logo

иҷтимоиёт

ТАҲРИКИ РӮҲ

Оре, агар Ватанро дӯст бидорем, ба он муҳаббат дошта бошем, ба яқин, рӯҳи моро таҳрик медиҳад, дар мо қувва, неруи бузург ба вуҷуд меорад. Ин неруи маънавӣ моро ба андешидан водор месозад, андеша дар бораи пойдорӣ, ҳифз, ободии сарзамини аҷдодӣ.
Тухми ин меҳр, ин муҳаббатро бояд аз хурдӣ дар замирҳо ҷой бидиҳем ва барои парваришу сабзиши он ҳама донишу таҷрибаву саъю кӯшишамонро ба харҷ бидиҳем.
Рӯҳ замоне неруманд асту мутеи тамоюлоту шаҳватҳои худ нест, ки истиқлол дорад. Бузургонамон, ниёгони башарафамон аз таҷрибаи рӯзгор бад-ин натиҷа расиданд. Мо бояд суннату анъанаҳои неки онҳоро на танҳо нигоҳ бидорем, балки идома бубахшем.
Чанд сол пеш як рафиқи зиёиям мегуфт: «Чи хуб мебуд агар, ба яке аз давлатҳои бузургу абарқудрат мепайвастем ва аз хорию нестшавӣ мерастем». Дуруст аст, ки давлатҳои хурд дар паноҳи давлатҳои бузург аз хавфу хатарҳои бузург эмин мемонанд, аммо аз маҳвгардӣ наҷот намеёбанд. Таҷрибаи рӯзгор ин ҳақиқатро ҳам собит сохтааст, ки омезиш, ҳамеша бо ҳам дар як қаламрав зистан басо миллатҳоро аз миён бурдааст. Дар ин ҳол беҳтарин суннату анъанаҳо, расму оинҳо, фарҳангҳои миллиро ба боди фаромӯшӣ додаанд.
Ман ба ин рафиқи зиёиям як гӯшаи хурди лаби ҷӯйро нишон додам. Баҳор буду сабзаҳо дамида ва гулҳои хурди зебо руста. Гуфтам: «Ба ин гулҳои рангоранг бинигар. Дар рустану парвариши онҳо ҳеҷ кадоме аз мо - инсонҳо даст надорем. Ин гулҳоро агар дар миёни гулҳое, ки махсус парвариш меёбанд, ҷой бидиҳем, ба чашмҳо наменамоянд, дидаҳоро нуру ҷисмро ҳаловат намебахшанд».
Ҳанӯз ҳам бархе аз мо дар ин андешаанд ва мепиндоранд, танҳо дар ин сурат, яъне пайвастан ба кишварҳои абарқудрат бузург мешавем, рушд меёбему тараққӣ мекунем.
Ин қабил одамон на дар фикри Ватан, балки бештар дар фикри худанд, то беҳтару бештар бихӯранду бипӯшанд, роҳат бикунанд. Яъне худро бештар аз ватанашон дӯст медоранд. Намедонам, аз таърих чӣ  гуна сабақ гирифтаанд. Дар ҳоле ки бисёр равшану возеҳ мефаҳмонад, ки чунин кишварҳо худ ба худ абарқудрат, неруманду тавоно нагардидаанд. Агар сокинону шаҳрвандони онҳо чунин андешаро мепарвариданду аҷр мегузоштанду аз он кор мегирифтанд, имрӯз на ном медоштанд, на нишон.
Пешиниёни банангу ори мо як муддат давлат надоштанд. Онро ба зӯрӣ ва фитнаву дасиса аз дасташон гирифтанд. Ҷисман шикасташон доданд, аммо рӯҳан ин шикастро напазируфтанд ва эътироф накарданд. Воқеан, дарёфта буданд, маҳви рӯҳе, ки истиқлол дорад, ҳеҷ неруеро даст намедиҳад.
Рӯҳи истиқлол хостан дар ҳар фард ба ҳангоми зодан дода мешавад, вале он баъдҳо парвариши махсусеро мехоҳад. Бе парвариш он неруманд, тавоно намешавад.
Истиқлоли давлатии мо ҳамин гуна шароитро барои парвариш ба вуҷуд овард. Бештару беҳтар имрӯзҳо аз ҳувияти миллӣ, ифтихори миллӣ, муҳаббати сарзамини аҷдодӣ, эҳёи фарҳанги миллӣ мегӯему менависем.
Шукр бояд бикунем, ки мо шоҳиди 25 – солагии Истиқлоли кишвари азизамон мебошем. Дар ин бисту панҷ сол он беҳтару бештар дар арсаи олам шинохта шуд. Инчунин ободтар гардиду зеботар. Дар баробари он, мо низ ба камол расидем, оламу одамро бештару накутар шинохтем.
Ҳама хуб медонем, ки ин истиқлол ба осонӣ ва арзон ба даст наомад. Ҷанги интиқолёфта ҷони садҳо ҳамватанони моро бурд, кишварро аз рушду тараққиёт муддате боз дошт. Мегӯем, менависем, ки агар ин ҷанг рух намедод, миллати мутамаддини мо ба дастовардҳои бузургтар бештар даст меёфт, муваффақ мегардид. Ин гуфтаҳову навиштаҳо ба он хотир аст, ки ба қадри ин Ватану кишвари осоиштаву ободу зебо  бештару бештар бирасем. Онро бо ҷону дил дӯст бидорем ва дар ҳифзаш ҳеҷ чиз, ҳатто ҷони худро дареғ надорем. Албатта, хидмат барои он бояд ҳамеша шараф бошад ва ҳама ба ин шараф ноил бигарданд.
Мо аз имтиҳонҳои зиёд бо сарбаландӣ гузаштем. Мо дар ин имтиҳонҳо некро аз бад шинохтем ва ҳам обу тоб ёфтем. Чашмҳои моро нуру неруи нав бахшид.
- Вақте мебинам, ки кӯдакон ба иттиҳод ва самимияту муҳаббати бепоён Суруди миллиро мехонанд, аз шодию фараҳ чун гул мешукуфам. Ифтихор мекунам, ба пуррагӣ бовар ҳосил менамоям, ки миллатам, Ватанам бо чунин фарзандони бонангу ор ҳамеша пойдору ободу зебо мемонад, - мегӯяд мӯйсафеде.
- Дар пойтахти кишвар чун Парчами давлату миллатамро парафшон мебинам, бовар ҳосил мекунам, ки дар он амну осоиштагӣ ҳукмрон аст. Ҷилваи ҳеҷ чиз мисли ҷилваи парчамаш маро шод намесозад, илҳом намебахшад, - изҳор медорад ҷавоне.
- Ман ҳар гоҳе мешунавам, ки Сарвари давлатам мегӯяд: «Ҳама чизро мебахшам, ба ҷуз хиёнат», бо ӯ ҳамфикр мешавам ва беихтиёр иброз медорам: «Хоини ин Ватан, хоини ин миллат, дар ҳақиқат набахшиданист», - мегӯяд модаре, ки фарзандаш ба хидмату ҳимояи Ватан рафтааст.
Дидану шунидани ин ҳама бар кас мадору тавоноии нав мебахшад, мадору тавоноӣ барои дӯстдории Ватан ва миллату сарзамини аҷдодӣ. Ин ҳама, албатта, аз муҳаббатҳову дастовардҳои бисту панҷ соли истиқлоли мо аст. Он моро ба сӯи пеш мебарад, ба сӯи ояндаи дурахшонтар. Ва онҳое, ки  25 – солагии Истиқлолияти давлатиро дар рӯзгори хеш таҷлил мекунанд, ҳатман хоҳанд гуфт: «Ниёгони пуршарафи мо бо муҳаббат, ифтихори бузург, дастовардҳои чашмрас истиқлолро ба даст оварданд, чун гавҳараки чашм ҳифз карданд ва то ба мо расонданд».

Абдулқодири РАҲИМ,
«Ҷумҳурият»


Баёни ақида (0)    Санаи нашр: 1.09.2016    №: 176    Мутолиа карданд: 2135

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед