logo

ҳуқуқ

САРҲАД: 151 МАРЗШИКАН БОЗДОШТ ШУД

Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бояд ҳамкориро бо марзбонони кишварҳои ҳамсарҳад вусъат бахшанд. Бо назардошти вазъи мураккабу босуръат тағйирёбандаи ҷаҳони имрӯза барои ҳифзи дастовардҳои истиқлолият, таъмини амнияти давлат ва сокинони мамлакат, роҳ надодани гурӯҳҳои ифротгаро ва террористӣ ба хоки Тоҷикистон чораҳои зарурӣ андешанд.
Ин нуктаро  Раҷабалӣ Раҳмоналӣ, сардори Сарраёсати Қӯшунҳои сарҳадии КДАМ дар ҷаласаи дастгоҳи марказии Қӯшунҳои сарҳадӣ таъкид намуд. Ӯ аз ворид шудани гурӯҳҳои тундрави мусаллаҳ ба бархе аз минтақаҳои Афғонистон, ки бо кишвари мо ҳаммарзанд, изҳори нигаронӣ кард. Зимнан тазаккур дод, ки ҳоло марзбонони Тоҷикистон аз зарфиятҳои хуби сарҳадбонӣ бархӯрдоранд. Аз ҷумла, зикр гардид, ки муборизаву талошҳои сарҳадбонони тоҷик дар пешгирии гардиши ғайриқонунии маводи нашъаовар, убури ғайриқонунии сарҳад аз тарафи шахсони ҷинояткор, аз марз гузарондани шахсони воқеӣ ва воситаҳои нақлиёт шоистаи таҳсин аст.
Чанд рӯз пеш хизматчиёни ҳарбии Қӯшунҳои сарҳадӣ якҷо бо кормандони ШКДАМ дар ноҳияи Мир Сайид Алии Ҳамадонӣ дар минтақаи дидбонгоҳи сарҳадии “Сайёд” амалиёти вижаи муштарак гузаронда, убури ғайриқонунии сарҳади давлатӣ ва кӯшиши интиқоли маводи мухадирро аз тарафи қочоқчиёни афғон пешгирӣ намуданд. Дар натиҷаи задухӯрд қочоқчиён ба муқовимати сарҳадбонони тоҷик тоб наоварда, ба сӯи Афғонистон фирор карданд. Дар ҷойи ҳодиса як адад яроқи оташфишони АКМ-7, 62, шаш адад тирдон бо 180 тири қутрашон 7, 62, як адад норинҷаки РГД - 5 мусодира гардид. Аз рӯи шахсияти ду ҷасади дарёфтшуда муайян карда шуд, ки онҳо аъзои созмони террористии Толибон буда, ба яке аз гурӯҳи фаъоли қочоқчии афғон - Турак шомил будаанд.
Дар робита ба масъалаи таҳкими сарҳади давлатии Тоҷикистон, 18 августи соли ҷорӣ ҷиҳати пешгирии гардиши ғайриқонунии маводи нашъаовар аз ҷониби Барномаи мубориза бо маводи мухаддири Фармондеҳии марказии Иёлоти Муттаҳидаи Амрико таҷҳизоти муосири коммуникатсионӣ бо арзиши 9 миллион доллар ва 50 автомашина ба маблағи 3 миллион доллар ба Қӯшунҳои сарҳадӣ тақдим гардид. Дар ин маросим ҷонибҳо перомуни таҳкими ҳифзи сарҳадот ва ҳамоҳангии бештар дар мубориза бо гурӯҳҳои марзшикан гуфтугӯи судманд анҷом дода, дар робита ба ташаннуҷи вазъ дар Афғонистон, афзудани гурӯҳҳои ифротию ҷангҷӯ дар минтақа итминон доданд, ки алайҳи хатарҳои эҳтимолӣ иқдом намуда, субот дар минтақаро ҳифз хоҳанд кард.
Ёдовар мешавем, ки бар асоси тааҳҳудоти ҳосилшуда миёни кишварҳои узви Созмони Аҳдномаи амнияти дастаҷамъӣ дар ин самт ба неруҳои сарҳадии Тоҷикистон бояд ёрии иловагӣ расонда шавад. Зеро оид ба расондани ёриҳои техникии низомӣ ба марзбонони тоҷик қаблан қарори вижаи Шӯрои СААД қабул шуда буд.
Бино ба маълумоти Муҳаммад Улуғхоҷаев, масъули Маркази матбуоти Қӯшунҳои сарҳадии КДАМ дар зарфи шаш моҳи аввали соли ҷорӣ дар сарҳади Ҷумҳурии Тоҷикистон бо Ҷумҳурии Исломии Афғонистон понздаҳ маротиба даргирии мусаллаҳона ба вуқӯъ пайвастааст. Дар ин давра хизматчиёни ҳарбии Қӯшунҳои сарҳадӣ дар ҳамкорӣ бо дигар сохторҳои қудратӣ аз қочоқчиёни афғон 695 килограмму 732 грамм маводи нашъаовар, аз ҷумла 11 килограмм ҳероин, 91 килограмму 448 грамм афюн, 592 килограмму 744 грамм маводи гурӯҳи каннабис, 490 дона ҳаби мадҳушкунандаи  “экстаз” мусодира намуда, 363 494 бех ниҳоли банги ҳиндиро сӯзонда нобуд карданд. Инчунин, ҳафт маротиба убури ғайриқонунии сарҳад пешгирӣ, сездаҳ нафар қочоқчӣ дастгир ва ҳафт нафар сарҳадшикан нобуд ва ду нафар захмӣ гашт.
151 нафар вайронкунандаи сарҳади давлатӣ, аз ҷумла 108 шаҳрванди Афғонистон ва 14 шаҳрванди Ҷумҳурии Қирғизистон боздошт шуданд. Ҳамзамон, 19 адад яроқи оташфишон, 415 адад лавозимоти ҷангӣ ва 297 килограмм маводи тарканда дарёфт ва мусодира гардид. Ин дар ҳолест, ки ба масоили таҳкими сарҳадот, бахусус марзи давлатҳои узви Иттиҳоди Давлатҳои Мустақили минтақаи Осиёи Марказӣ, бо назардошти хатарҳои эҳтимолӣ аз қаламрави Афғонистон, таваҷҷуҳи зиёд зоҳир мешавад. Аз ҷумла, ин мавзӯъ дар ҷаласаи 73 - юми Шӯрои фармондеҳони Қӯшунҳои сарҳадии Иттиҳоди Давлатҳои Мустақил, ки дар шаҳри Душанбе бо иштироки ҳайатҳои 10 хадамоти сарҳадӣ доир гашт, баррасӣ шуда буд.
Қаламрави ин ё он кишвар яке аз муқаддасот ва нишонаи давлатдорӣ буда, амнияти он аз сатҳи муҳофизати сарҳади давлатӣ вобастагӣ дорад. Аз ин лиҳоз, Қӯшунҳои сарҳадии Кумитаи давлатии амнияти миллии Ҷумҳурии Тоҷикистон барои таъмини амнияти босубот ва ҳаёти осоиштаи аҳолии кишвар, бавижа қисмати ҳаммарзи кишварҳои ҳамсоя аз тамоми имкониятҳои худ истифода мебаранд.

Бузургмеҳри БАҲОДУР, “Ҷумҳурият”


Баёни ақида (0)    Санаи нашр: 30.08.2016    №: 174    Мутолиа карданд: 3233
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед