logo

ҳуқуқ

ҶИНОЯТҲОИ ГУМРУКӢ ОШКОР МЕШАВАНД

Дар шаҳри Гулистони вилояти Суғд ҷаласаи 14 -  уми Кумитаи роҳбарони воҳидҳои ҳифзи ҳуқуқи Шӯрои роҳбарони Хадамоти гумруки кишварҳои аъзои Иттиҳоди Давлатҳои Мустақил баргузор гардид. Дар он роҳбарон ва кормандони воҳидҳои ҳифзи ҳуқуқи Хадамоти гумруки Федератсияи Русия, ҷумҳуриҳои Қазоқистон, Тоҷикистон, Беларус,  Арманистон, Озарбойҷон, Қирғизистон, Ӯзбекистон ва намояндаи Маркази зиддитеррористии кишварҳои аъзои ИДМ ширкат намуданд.
Абдуфаттоҳи Ғоиб, сардори Хадамоти гумруки назди Ҳукумати Ҷумҳурии Тоҷикистон, иштирокдорони ҷаласаи 14-уми Кумитаи роҳбарони воҳидҳои ҳифзи ҳуқуқи Шӯрои роҳбарони Хадамоти гумруки кишварҳои ИДМ-ро ба сарзамини Тоҷикистон хайрамақдам гуфта, нақши воҳидҳои ҳифзи ҳуқуқи мақомоти гумруки мамлакатҳои аъзоро дар фаъолияти гумрукӣ ва ҳифзи амнияти иқтисодӣ муҳим арзёбӣ карда, хостори рушди минбаъдаи ҳамкориҳои судманд гардид.
 Дар ҳамоиш масъалаҳои марбут ба натиҷаи чорабиниҳои муштараки воҳидҳои ҳифзи ҳуқуқи мақомоти гумрук доир ба ошкор ва пешгирӣ намудани қонуншиканиҳои соҳаи гумрук, иҷрои нақшаҳои кори кумита ва маркази минтақавии вобаста ба фаъолияти воҳидҳои ҳифзи ҳуқуқи Созмони байналмилалии гумрукӣ оид ба кишварҳои ИДМ «RILO Москва» дар соли 2016 - ро мавриди баррасӣ қарор доданд. Таъкид гардид, ки дар доираи ҳамкории муштараки воҳидҳои ҳифзи ҳуқуқи мақомоти гумруки кишварҳои ИДМ фаъолияти 15 гурӯҳи ҷиноятии фаромиллии қочоқчиёни маводи мухаддир пешгирӣ ва аз муомилоти ғайриқонунӣ беш аз 21 тонна маводи мухаддир ва моддаҳои психотропӣ мусодира гардида, зиёда аз сад нафар ба ҷавобгарии ҷиноятӣ кашида шудаанд.
Бино ба иттилои Маркази матбуоти Хадамоти гумруки назди Ҳукумати Ҷумҳурии Тоҷикистон, дар ҷаласа доир ба таъсиси шабакаи боз дар самти дастрас намудани иттилоот аз шаҳрвандон - ҳуқуқвайронкунандагони гумрукӣ қарор қабул гардида, оид ба оғози кори шабонарӯзии нуқтаҳои иртиботӣ ҷиҳати табодули иттилооти ҳифзи ҳуқуқ тасмим гирифта шуд. Ҳамзамон, самтҳои ҳамкорӣ оид ба муқовимат бар зидди ҳуқуқвайронкунӣ дар татбиқи савдои интернети фаромиллӣ, мубориза бар зидди муомилоти байналмилалии ғайриқонунии маводи нашъаовар, моддаҳои психотропӣ ва прекурсорҳои он, таҳқиқ ва тафтиши пешакии гумрукӣ, баланд бардоштани касбияти кормандони воҳидҳои ҳифзи ҳуқуқи мақомоти гумруки кишварҳои ИДМ ва фаъолияти кинологӣ муайян карда шуданд.
 Иштирокдорони ҳамоиш ба тавсеаи ҳамкориҳои кумита бо ниҳодҳои байналмилалии ҳифзи ҳуқуқ ва созмонҳои ҷаҳонӣ таваҷҷуҳи хоса зоҳир намуда, изҳор доштанд, ки дар ин самт лоиҳаи созишнома таҳия мегардад.
Д. РӮЗИЕВ, «Ҷумҳурият»


Баёни ақида (0)    Санаи нашр: 04.10.2016    №: 197    Мутолиа карданд: 2992

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед