logo

иҷтимоиёт

КЛУБҲО. ЧАНД ПАҲЛУИ ЯК ПРОБЛЕМА

Рушди маънавии ҷомеа ба фаъолияти муассисаҳои фарҳангӣ - фароғатӣ алоқаи ногусастанӣ дорад. Ба шарофати   Истиқлолияти давлатӣ  муассисаҳои фарҳангии тозабунёд, аз қабили қасрҳои фарҳанг, китобхонаҳо, осорхонаҳо, боғҳои фарҳангӣ - фароғатӣ дар кишварамон  фаъолияти худро  оғоз намуданд, як қисми онҳо аз таъмир баромада бо техникаи ҳозиразамон муҷаҳҳаз гардиданд.

Дар шароити кунунӣ ниёзи аҳолӣ ба муассисаҳои фарҳангӣ афзудааст, вале паст будани заминаи моддӣ - техникии иддае аз онҳо, хусусан дар деҳот, наметавонад талаботи маънавии ҷомеаро қонеъ гардонанд.
То ҳанӯз муассисаҳои фарҳангӣ ба шароити иқтисоди бозорӣ ворид нагардидаанд. Хусусан ҳолати бади клубҳои деҳот ва кам шудани теъдоди онҳо ташвишовар аст. Масалан, тибқи нишондоди маълумоти оморӣ ва ҳисоботи Вазорати фарҳанги Ҷумҳурии Тоҷикистон дар соли 1991 дар кишвар 1433 адад клуб ба қайд гирифта шудааст. Ин нишондод дар соли 2000 ба 1065 ва дар семоҳаи аввали соли 2016 ба 430 адад кам гардидааст. Ҳоло 131 клуб дар вилояти Суғд, 67 – то дар ВМКБ, 184 – то дар вилояти Хатлон ва 47 – то дар ноҳияҳои тобеи ҷумҳурӣ амал менамоянд.
Ба ҳисоби миёна дар ҷумҳурии мо ба сари 3660 нафар аҳолӣ як  муассисаи клубӣ рост меояд, ҳол он ки ин рақам дар замони шӯравӣ 2168 нафарро ташкил медод. Тибқи стандарти умумии  хизматрасонии фарҳангӣ – фароғатӣ  бояд дар маҳаллаҳое, ки аҳолияшон аз сад нафар зиёданду муассисаи фарҳангӣ вуҷуд надорад, моҳе ду маротиба тавассути клуби сайёр талаботи фарҳангии онҳо қонеъ гардонда шавад. Ҳоло дар миқёси ҷумҳурӣ ҳамагӣ 59 адад клуби сайёр фаъолият дорад, ки ин шумора низ хеле кам аст.
Сабаби асосии кам шудани шумораи клубҳоро дар он мебинем, ки  ба шароити иқтисоди бозорӣ ворид нагардидаанд. Аксари деҳаҳои ҷумҳурӣ, ки аҳолияшон ба 300 - 350 хонавода мерасаду як муассисаи клубӣ вуҷуд доранд, ки  моҳҳо дарашро ба рӯйи тамошобин намекушояд. Агар сабабашро пурсон шавем, набудани шароити кориро баҳона мекунанд. Чунин ҳолат наметавонад ниёзи маънавии ҷомеаро қонеъ гардонад, хусусан дар деҳаҳои дурдаст.
Муассисаҳои клубиро зарур аст, ки фаъолияти худро вобаста ба шароити кунунӣ ба роҳ монда, сифати хизматрасониро  баланд бардоранд. Мувофиқи имкониятҳои замони нав хизматрасониҳои пулакӣ, аз қабили маҳфилҳои  эҷодӣ,  курсҳои забономӯзӣ ва касбомӯзиро афзоиш диҳанд. 
 Дар бисёре аз  маҳаллаҳои сераҳолӣ мағозаҳои хӯрокворӣ, дорухона ва дигар нуқтаҳои тиҷоратии хусусӣ ба маротиб афзудааст, вале ягон муассисаи фарҳангӣ ба чашм намерасад. Хуб мешуд, ки соҳибкоронро барои бунёди муассисаҳои фарҳангӣ ҷалб менамудем. Ин иқдом метавонист, ки бисёре аз мушкилиҳои соҳаро бартараф созад ва барои рушди онҳо мусоидат намояд.
Манбаи дигари даромад барои муассисаҳои клубӣ бастани шартномаҳо тибқи нақшаҳои пешакӣ бо корхонаҳои давлатӣ ва ғайридавлатӣ ба мақсади гузарондани чорабиниҳои фароғатӣ мебошад.
Дар шароити кунунӣ ташкил ва гузарондани маъракаҳо ба монанди тӯйи арӯсию домодӣ, хатнасур ва ғайра дар муассисаҳои клубӣ, хусусан дар деҳот муфид аст. Ин аз як тараф барои камхарҷ гузаронидани онҳо ва аз тарафи дигар манбаи даромад барои муассисаҳои фарҳангӣ шуда метавонад. Ташкил намудани маркази варзишӣ барои ҷавонони шавқманд  дар муассисаи клубӣ низ ба манфияти кор аст.
Гузарондани семинар - машваратҳо байни муассисаҳои клубӣ барои пешрафти кори онҳо кумак хоҳад расонд.
Танҳо баъди бартараф намудани  омилҳои асосӣ, яъне  нокифоягии маблағ ва нарасидани мутахассисони касбӣ муассисаҳои клубӣ метавонанд пурра аз иҷрои вазифаи худ бароянд ва барои баланд бардоштани сатҳи маънавиёти мардум хизмат намоянд.
Х. МУМИНОВА


Баёни ақида (0)    Санаи нашр: 30.08.2016    №: 174    Мутолиа карданд: 2005

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед