logo

иқтисод

АРМУҒОНИ БУЗУРГ БА ҶАШНИ БУЗУРГ

Бунёди роҳи оҳани Душанбе  - Қӯрғонтеппа аз тарҳҳои «рӯикоғазмонда» - и   аҳди пешин буд, ки дар замони соҳибистиқлолии мамлакат амалӣ гардид.  Анҷоми ин сохтмони азиму стратегӣ маблағи  калон  ва  заҳмати шабонарӯзиро тақозо мекард. Бо ташаббуси Асосгузори сулҳу ваҳдати миллӣ – Пешвои миллат, Президенти кишвар Эмомалӣ Раҳмон  бунёди  ин иншооти бузург соли 2009 дубора  роҳандозӣ гардид.  Ба сомон расидани бунёди  роҳи оҳан дар минтақаи Ваҳдат – Ёвон, ки ба  рӯзҳои Ҷашни 25 – солагии Истиқлолияти давлатии кишвар рост омадааст,  дастоварди пурарзиши мардуми шарафманди ҷумҳурӣ ва армуғони бузург ба ҷашни бузург мебошад. Он маркази  ҷумҳуриро ба вилояти Хатлон пайванд намуда, масофаи роҳро нисбат ба пештара зиёда аз 300 километр наздик сохт.
Маблағи  бунёди қитъаи боқимондаи  роҳи мазкур 985 миллион сомониро ташкил дод.  Дар доираи    қарордоди байни КВД “Роҳи оҳани Тоҷикистон” ва гурӯҳи ширкатҳои Идораи 19 - уми роҳи оҳани Чин  корҳои тадқиқотӣ, лоиҳакашӣ ва сохтмони 3 нақбу 5 пул аз ҷониби мутахассисони чинӣ ба роҳ монда шуд.  Дарозии  пулҳо  712  ва   нақбҳо  3755 метрро дар бар мегирад. Дар ҷараёни корҳои созандагӣ сокинони зиёди маҳаллӣ  ба кор ҷалб гардиданд.
Кушодашавии роҳи оҳани нав ба бахши боркашонии шаҳру навоҳии ҷумҳурӣ мусоидат карда, омили фаровонии маҳсулоти гуногуни кишоварзию  саноатӣ дар бозорҳои пойтахт ва ноҳияҳои атрофи он хоҳад буд. Вилояти Хатлон яке аз минтақаҳои асосии парвариши зироатҳои кишоварзист ва  беҳтар гардидани  интиқоли маҳсулот  аз ин диёр   ба гӯшаҳои дигари мамлакат  ва хориҷа дар пешрафти иқтисодиёт ва боло рафтани сатҳи зиндагии аҳолӣ нақши муҳим мебозад. Савдои дохилии байни минтақаҳои кишварро вусъат дода, ба таъмини бозорҳо бо моли ватанӣ такони ҷиддӣ мебахшад. Акнун деҳқонони вилоят  имконият пайдо намуданд, ки бевосита маҳсули дасташонро бо арзонӣ тариқи роҳи навбунёди оҳан ба макони даркорӣ расонанд.  Нархи интиқоли як кг бор ҳамагӣ 3,7 дирам мебошад. Соҳибкорон  на танҳо дар ду минтақа – Хатлон ва Душанбе, балки бо истифода аз шароити мусоиди роҳи оҳан молашонро ба давлатҳои ҳамсоя мекашонанд. Дар баробари ин, бо суръат гирифтани ҳаракати қатораҳо дар масири нав фурӯшгоҳҳо, марказҳои хизматрасонӣ ва коргоҳҳои  истеҳсолӣ бунёд меёбанд.  Мавриди истифода қарор гирифтани роҳи оҳани Душанбе – Хатлон дастоварди барои ҳамаи бахшҳои хоҷагии халқи  кишвар аҳамиятнок буда,  чорсӯйи боз – имкони хубест барои соҳибкорону кишоварзони ватанӣ.
Ба гуфтаи профессор Сайдалӣ Гулов, устоди Донишгоҳи аграрии Тоҷикистон,   амалишавии ин нақшаи муҳими стартегӣ, яке аз ҳадафҳои рушди иқтисодист, ки бевосита бо ибтикори Сарвари давлат сурат гирифт. Хушбахтона, ба ин кор бештар мутахассисони ватанӣ саҳм гузоштанд, ки барои татбиқи барномаҳои дигари роҳсозӣ  имконияти мусоид фароҳам сохт. Гузашта аз ин, тайи 5 соли охир соҳаи кишоварзӣ дар вилояти Хатлон пеш рафта, барои интиқоли саривақтӣ ва бемамонияти зироатҳо, нуриҳои минералӣ, техникаҳои кишоварзӣ ва сӯзишворӣ   тавассути чунин роҳи оҳани аз назари иқтисодӣ самаранок зарурат пеш омада буд. Аз ҷониби дигар дар минтақаи ҷанубии Тоҷикистон маҳсулоти барвақтии кишоварзӣ зиёд истеҳсол шуда, ба воситаи хати оҳани мазкур сари вақт содирот кардани он ба ҷумҳуриҳои ҳамсоя ва Федератсияи Русия даромаднокии соҳаро бештар месозад. Густариш ёфтани фаъолияти роҳи оҳани Душанбе – Қӯрғонтеппа – Кӯлоб дар оянда вилояти Хатлонро ба сарзамини агросаноатӣ табдил медиҳад.

Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 30.08.2016    №: 174    Мутолиа карданд: 1899

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед