logo

иқтисод

НУРОБОД. ҚАДАМИ ПЕШВОИ МИЛЛАТ ҲУМОЮН БОД!

Омодагӣ ба пешвози сафари навбатии Пешвои миллат - Асосгузори сулҳу ваҳдати миллӣ муҳтарам Эмомалӣ Раҳмон дар навоҳии минтақаи Рашт ҷараён дорад. Сокинони ноҳияи Нуробод барои дар сатҳи баланд  гузарондани вохӯрии Пешвои миллат бо аҳолӣ ва боздиди ӯ аз дастовардҳои иқтисодию иҷтимоӣ, ки соли равон ба шарофати 25 - солагии Истиқлолияти давлатии Ҷумҳурии Тоҷикистон ба даст овардаанд, омодагии ҷиддӣ мегиранд.
Тавре ки Дӯстзода Ҳасан Тақдир, раиси ноҳияи Нуробод, ҳангоми суҳбат иброз дошт, қадами Роҳбари давлат муборак аст ва ба ҳар куҷое, ки мерасад, файзу баракатро дар пай дорад. Ба гуфтаи ӯ, ба истиқболи сафари дарпешистодаи Асосгузори сулҳу ваҳдати миллӣ сокинони ганҷофари ноҳияи Нуробод корҳои созандагию ободонии муътамаде  ба анҷом расондаанд. Соли ҷорӣ дар ноҳия сохтмон ва азнавсозии иншооти зиёди ҳаётан муҳим роҳандозӣ гардида, аксарият ҳоло дар арафаи ба истифодадиҳӣ қарор доранд.
Бунёд ва мавриди баҳрабардорӣ қарор гирифтани корхонаҳои хурди истеҳсолӣ, аз қабили корхонаи маҳсулоти ширии ҶДММ "Шири Нуробод",  корхонаи бандубасти равғани рустанӣ дорои  2 сех, корхонаи ордистеҳсолкунӣ, корхонаи коркарди сангу шағал, корхонаҳои истеҳсолии ҶДММ "Нури нав" ва ҶДММ "Симо-1"  дастовардҳои бузурге дар ҷодаи рушди иқтисодиёти ноҳия маҳсуб мешавад.  Айни замон дар ноҳия ҳафт коргоҳи саноатӣ - сехҳои коркарди шир, маҳсулоти пластикӣ, ду корхонаи хишт ва ду НБО - и хурд  фаъолият доранд. Соли гузашта корхонаҳои саноатӣ дар ҳаҷми 3,7 миллион сомонӣ маҳсулот истеҳсол намуданд, ки нисбат ба солҳои навадуми асри гузашта 3,4 маротиба зиёд аст.
Корхонаи маҳсулоти ширии ҶДММ "Шири Нуробод" дар ихтиёри худ беш аз 50 сар чорвои калони шохдор, 100 сар асп, 400 сар гӯсфанд, 100 оила занбӯри асал ва 1 гектар ҳавзи моҳипарварӣ дорад. Ин корхона дар доираи корҳои хайриявӣ ба беморхонаи марказии ноҳия ва мактаб - интернати ҷумҳуриявии кӯдакони ятими ноҳия ҳамарӯза 20-30 литрӣ шир кумак мерасонад. Маоши кормандони корхонаи мазкур аз 800 то 1000 сомонӣ мебошад. Ҳоло 70 нафар дар ин самт ба фаъолият фаро гирифта шудаанд.                                 
Корхонаи бандубасти равғани рустанӣ ба истеҳсоли се намуди равған машғул аст. Иқтидори сехи дуюми бандубасти равған дар як шабонарӯз 10 тонна буда, дар як моҳ то 300 тонна равған дар зарфҳои 750 - миллиграмма, 1, 3 ва 5 - литра борпеч карда метавонад. Кормандони ин корхона аз 850 то 1500 сомонӣ ҳармоҳа маош мегиранд.
Корхонаҳои истеҳсоли хишт бо иқтидори 750 000 дона хишт, корхонаи ордистеҳсолкунӣ бо иқтидори 50 тонна орд, корхонаҳои истеҳсоли маҳсулоти пластикӣ  бо фарогирии 18 нафар корманд, 4 адад коргоҳҳо бо истеҳсоли хишти сементӣ ба фаъолият машғул гардиданд.
Таъсис ва фаъолияти корхонаҳои истеҳсолӣ ба масъалаи кам кардани сафи бекорон мусоидат намуд. 
Сохтмони иншооти муҳим, аз қабили боғчаи бачагона барои 140 нафар тарбиятгирандагон дар шаҳраки Дарбанд, бинои дуошёнаи   стансияи мубориза алайҳи бемориҳои ҳайвонот, бинои маъмурии муассисаи давлатии хоҷагии ҷангали ноҳия, бинои хадамоти оташнишонии ноҳия хеле зебову замонавӣ сохта шуда, ҳусни ноҳияро афзудаанд. Барои кормандони ин бахшҳо низ шароити хуби корӣ ба ин васила фароҳам оварда мешавад.
- Нақшаҳо дар самти корҳои ободонию созандагии ноҳия ҳадафманданд. Барпо намудани ҳавзи гулмоҳӣ дар мавзеи Каҷбеди деҳоти Хумдон, сехи коркарди нӯшобаи дулона, хуч ва дигар меваҳо, ташкил кардани фермаи бурдоқпарварӣ (зоти голландии грефердӣ), рушди картошкапарварӣ, бунёди боғҳои интенсивӣ ва ташкили сардхонаҳо низ дар назар аст. Бо боварии комил метавон гуфт, ки бо пайи қадами мубораки Пешвои муаззами миллатамон ҳусни ноҳияи Нуробод боз ҳам зеботар мегардаду соҳаҳои иқтисодию иҷтимоӣ бесобиқа рушд меёбанд, - гуфт дар хотимаи суҳбат Дӯстзода Ҳасан Тақдир.
Худодод ЗАЙНИДДИН, "Ҷумҳурият"


Баёни ақида (0)    Санаи нашр: 22.09.2016    №: 189    Мутолиа карданд: 2423

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед