logo

иҷтимоиёт

ЖУРНАЛИСТИКА. ВАЗЪИ ТАРБИЯИ КАДРҲО БЕҲТАР МЕГАРДАД

Дар таърихи навини мо беҳтар аз истиқлол санае нест. Маҳз дар ҳамин давра ҳаёти иҷтимоӣ, илмӣ ва фарҳангии кишвар рӯ ба тараққӣ овард. Дар муддати кӯтоҳ системаи нави таълимии ҳозиразамон дар ҳамаи соҳаҳо, ҳам таҳсилоти миёна, ҳам таҳсилоти миёнаи касбӣ ва таҳсилоти олӣ ба вуҷуд омад ва дар амал тадбиқ шуд. Кадрҳои болаёқат тарбия ёфтанд.
Ман ҳамчун мутахассиси соҳа дар бораи журналистика сухан гуфтан мехоҳам. То замони истиқлолият дар Тоҷикистон ҳамагӣ як шуъбаи журналистика дар ҳузури Донишгоҳи давлатии Тоҷикистон мавҷуд буд, ки ҳар сол то 25 нафар шогирд қабул мекард. Дар он се нафар доктор ва се номзади илм кор мекарданд. Ҳоло бошад, дар Донишгоҳи миллии Тоҷикистон факултети алоҳидаи журналистика ва шаш шуъбаи журналистика дар донишгоҳҳои дигар амал мекунанд. Дар онҳо бештар аз 50 нафар муаллимон дарс медиҳанд ва ба ин ихтисос солона то 250 - 300 нафар донишҷӯ қабул карда мешавад. Барои мисол, ба факултети журналистикаи ДМТ ҳар сол қариб 120 донишҷӯ қабул карда мешаванд, ки онҳо дар чор шуъба аз рӯйи шаш ихтисоси журналистика касб меомӯзанд. Инак, се сол мешавад, ки дар факултет гурӯҳи русӣ низ амал мекунад. Ҳоло дар факултет шаш нафар доктор ва қариб 20 нафар номзади илм ва як идда муаллимони соҳибкасб ба таълиму тарбияи донишҷӯён машғуланд. Боз ду нафар доктори илм дар раванди таълим ҳамкорӣ мекунанд. Аз ин аст, ки барои аксарияти фанҳо дастур ва барномаҳои таълимӣ тибқи нақшаҳои ҳозиразамон сохта шудааст.
Баъзеҳо ба шубҳа меоянд, ки ин миқдори зиёди журналистон оё аз рӯйи эҳтиёҷоти кишвар аст? Оре, ин мувофиқи талаботи иқтисоди кишвар аст, зеро дар замони истиқлолият ба сабаби амалӣ шудани сиёсати давлатӣ оид ба озодии матбуот теъдоди зиёди воситаҳои ахбори омма дар ҳамаи навъҳои расонаи гурӯҳӣ ба амал омадаанд, ки онҳо ба кадрҳо эҳтиёҷ доранд. Ҳоло танҳо дар шаҳри Душанбе бештар аз 20 номгӯйи рӯзнома, қариб 10 - то маҷалла, 7 барномаи телевизионӣ, як телевизиони мустақил, шабакаҳои радиоии мустақил ва ҳукуматӣ, агентиҳои хабарӣ амал мекунанд. Дар ҳамаи вилоятҳо ва ноҳияҳои Тоҷикистон рӯзномаҳо ва дар иддае аз онҳо телевизион ва радиои маҳаллӣ амал мекунад, ки ҳамаи онҳо низ ба кадрҳои журналистӣ эҳтиёҷ доранд. 
Мутахассисони ҷавони ҳозира на танҳо дарсҳои анъанавиро, ки ба назария ва таърихи журналистика иртибот доранд, балки, ҳамчунин предметҳои наверо, ки ба технологияҳои муосир марбутанд, аз ҷумла интернет, кино ва камера, сабти навор ва сабти овозро меомӯзанд ва дар амалия тадбиқ мекунанд. Вале, муҳимтар аз ҳама, барои журналистон дарки ҳодисаҳои муҳими иқтисодӣ - сиёсии имрӯзаи Тоҷикистон, минтақа ва ҷаҳон муассир аст ва устодон бо дониши назариявӣ ба васеъ намудани ҷаҳонбинии журналистон саҳм мегузоранд. Ҳамчунон, омӯхтани анъанаҳои неки публитсистикаи тоҷик аз публитсистикаи китобии асримиёнагӣ сар карда, то публитсистикаи китобии сиёсии Аҳмади Дониш, Фитрат, Мирзо Сироҷ, аз публитсистикаи тоҷикшиносонаи устод Айнӣ сар карда, то публитсистикаи ватанпарваронаи Лоҳутӣ, публитсистикаи сиёсии Турсунзода, публитсистикаи мавзӯъҳои истеҳсолии Мутеулло Наҷмиддинов ва Аъзам Сидқӣ, эҷоди публитсистии Фазлиддин Муҳаммадиев, Шодон Ҳаниф, Шодӣ Саид, Отахон Латифӣ, Бахтиёр Муртазоев ва дигарон омӯзонда мешавад. Мо ҷавононро ба эҷоди асарҳое ҷалб мекунем, ки дар онҳо имрӯз ғояҳои миллатпарварӣ ва сулҳу ваҳдат, ки дар амали Сарвари давлат ифода меёбанд ва боиси шукуфоии кишвар мешаванд, баён гардад. Шогирдони мо бояд иштирокчӣ ва мубаллиғони он дигаргуниҳои азиме гарданд, ки ба шарофати истиқлол дар Тоҷикистон ба амал меоянд.
Дар маҷмӯъ Истиқлолият ба тарбияи кадрҳои журналистикаи Тоҷикистон, беҳтар шудани базаи моддию таълимии соҳа дар муассисаҳои олӣ, баланд гардидани сатҳи дониши касбии публитсистони тоҷик заминаи мусоид фароҳам  овард.
Н. УСМОНОВА,
мудири кафедраи матбуоти
факултети журналистикаи ДМТ


Баёни ақида (1)    Санаи нашр: 29.09.2016    №: 194    Мутолиа карданд: 2953

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед