logo

ҳуқуқ

ПУРСИШ ва ПОСУХ

Ба саволҳо Ғуфрон Бойматов - узви Иттифоқи адвокатҳои Тоҷикистон ва Фарҳод Тоиров, роҳбари бахши муносибат ва ҳимояи Ташкилоти ҷамъиятии Ассотсиатсияи миллии занони соҳибкори Тоҷикистон, ҷавоб доданд. Зимнан, агар хонандагони гиромӣ пурсише доранд, метавонанд бо телефони 238 - 54 - 16 ба мо муроҷиат намоянд.

- Дар манзили истиқоматии ба шавҳарам тааллуқдошта 15 сол боз зиндагӣ мекунам. Дар ин муддат манзили зистро аз ҳисоби маблағҳои муштарак якчанд маротиба таъмир намуда, бо таҷҳизоти ҳозиразамон муҷаҳҳаз гардондем. Ҳоло муносибатҳои ҳамсариамон барҳам хӯрда, оилаамон пароканда гаштааст. Оё баъди бекор гардидани ақди никоҳ ман ҳуқуқ дорам, ки  ҳиссаи худро талаб намоям?
Шаҳноза Атоева,  шаҳри Хуҷанд

- Молу мулке, ки то бастани ақди никоҳ ба ҳамсарон тааллуқ дошт, моликияти ҳар кадоми онҳо дониста мешавад. Зеро, мувофиқи моддаи 36 Кодекси оилаи Ҷумҳурии Тоҷикистон молу мулке, ки ба зану шавҳар тааллуқ дошт, инчунин молу мулке, ки дар давраи заношӯӣ зан ё шавҳар ҳамчун ҳадя  ё мерос гирифтааст, моликияти ҳар кадоми онҳо маҳсуб меёбад.
Дар сурате ки манзили истиқоматии то ақди никоҳ ба шавҳаратон тааллуқдошта аз ҳисоби маблағҳои якҷоя якчанд маротиба таъмир ва арзиши он аз нархи пештарааш афзунтар гардида бошад, пас шумо ҳуқуқ доред, новобаста аз ин муқаррароти қонунгузорӣ, дар хусуси амволи муштарак донистани ин манзили истиқоматӣ ба суди маҳали ҷойгиршавии он бо аризаи даъвогӣ муроҷиат намоед. Зеро моддаи 37 Кодекси оила пешбинӣ намудааст, ки молу мулки ба ҳар як ҳамсар тааллуқдоштаро метавон моликияти муштараки онҳо донист, агар муқаррар гардад, ки дар давоми заношӯӣ аз ҳисоби молу мулки умумии зану шавҳар ё молу мулки шахсии зан ё шавҳар ва ё меҳнати ӯ саҳме гузошта шудааст (таъмири асосӣ, азнавсозӣ, азнавҷиҳозонӣ ва ғайра), ки дар натиҷаи он арзиши молу мулки ба ҳар кадоме аз зану шавҳар тааллуқдошта хеле афзудааст.
***
- Чор сол аст, ки ба нигоҳубини пиронсолон машғулам. Вақтҳои охир нозири минтақавӣ аз ман ҳуҷҷати тасдиқкунандаи фаъолиятамро пурсон мешавад. Онро аз куҷо дастрас намоям?
Зебӣ, шаҳри Қӯрғонтеппа

- Дар асоси Қарори Ҳукумати Ҷумҳурии Тоҷикистон, аз 31 августи соли 2012, таҳти № 451 номгӯи намудҳои фаъолияти соҳибкории инфиродие, ки дар асоси патент амалӣ карда мешавад, тасдиқ карда шудааст. Мувофиқи банди 39 - и ин номгӯ шумо барои хизматрасонӣ оид ба иҷрои корҳо дар хонаҳо, нигоҳубини пиронсолон, беморон ва кӯдакон бояд аз мақомоти андози маҳали зистатон патент дастрас намуда, худро ҳамчун соҳибкори инфиродӣ ба қайд гиред.
Шуъбаи ҳуқуқи рӯзномаи “Ҷумҳурият”
 


Баёни ақида (0)    Санаи нашр: 20.09.2016    №: 188    Мутолиа карданд: 2947

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед