logo

иҷтимоиёт

BENETTON - БРЕНДЕ, КИ БА ТАВРИ НОГАҲОНӢ РӮИ КОР ОМАД

Дар ибтидои солҳои 40 - уми асри гузашта оилаи Бенеттон чандон камбағал ҳам набуд, вале таъминоти оилааш хуб буд гуфта ҳам намешуд. Падар саъй мекард, ки бештар ба тиҷорат машғул шавад. Вай автомобилҳоро ба иҷора медод, аммо кораш чандон омад намекард. Вақте ки соли 1944 ӯ вафот кард, вазъияти оила боз ҳам сангинтар гардид. Нигоҳубини оила ба дӯши фарзанди калонӣ - Лучиано афтод, ки ҳамон вақт ҳамагӣ 10 сол дошт.
Бенеттони наврас аз баҳри мактаб гузашта, дар яке аз мағозаҳои либосфурӯшии Италия ба кор даромад. Дар синни 14 - солагӣ ӯ ёрдамчии фурӯшанда гардид. Соҳиби ду бародар буду ягона хоҳараш Ҷулиана ном дошт, ки ба ҳунарҳои дастӣ машғул буд. Маҳорати либос дӯхтани Ҷулиана дар ҳаёти бародараш лаҳзаи калидӣ гардид. Боре ӯ ба бародари худ свитери одиеро туҳфа кард, ки дар байни бознишастагон хеле маъмул маҳсуб меёфт. Ранги свитери дӯхтаи Ҷулиана зард буд, ки бо ин хеле фарқ мекард. Вақте Лучиано свитерро ба тан пӯшида ба кор омад, маҷбур шуд, ки ба пурсишҳои бисёри ҳамкорон ҷавоб гӯяд. Маҳз ҳамон замон Бенеттон дарк намуд, ки свитер ҳам  метавонад манбаи даромад бошад.
То ин вақт онҳо пасандози начандон калоне доштанд. Бинобар ин, бо ҳамроҳии хоҳараш тасмим гирифт, ки аз имконияти фарорасида истифода бурда, кори худро ба роҳ монад. Кор аз он шурӯъ шуд, ки хоҳар свитер мебофту Лучиано онро дар ҳамон мағозае, ки ёрдамчӣ буд, мефурӯхт. Барои вусъати савдо ӯро зарурияти бо дигар мағозаҳои шаҳр муомила барқарор кардан пеш омад. Бенеттони ҷавон маҳсулотро бо дучархаи худ ба мағозаҳо мекашонд. Бо гузашти вақт свитерҳои оилаи Бенеттон соҳибшуҳрат гаштанд. Бенеттонҳо ранги свитери пашминро иваз карда, бо ҳамин васила чорчӯбаи маъмулиро шикастанд.
Соли 1962 либосҳои Бенеттон дар Рим низ фурӯхта мешуданд. Тиҷорати онҳо рӯз то рӯз не, балки соат ба соат рушд мекард ва барои Бенеттон масъалаи таъсиси ширкати худ ба миён омад. Ӯ фаҳмид, ки барои вусъат додани тиҷораташ донишҳояш намерасанд ва танҳо ба василаи азхуд кардани донишҳои нав оила метавонад дар Италия соҳиби афзалият шавад. Лучиано тасмим гирифт, ки ба Шотландия равад, зеро ки ин кишвар бо малакаву маҳорати истеҳсоли молҳои пашмин шуҳратманд гардида буд. Бенеттон маҳз дар Шотландия аз сирру асрори истеҳсоли матоъҳои пашмӣ огаҳии пурра пайдо кард, ки  ин барои минбаъд баланд бардоштани сифати маҳсулот ба онҳо кумак расонд.
Баъд аз се сол ширкати «Benetton Group» таъсис дода шуд. Сарварии ширкатро худи Лучиано ба зимма гирифт. Масъулияти бахши истеҳсолот ва ороиш ба зиммаи хоҳараш гузошта шуд. Бародарони хурдӣ Ҷулберто ва Карло низ дар ширкат вазифаҳои масъулро иҷро мекарданд: аввалӣ масъулияти фаъолияти молии ширкатро ба уҳда дошт, дувумӣ ба кори интихоб ва идоракунии ҳайати кормандон машғул буд.
Дар муддати кӯтоҳ либосҳои навъи «Benetton» мӯд шуд. Ин либосҳо нархи гарон надоштанд, аммо ин ба онҳо халал намерасонд, ки дар байни мардуми сарватманд низ шуҳрат касб кунанд. Ба ҳама маълум аст, ки ҳатто шоҳзодахонум Диана ҳаводори ин навъ либос буд. Ӯ ба бачаҳои худ низ либосҳои «Benetton» - ро мепӯшонд. Дар ибтидои солҳои 70 - уми асри гузашта дар ҷаҳон аллакай бештар аз 1000 мағозаҳои ширкат мавҷуд буд.
Таҳияи М. ТАБАРӢ,
“Ҷумҳурият”
 


Баёни ақида (0)    Санаи нашр: 19.09.2016    №: 187    Мутолиа карданд: 2190

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед