logo

ҳуқуқ

ҶИНОЯТҲОИ ФАРОМИЛЛӢ. МУБОРИЗА АЛАЙҲИ ОНҲО БОЯД МУШТАРАК БОШАД

Чунин унвон дошт ҳамоиши байналмилалие, ки дар доираи лоиҳаи «Калкан» - и Созмони байналмилалии полиси зиддиҷиноятӣ - Интерпол дар шаҳри Душанбе баргузор гашт. Дар он намояндагони мақомоти ҳифзи ҳуқуқи сенздаҳ кишвар иштирок доштанд. Ҳадаф аз лоиҳаи мазкур муборизаи муштараки кишварҳои аъзои Интерпол аз минтақаи Осиёи Марказӣ ва Ҷанубӣ бар зидди ҷиноятҳои фаромиллӣ мебошад.

Раҳимзода Рамазон Ҳамро, вазири корҳои дохилии кишвар, генерал - лейтенанти милитсия, изҳор дошт, ки бо назардошти вазъи сиёсии ҷаҳон ва минтақа, таҳдиди ҷиноятҳои муташаккили замони муосир ба як қатор кишварҳои ҷаҳон нақш ва аҳамияти Созмони байналмилалии Интерпол  ва лоиҳаи «Калкан» бештар гардида истодааст. Ба гуфтаи ӯ, кормандони мақомоти ҳифзи ҳуқуқи кишварҳои аъзоро зарур аст, ки муборизаи муштаракро бар зидди ҷиноятҳои махсусан хавфнок, аз қабили терроризм, экстремизм, савдои одамон, гардиши ғайриқонунии яроқу аслиҳа, маводи нашъаовар, дигар зуҳуроти номатлуб  тақвият бахшанд. Зеро гурӯҳҳои муайян Осиёи Марказиро метавонанд барои интиқоли силоҳу маводи нашъаовар, аз як минтақа ба минтақаи дигар фиристодани ҷангиён ва пиёдасозии нақшаҳои тарҳрезикардаашон истифода баранд.
Имрӯзҳо ҳизбу ҳаракатҳои хусусияти террористию экстремистидошта, назири «Ал - Қоида», «Ҷундулло», «Ҳаракати исломии Туркистони Шарқӣ», «Ансоруллоҳ», «Толибон», «Давлати исломӣ», «Ҷабҳат - ан - Нусра», «Гурӯҳи 24», «Салафия», «Ҳизб - ут - таҳрир», «Ҷамоат - ал - исломӣ», «Бародарони мусулмон», «Лашкар - ут - тайиба», Гурӯҳи исломӣ, Ҷамъияти «Таблиғот» талош доранд вазъияти ҷамъиятию  сиёсии минтақаро халалдор созанд. Бинобар ин, кишварҳои минтақа бояд механизми самараноки ҳамкориро пайдо намоянд, ки он равуо ва интиқоли ҷангҷӯёнро ба минтақаҳое, ки амалиёти ҷангӣ идома доранд, пайгирӣ карда тавонад.
Окан Айсу, роҳбари лоиҳаи «Калкан», зикр намуд, ки ҳамкории кишварҳои аъзои Интерпол дар самтҳои мубодилаи иттилоот, дастгир намудани шахсони дар кофтуков қарордошта, масъалаҳои наздисарҳадӣ сол ба сол тақвият меёбад. Натиҷаи ҳамин ҳамкориҳост, ки ошкорсозии ҳуҷҷатҳои қалбакӣ, истифодаи ҳуҷҷати шахси дигар,  дастгир гардидани ҷинояткорони фирорӣ  ба тадриҷ зиёд гаштааст. Интерпол омода аст, минбаъд низ дар ин самт ҳамкориҳоро тавсеа бахшида, дар роҳи пешгирии ҷиноятҳои фаромиллӣ саҳми назаррас гузорад.
Дар ҳамоиш намояндагони Вазорати корҳои дохилии Ҷумҳурии Исломии Афғонистон генерал Саид Афандӣ, Ҷумҳурии Озарбойҷон полковник Васиф Гасимов, муовини аввали вазири корҳои дохилии мамлакат, генерал - майори милитсия Абдураҳмон Аламшозода  ва дигарон перомуни шеваҳои муассири мубориза бо ҷиноятҳои фаромиллӣ, фаъолияти ниҳодҳои дахлдор дар ин самт, мушкилоти ҷойдошта ва дигар масъалаҳои мавриди таваҷҷуҳ ибрози назар намуда, густариши ҳамкориҳои мақомоти ҳифзи ҳуқуқи кишварҳои аъзои Интерполро дар доираи лоиҳаи «Калкан» таъкид карданд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 23.09.2016    №: 190    Мутолиа карданд: 3117

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед