logo

иҷтимоиёт

МОЯИ ФАХР БАРДОШТ АЗ РӮЗГОРИ ИҚТИСОДЧИИ ХИЗМАТНИШОНДОДА КАРИМ ШАРИФ

Ӯро хеле барвақт ҳанӯз аз овони мактабиям мешинохтам. Чун дар борааш зиёд мешунидам, аз маҳсули фаъолият ва кору пайкораш низ то ҷое огаҳӣ доштам. Медонистам, ки Карим Шариф дар кӯдакӣ ятим мондаву дар маҷрои пурталотуми зиндагӣ ҳанӯз дар хурдияш бузург шудааст. Зеҳни тезу ақли расояш аз назари масъулони давр пинҳон намонду пас аз хатми синфи 7 - ум вазифаи басо пурмасъулият - ҳисобчии колхози “Октябри Сурх” - и ноҳияи Балҷувонро бовараш карданд. Пас аз чанде Карим Шарифи ҷавон вазифаи дигари пурмасъулият- котиби прокуратураи ноҳияро ба зимма гирифт.
Фаъолияти минбаъдаи ӯ баъди адои хизмати аскарӣ ба ҳайси котиби шӯрои деҳоти Саталмуш, мудири шуъбаи кумитаи ноҳиявии комсомол ва мудири шуъбаи таъминоти иҷтимоии ноҳияи Балҷувон идома ёфта, миёни мардум чун шахси кордону масъулиятшинос маъруф гашт.
Соли 1956 баъди хатми Техникуми омори ноҳияи Янгибозор (ҳоло шаҳри Ваҳдат) ҳамчун мутахассиси соҳибмаълумот ба ноҳияи дурдасти Шӯрообод (ҳоло Шамсиддини Шоҳин) ба сифати сардори шуъбаи ноҳиявии  омор ба кор рафт. Чун таҷрибаи бойи корӣ дошт, дар як муддати кӯтоҳ низоми дафтардориву ҳисобро пурра барқарор кард. Дар ҳамаи идора, муассисаву хоҷагиҳо корҳои фаҳмондадиҳиро ба роҳ монд. Соли 1959 маъракаи барӯйхатгирии чоруми аҳолӣ дар миқёси Иттиҳоди Шӯравӣ ба давраи роҳбариии Карим Шариф рост омад. Бо вуҷуди мушкилиҳои зиёди шароити кӯҳсори Шӯрообод, барои ҷамъбаст, ширкати фаъолона дар омодагӣ ва баргузории чорабинии сатҳи умумииттифоқӣ хизмати ӯро бо Грамотаи Президиуми Совети Олии РСС Тоҷикистон ва Раҳматномаи Совети Вазирони Тоҷикистон (1959) қадр намуданд.
Ҳамаи онҳое, ки Карим Шарифро мешинохтанд, чунин қадршиносии сатҳи баландро хеле хуб истиқбол намуданд, зеро чӣ гуна шахс ва ба чӣ қодир будани сардори шуъбаи оморро ҳамагӣ нағз медонистанд. Ҳалолкориву серталабӣ ва масъулиятшиносиашро, ки сарварони хоҷагиву корхонаҳо ба хубӣ эҳсос менамуданд, супоришу нақшаҳоро сари вақт ва бе каму костӣ ба сомон мерасонданд. Ба қавли худи мардум заҳматҳои тӯлонӣ ва хастанопазири кадри ҷавони кордӯст ниҳоят самари нек доданд.
Пас аз  барҳам хурдани ноҳияи Шӯрообод Карим Шарифро сардори шуъбаи омори ноҳияи Данғара таъйин намуданд. Ва ӯ 29 сол бетанаффус роҳбари  ин идора буд. “Ҳама обрӯ, қадру манзалат, зиндагонии хушу хуррами оилавӣ, саодати хонаводагиро ман аз кор, аз меҳнати ҳалол ёфтам”, - мегуфт худи Карим Шариф, ки дар суҳбатҳои хос воқеан ширинсухан буд.  Ба қавли Қурбоналӣ Шариф, собиқадори маориф: “Карим Шариф номи некро аз поквиҷдонӣ ва ростиву росткорӣ дарёфтааст”.
Воқеан, хизматҳои тӯлонӣ ва босамари Карим Шариф бо медалҳои “Барои меҳнати шоён ва фидокорона дар солҳои Ҷанги Бузурги Ватанӣ”, “Барои меҳнати шоён ба муносибати 100 - солагии зодрӯзи В. И. Ленин”, унвони “Иқтисодчии хизматнишондодаи РСС Тоҷикистон”, ордени “Нишони фахрӣ” ва амсоли инҳо қадр шудааст.
Ба ёд овардани кору пайкор, зиндагӣ, заҳмати софдилонаи чунин мардони давр барои насли наврас мояи фахру намунаи ибрат аст.
Умари ШЕРХОН,
Рӯзноманигор


Баёни ақида (0)    Санаи нашр: 29.09.2016    №: 194    Мутолиа карданд: 2860

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед