logo

туризм

ҶАҲОНГАРДӢ РУШДИ ОН ДАР ТОҶИКИСТОН НОГУЗИР АСТ

Рӯзи ҷаҳонии туризм соли 1979 аз ҷониби Ассамблеяи генералии Созмони ҷаҳонии туристӣ  27 сентябр муқаррар гардид. Ҳадаф аз он тарғиби соҳа, инъикоси таъсири он ба иқтисодиёти ҷаҳонӣ, ташаккули иртиботи халқҳои кишварҳои гуногун мебошад. Бояд тазаккур дод, ки Созмони ҷаҳонии туристӣ 2016-ро соли «Туризм барои ҳама» эълон намудааст ва, дар иртибот ба ин, мо хостем баъзе паҳлуҳои соҳаи туристии кишварро мавриди баррасӣ қарор диҳем.

Пешрафти сайёҳӣ дар
мамлакат назаррас аст
Тибқи маълумоти Кумитаи ҷавонон, варзиш ва сайёҳӣ дар нимсолаи аввали соли 2016 нисбат ба ҳамин давраи соли гузашта 20 ҳазор сайёҳ зиёд ворид шуд. Омили муҳими дигар дар ин самт он аст, ки ҷуғрофияи давлатҳои хориҷие, ки шаҳрвандони онҳо ба кишвари мо меоянд, васеъ гардад. Яъне, агар дар шаш моҳи соли 2015 шаҳрвандони 59 давлати дунё барои саёҳат ба Тоҷикистон омада бошанд, пас ин нишондиҳанда дар ним соли аввали соли 2016 ба 100 расид.
Солҳои охир пешрафти гардишгарӣ дар мамлакат мушоҳида шуда, он ба беҳшавии сатҳи хизматрасонӣ, эҳёи туризми мактабӣ, омодасозии хатсайрҳои нав ва таҷдиди инфрасохтор иртибот дорад.
Феълан дар мамлакат туризмҳои кӯҳнавардӣ, варзишӣ-кӯҳӣ, экологӣ,  таърихию омӯзишӣ, этнографӣ, касбӣ, рафтинг (қаиқронӣ дар дарёҳои кӯҳӣ), лижатозии кӯҳӣ, табобатӣ, санаторию курортӣ ва истироҳатӣ роҳандозӣ гаштаанд. Омори туризми воридотӣ нишон медиҳад, ки сайёҳони хориҷӣ вобаста ба хусусиятҳои табиии кишвар, бештар ба навъҳои туризми экологӣ, варзишӣ- кӯҳӣ, экстрималӣ афзалият медиҳанд. Вале, бо вуҷуди иқтидори воқеӣ ва пешрафтҳои назаррас, Тоҷикистон дар бозори туристии ҷаҳонӣ мавқеи на он қадар намоёнро ишғол менамояд. 

Вазъи туризми воридотӣ беҳбудиро тақозо дорад
Таҳлили вазъи кунунии туризми воридотӣ ва дохилии ҷумҳурӣ шаҳодат медиҳад, ки дар маҷмӯъ сатҳ ва сифати ҷараёни рушди ин самтҳо беҳбудиро талаб менамояд. Нафароне, ки хоҳиши дидани Тоҷикистонро доранд, на бевосита, балки тавассути ширкатҳои ҳамсоякишварҳо вориди мамлакат мешаванд.
Коршиносон иброз медоранд, ки ин аз норасоии мутахассисони ҳирфаӣ, нокифоя будани тадбирҳои маркетингӣ ва таблиғотию иттилоотӣ, инчунин корҳои ташкилию техникӣ ва ҳуқуқӣ оид ба рушди туризми байналмилалӣ вобаста аст. Ҳарчанд дар мамлакат 107 ширкати сайёҳӣ фаъолият барад ҳам, шумори бештари онҳо ба гирифтани раводид ва фурӯши чиптаҳои ҳавопаймоӣ машғуланд. Танҳо қисми ками онҳо ба ҷалби сайёҳон рӯй овардаанд.
Ғайр аз ин, сарфи назар аз самти афзалиятноки сиёсати иқтисодии давлат эълон гаштани соҳаи туризм, то ҳанӯз механизми ҳамоҳангсозии самараноки байниидоравӣ ба роҳ монда нашудааст. Мутаассифона, вазорату идораҳои дахлдор, ки аз давраи собиқ Иттиҳоди Шӯравӣ соҳибмулкони иншооти туристӣ маҳсуб меёбанд, ба масъалаҳои рушди соҳаи сайёҳӣ чандон диққат намедиҳанд .

Суръати рушди ҷаҳонгардӣ нигоҳ дошта мешавад
Саноати сайёҳии замони муосир яке аз соҳаҳои рушдёбанда ва сердаромади иқтисоди ҷаҳонӣ арзёбӣ мешавад. Омори СММ ва баъзе институтҳои байналмилалии молиявӣ шаҳодат медиҳанд, ки туризм дар содироти ҷаҳонии мол ва хизматрасонӣ аз саноатҳои нақлиётбарорӣ (7,8%), компютерию таҷҳизоти идоравӣ (5,9%), истеҳсоли маҳсулоти кимиёвӣ (7,5%), хӯрокворӣ (6,6%) ва сӯзишворӣ (5,1%) пеш гузашт. Шумораи ҷойҳои корӣ дар соҳаи сайёҳӣ тақрибан 200 миллионро ташкил медиҳад.
Мувофиқи дурнамои Созмони ҷаҳонии туристӣ дар даҳсолаи наздик суръати рушди ҷаҳонгардӣ нигоҳ дошта мешавад. Ба ҳамин тариқ, то соли 2020 шумораи сафарҳои сайёҳӣ нисбат ба соли 2000 бояд 2,2 маротиба афзоиш ёфта (аз 698 миллион то 1,561 миллиард сафарҳои туристӣ), даромад 4,2 маротиба (аз 476 миллиард то 2 триллион доллари ИМА) зиёд гардад.
Тибқи таҳлилҳои мутахассисони Кумитаи ҷавонон, варзиш ва сайёҳӣ солҳои 2016 - 2017 туризми ҷумҳурӣ ба марҳилаи сифатан нав ворид мешавад. Дар назар аст, ки гурӯҳҳои зиёди гардишгарон аз кишвар дидан хоҳанд кард.
Ш. ҚУРБОН, “Ҷумҳурият”


Баёни ақида (0)    Санаи нашр: 27.09.2016    №: 192    Мутолиа карданд: 12135
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед