудани ҷинояти дар моддаи 32 қисми 3 - 4011 Кодекси ҷиноятии  Ҷумҳурии Тоҷикистон пешбинишуда гунаҳгор дониста, ба онҳо ҷазо дар намуди маҳрум сохтан аз озодӣ ба муҳлати 12 сол, бо адо намудани ҷазо дар колонияҳои ислоҳии дорои низоми  сахт таъйин кард. Онҳо бо шаҳрванд Юсуф Нуруллозода дар яке аз толорҳои варзишии шаҳри Ваҳдат аз рӯи намуди гӯштии тарзи озод машқ мекарданд.   Ю. Нуруллозода моҳи  июли соли сипаришуда аз Федератсияи Русия, тавассути Туркия ба Ироқ  рафта, то ҳол дар задухӯрдҳои  мусаллаҳона ва амалиётҳои ҷангӣ иштирок менамояд. Ӯ тавассути телефони мобилӣ бо  шабакаҳои  иҷтимоии интернетӣ  Д.  Азизов, Р. Ҳасанов ва Х. Юлдошбоевро барои шомил  шудан ба гурӯҳи террористии “Давлати исломӣ” ва иштирок дар задухӯрдҳои муссалаҳона ва амалиётҳои ҷангӣ дар ҳудуди дигар давлатҳо ҷалб кард. Онҳо  моҳи январи соли равон бо мақсад ва  ғояҳои ин созмони террористӣ шинос шуда, тасмим гирифтанд, ки ба он шомил мешаванд.
Ҳамин тавр, бо маслиҳати пешакӣ,  Руҳулло Ҳасанов телефони мобилиашро ба маблағи ду ҳазору панҷсад сомонӣ фурӯхта, 26 феврал  аз шаҳри Ваҳдат се чиптаи хатсайри Душанбе - Бишкек харид. Худи ҳамон рӯз онҳо ба шаҳри Бишкек парвоз карданд. Ният доштанд, ки баъди як ё ду рӯз ба Туркия рафта,  дар он ҷо ба гурӯҳҳои ҷиноятӣ шомил шаванд.
 Дар маҷлиси судӣ Х. Ҳасанов иброз дошт, ки писараш - Руҳулло донишҷӯ буда, муносибаташ  бо оила ва ҳамсоягону рафиқонаш хуб аст. Ӯро барои хушмуомилагиаш дар хонаву кӯча эҳтиром мекарданд.  Аз рафиқони писараш  танҳо Д. Азизовро  мешинохтааст, чунки  дар ҳамсоягиашон зиндагӣ мекардааст. Ба гуфтаи ӯ, писараш 26 феврал ба дарс рафта, тахминан  соати шаши бегоҳ ба хона баргаштааст.  Вай сумкаи варзишиашро гирифта, гуфтааст, ки ба варзишгоҳ меравад. Баъди чанд муддат ба ӯ хабар мерасад, ки  писараш бо Диловар Азизов саросемавор ба мошине савор шуда, рафтаанд. 
Номбурда сумкаи варзишии писарашро дар назди дарвозаи хонааш дида, дар ҳайрат монд.  Ба куҷо рафта бошад? Барои ба ин савол ҷавоб ёфтан роҳи хонаи  Диловар Азизовро пеш гирифт. Ба ӯ гуфтанд, ки Диловар барои иштирок дар мусобиқаи варзишӣ  ба Душанбе рафтааст. Ба  Руҳуллою Диловар чанд бор занг зад. Телефонҳои мобилиашонро хомӯш карда будаанд.  Ба дилаш шубҳа афтод ва  писараш Лутфуллоро  ба фурудгоҳи Душанбе фиристод. Маълум гашт, ки Руҳулло бо шариконаш аллакай ба Бишкек парвоз кардааст. Ба Вазорати корҳои дохилӣ занг зада, дар ин хусус хабар дод.  Баъд аз ин, кормандони вазорат ба ҳамтоёни қирғизи худ дар тамос шуда, масъалаи дастгир намуданашонро  ба миён гузоштанд.
27 феврал  ин гумроҳон аз ҷониби мақомоти  ҳифзи ҳуқуқи Қирғизистон дастгир  ва ба Тоҷикистон баргардонда шуданд. Зимни дастгир кардани Д.  Азизов аз ӯ телефони мобилиаш гирифта шуд. Дар он суҳбати номбурда бо Ю. Нуруллозода, ки тавассути  шабакаи «Вотсап»  анҷом додааст, сабт шудааст.  Диловар, Руҳулло ва Хушнуд,  новобаста аз иродаашон, мақсади худро дар хусуси анҷом додани ҷиҳод дар Ироқ амалӣ карда натавонистанд.
Суд дараҷаи хавфнокии ҷинояти содирнамудаи Диловар  Азизов, Руҳулло Ҳасанов ва Хушнуд Юлдошбоевро, ки  муқобили асосҳои сохти конститутсионӣ ва амнияти давлат равона гардидааст, ба асос гирифта, дар доираи санксияи моддаи 32 қисми 3 - 4011 Кодекси ҷиноятии  Ҷумҳурии Тоҷикистон ҷазои маҳрум сохтан аз озодиро  нисбат ба  судшавандаҳо таъйин намуд.
Боиси таассуф аст, ки бархе аз ҷавонон аз рӯи нодонӣ,  гумроҳӣ ва паст будани сатҳи дониши динию ҳуқуқӣ тавассути шабакаҳои интернетӣ ба доми фиреби ашхоси ифротӣ  ва гурӯҳҳои террористӣ меафтанд. Ва бо чунин лағжиш ё хатоӣ на танҳо ба ҳаёти ояндаи хеш латма мезананд, балки ба падару модар, аҳли оила ва хешу табор ғаму андуҳ меоранд. Ин ҳодиса  волидонро ҳушдор месозад, ки фаъолияти ҳамарӯзаи фарзандонашонро зери назорати қатъӣ гирифта,   онҳоро ба роҳи рост ҳидоят намоянд.

Мунаввари САФАР,
“Ҷумҳурият”


Баёни ақида (0)    Санаи нашр: 29.08.2016    №: 173    Мутолиа карданд: 3159

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед