logo

иҷтимоиёт

АЗ ХУДСАРӢ ТО ХУНУКНАЗАРӢ. АЗ ҲОЛИ ТАБОҲИ ФУРУДГОҲИ ОВОЗАДОРИ ХОВАЛИНГ

Замоне мардуми минтақаи Кӯлоб аз фурудгоҳи ноҳияи Ховалинг бо таърифу тавсиф ёдовар мешуданд. Овозаи покизагӣ, тарзи хизматрасонию шароити хуби он дар ҷумҳурӣ паҳн гардида буд. Васеии масоҳати заминаш бинандаро дар ҳайрат мегузошт. Мутаассифона, тайи чанд соли ахир ҳеҷ ҳарфи хубе дар бобати ин фурудгоҳ намешунавед. Ба гӯшаи нобудию фаромӯшӣ рафтааст. Баҳри воқиф гардидан аз вазъи он ба ноҳия сафар намудем. Вақте аз сокинон дар куҷо ҷойгир будани фурудгоҳро пурсидем,  як мавзеи биёбонмонандро нишон доданд.  «Ана он тараф даромадгоҳаш аст», - гуфтанду як дари бо сими зангзада печону солҳо рангуборнадида ва миёни хору алафзор ҷойгиршударо нишон доданд. Даромадан баробар нимпайкараи Восеи паҳлавону қаҳрамон бо ранги паридаю фарсуда касро пешвоз мегирад. Он ҳам дар иҳотаи ҳар гуна буттаҳои хушкшуда мондааст. Тааҷҷубовар ин аст, ки марде омада, худро на посбони фурудгоҳ, балки корманди мактаби муттаҳидаи техникии ноҳия муаррифӣ кард.
- Солҳост, ки дигар ин макон фурудгоҳ нест. Ҳатто аз он осоре намондааст. Ба мактаби муттаҳидаи техникӣ табдил ёфтааст. 8 сол мешавад, ки дар ин ҷо ба ҳайси посбон кор мекунам. То соли 2014 ёздаҳ нафар дар мактаб кор мекарду ҳар моҳ ҳаққи хизматамонро мепардохтанд. Ду сол боз муассиса худмаблағгузор шудаасту бе маош мондаем. Ҳозир бошад, як роҳбар дорему халос, боқӣ кормандон аз бемуздӣ тарки кор кардаанд. Банда дар дигар ҷойҳо меҳнат карда, зиндагӣ пеш мебарам, - тазаккур дод Диловар Бобохонови посбон.
Аз он фурудгоҳи собиқи маъруфу машҳур ҳеҷ нишоне намондааст. Заминҳояш, ки масоҳати бениҳоят васеъро фаро мегиранд, феълан ба майдони киштукори гандум мубаддал гаштаанд. Масъулон мегӯянд, ки сардори ММТ-и ноҳия қисмате аз заминҳоро ба сокинон иҷора додааст. Ягон гӯшаи замини тозаи мумфарш ба чашм намерасад. Гиёҳҳои худрӯй асфалтро шикофта, рӯи он паҳн гаштаанд. Биноҳои кориаш бошанд, кӯҳнаю бетаъмиранд.
Роҷеъ ба масъала бо раиси ноҳия Нурулло Мирзозода мусоҳиб шудем. Ӯ низ аҳволи фурудгоҳро (кунун ММТ - ро) таассуфовар арзёбӣ кард.
- Соли 2005 фурудгоҳи ноҳия, ки дар масоҳати 67 гектар замин доман густурдааст, ба тавозуни Вазорати мудофиаи кишвар гузаронда шуд. Бо ташаббуси вазорати мазкур дар ҷойи он мактаби муттаҳидаи техникӣ ташкил гардид, ки рисолати асосиаш ронандатайёркунӣ буд. Мактаб торафт рӯ ба харобӣ овард. Сардораш кӣ ҳасту ба чӣ кор машғул аст, то кунун хабардор нестам, чунки ӯ тамоман дар ҷойи кораш нест. Аз ҷиҳати дигар, бидуни мувофиқа бо раиси ноҳия ӯро ба ҳайси роҳбари ташкилоти номбаршуда таъйин карданд, - изҳор дошт раиси ноҳия. - Вақте фаҳмидам, ки курси ронандагиро барҳам медиҳанд, ба онҳо фаҳмондам, ки Ховалинг ноҳияи кӯҳистон асту сокинонаш ба чунин таълимгоҳ эҳтиёҷ доранд ва на ҳамаи онҳо имкони рафта дар шаҳри Кӯлоб курси ронандагӣ хонданро доранд. Вале ба мо эътибор надода, фаъолияти мактабро қатъ карданд. Ташкилот куллан рӯ ба харобӣ овардан дорад, мутасаддиёнаш бошанд, заминҳояшро ба иҷора додаю маблағашро гирифта мегарданд. Худ қазоват кунед, 67  гектар замин, ки қисми зиёдаш обӣ аст,  дар маркази ноҳия бекор хобидааст. Касе онро дуруст соҳибӣ намекунад. Ба кадом тарзе ки хоҳанд, онро кор мефармоянд. Мо бошем, ягон таъсир расонда наметавонем. Ҳатто соли рафта, барои ташкили макони ниҳолпарварӣ 1  гектар замин лозим шуд, таассуф, ки натавонистем, ки аз заминҳои ин мактаб бигирем, - мегӯяд Н. Мирзозода. 
Ҳарчанд кӯшиши бо сардори мактаби муттаҳидаи ноҳия ҳамсуҳбат шуданро кардем, аммо ӯро пайдо карда натавонистем. Зимни як тамоси телефонӣ бо сардори мактаби муттаҳидаи техникии минтақаи Кӯлоб Амирҷон Абдураҳмонов маълум гардид, ки роҳбарии ММТ - и Ховалингро Ғанӣ Лақаев ба уҳда доштааст. Ӯ гуфт, ки заминҳои корами ҳудуди мактаб ҳамагӣ 9 - 10 гектарро дарбар мегиранд. Рӯзҳои наздик сардораш аз вазифа сабукдӯш мешудааст. Вале Абдураҳмонов, дар хусуси ба иҷора додани заминҳо ҳарфе нагуфт. Танҳо ваъда дод, ки омада аз наздик мусоҳиб мешавад. Ҳайҳот, қавлашро «фаромӯш» кард. 
Фурудгоҳ ба адам рафт, аммо заминҳояш вуҷуд доранд ва бояд ба нафъи аҳли ҷомеа истифода шаванд, на ба як - ду нафар. Чунин масоҳати заминро ба як ташкилоте, ки аз уҳдаи идорааш намебарояд, вобаста кардан аз рӯи адолат нест. Суоли матраҳ ин аст: Кӣ бояд ба ин ҳама хунукназарӣ нисбат ба замин, ки моликияти давлат маҳсуб меёбад, нуқта гузорад? 
Ёқуби СОДИҚ, «Ҷумҳурият»


Баёни ақида (0)    Санаи нашр: 22.09.2016    №: 189    Мутолиа карданд: 2633

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед