logo

иқтисод

РИСОЛАТИ МО СОЗАНДАГИВУ БУНЁДКОРИСТ

Мардуми Исфара  аз он шукргузоранд, ки ин шаҳри куҳанбунёду тозаҷавон низ дар баробари дигар шаҳру навоҳии кишвар пайваста рушду инкишоф меёбад. Дар ин росто метавон гуфт, ки меҳнаткашони шаҳр маҳз аз баракати соҳибистиқлолӣ ва сулҳу субот имкон пайдо намуданд, то раванди пешрафти иқтисодиро ҳадафмандона вусъат бахшида, ба баланд бардоштани сатҳу сифати зиндагиашон муваффақ гарданд.
Мувофиқи маълумоти оморӣ, агар дар давоми солҳои 1995 - 2011 барои тараққиёти шаҳри Исфара аз ҳамаи манбаъҳои маблағгузорӣ  беш аз 160 миллион сомонӣ ҷудо шуда бошад, пас танҳо барои амалӣ гардидани 338 лоиҳаи дар “Барномаи рушди иқтисодиву иҷтимоии шаҳри Исфара барои солҳои 2013-2017” муайянгардида, қариб якуним миллиард сомонӣ пешбинӣ ва ба нақша гирифта шудааст. Дар доираи ин барнома  то ин давра аз ҳамаи манбаъҳо дар ҳаҷми  109 миллиону 195 ҳазор сомонӣ корҳо ба иҷро расида, зимнан сохтмони як силсила иншооти муҳими иҷтимоӣ ва корхонаю коргоҳҳои нави истеҳсоливу коркард, таъмини рушди соҳаи кишоварзӣ, бунёду навсозии муассисаҳои таълимиву тандурустӣ, таҷдиди роҳҳо ва пулҳои мавҷуда амалӣ гардонда шуданд.
Дар ин радиф, моҳи марти соли равон сохтмони бинои маъмурии прокуратура ба маблағи 3 миллиону  370 ҳазор сомонӣ, инчунин маҷмааи корхона ва муасиссаҳои хизматрасонии навбунёд воқеъ дар хиёбони Исмоили Сомонӣ бо дастгирии соҳибкорони маҳаллӣ ва бо арзиши лоиҳавии беш аз 6 миллион сомонӣ ба анҷом расида, дар ҷараёни сафари кории Президенти мамлакат муҳтарам Эмомалӣ Раҳмон ба шаҳри Исфара ифтитоҳ ёфтанд. Тибқи барномаи мазкур дар остонаи ҷашни мубораки Истиқлолияти давлатӣ бинои мутобиқ ба талаботи меъморию сохтмонии муосир сохташудаи Маркази адлия барои кормандони сабти асноди ҳолати шаҳрвандӣ, нотариус, судиҷрочиён ва Маркази ҷавонони шаҳри Исфара, ки арзиши корҳои сохтмонӣ ва муҷаҳҳазгардонии онҳо беш аз 5 миллиону 850 ҳазор  сомониро ташкил медиҳад, мавриди баҳрабардорӣ қарор дода шуд.
Агар дар соли 1990 дар шаҳри Исфара 23 корхона, аз ҷумла 17 корхонаи саноатӣ фаъолият дошта бошад, пас дар замони истиқлолият  30 корхонаи нави хурду калон сохта шуд.  Дар пешбурди соҳаи саноат ҶСК «Корхонаи кимиёвӣ»- и шаҳри Исфара, ки маҳсулоташ ҳанӯз соли 1999 бо ҷоизаи “Арки Аврупо барои сифати баланд” сазовор дониста шудааст, нақши калидӣ дорад. Айни замон навсозӣ ва бо таҷҳизоти муосири соҳавӣ муҷаҳҳазгардонии Корхонаи муштараки Тоҷикистону Россия “Баракат-Исфара”, ки дар самти коркард ва банду басти меваи хушк муваффақ аст, инчунин корхонаҳои консерв тибқи нақша сурат мегиранд. Дар Исфара дар давоми солҳои истиқлолият беш аз 3 ҳазор гектар заминҳои нав азхуд ва зимнан майдони боғу токзор ба масоҳати 2000 гектар зиёд гардида, ҳамасола истеҳсол ва содироти меваи хушк ба хориҷи кишвар таъмин шуда истодааст.
Дар давоми солҳои истиқлолият дар шаҳри Исфара ва деҳоти он сохтмону навсозии зиёда аз 300 иншооти ҳаётан муҳими иҷтимоӣ сурат гирифта, даҳҳо мактабҳои таҳсилоти миёнаи  умумӣ, муассисаҳои тиббиву фарҳангӣ ва дигар иншооти иҷтимоиву тиҷоратӣ қомат афрохтаанд. Айни замон ба зиёда аз 3000 нафар эҳтиёҷмандон аз мавзеъи Моҳпарӣ, ки дар ояндаи наздик дар заминаи он ду шаҳраки нав бунёд хоҳад гашт, қитъаҳои замини наздиҳавлигӣ ҷудо гардида, сохтмони манзилҳои истиқоматӣ ва бунёди инфрасохторҳои ин маҳали нави аҳолинишин оғоз шудаанд. Дар ин давра, дар ҳудуди шаҳру деҳоти Исфара 85 иншооти навбунёди соҳаи маориф, аз ҷумла мактабҳои наву синфхонаҳои иловагӣ барои зиёда аз 14 ҳазор ҷойи нишаст ба маблағи 15 миллиону 956 ҳазор сомонӣ сохта, мавриди истифода қарор гирифтанд.
Табиист, ки дар марҳалаи рушди давлатдории миллиамон ҷиҳати фароҳамсозии шароити мусоид барои инкишофи ҷисмониву маънавии ҷавонон корҳои зиёде ба ҷо оварда шудаанд. Дар ин росто, дар сатҳи меъёрҳои замонавӣ бунёд намудани Варзишгоҳи марказии Исфараро метавон хосатан ёдовар гашт, ки бо иқдоми Пешвои миллат барои 20 ҳазор нафар бо харҷи беш аз 21 миллион сомонӣ маблағҳои буҷетӣ соли 2013 анҷом дода шудааст. Инчунин, ба истифода додани се варзишгоҳи нави замонавӣ дар ҷамоатҳои деҳоти Сурху Чоркӯҳ ва Чилгазӣ, ки ҳар яке аз 4 то 5 ҳазор ҷойи нишаст доранд, ба оммавигардонии варзиш мусоидат мекунанд.
Соли равон барои мардуми Исфара  боз аз он ҷиҳат хушу хотирмон аст, ки аз файзу баракати соҳибистиқлолӣ 830 - солагии зодрӯзи шоири маъруфи тоҷику форс Мавлоно Сайфи Исфарангӣ дар сатҳи шоиста таҷлил мегардад. Бо мақсади арҷгузорӣ ва гиромидошти хотираи ин адиби маъруфу зиндаёд, дар баробари баргузории нишасту ҳамоишҳои илмиву адабӣ баҳри азнавсозии гулбоғи марказии шаҳр ва бунёди муҷассамаи Сайфи Исфарангӣ корҳои мушаххас анҷом дода мешаванд.
Мақомоти иҷроияи маҳаллии ҳокимияти давлатии шаҳр ва меҳнаткашони Исфара баҳри вусъату тавсеаи дастовардҳои замони соҳибистиқлолии мамлакат, таъмини рушди устувори соҳаҳои иқтисодиву иҷтимоӣ, ободу зебо гардондани шаҳр ва беҳдошти сатҳи зиндагии мардум ҷидду ҷаҳд менамоянд.


Баёни ақида (0)    Санаи нашр: 20.09.2016    №: 188    Мутолиа карданд: 2396

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед