logo

маориф

МАОРИФ ДАСТОВАРД ВА МУШКИЛОТИ СОҲА ДАР ТОҶИКОБОД

Азнавсозӣ ва таъмиру тармими муассисаҳои таълимӣ, бунёди бинову синфхонаҳои наву замонавӣ ва таъмини онҳо бо таҷҳизоти муосир ҳамчун самти афзалиятноки соҳаи маориф маҳсуб ёфта, ин иқдом аз ҷониби Ҳукумати кишвар ба таври доимӣ пайгирӣ карда мешавад.
Зебо Ҳиматова, мудири шуъбаи маорифи ноҳияи Тоҷикибод, зимни суҳбат бо хабарнигори рӯзнома дар ҳамин мавзӯъ ибрози назар намуд. Бино ба иттилои ӯ дар зарфи 25 соли охир дар ноҳия 42 бинои таълимӣ сохта ба истифода дода шудааст. Имсол ба шарофати 25 - солагии Истиқлолияти давлатии кишвар биноҳои якошёнаи хобгоҳҳои писарона ва духтарона дар назди муассисаи таълимии № 4 - и деҳаи Ширинчашма,  биноҳои таълимии дуошёна дар назди муассисаҳои таълимии № 8  ва 11 - и деҳаҳои Зарафшон ва Сари пул, сохтмони биноҳои нави таълимӣ дар назди муассисаҳои таҳсилоти миёнаи умумии № 15 - и деҳаи Сабзазор ва № 24 - и деҳаи Навобод мавриди баҳрабардорӣ қарор гирифта, сохтмони 2 бинои таълимии дигар дар назди муассисаҳои таълимии № 12 - и деҳаи Қалъаи Лаби об ва № 17 - и деҳаи Лангари Шоҳ дар арафаи анҷомёбӣ мебошанд.
Дар ин муддат 8 муассисаи таълимӣ, аз ҷумла 1 муассисаи таҳсилоти миёнаи умумӣ, 1 муассисаи таҳсилоти умумии асосӣ ва 6 муассисаи таҳсилоти ибтидоӣ таъсис ёфтааст. Бо мақсади пурра ба таҳсил фаро гирифтани кӯдакони синни мактабӣ, хусусан духтарон тайи ду соли охир мақоми 11 муассисаи таҳсилоти умумӣ, аз ҷумла 8 муассисаи ибтидоӣ ба асосӣ ва 3 муассисаи асосӣ ба миёнаи умумӣ табдил дода шуд.
Ҷудо намудани квотаи президентӣ ва ҷалби довталабон аз деҳаҳои дурдаст барои ноҳияҳои кӯҳистон тадбири хуби андешидаи Сарвари давлат аст. Айни ҳол дар муассисаҳои олии ҷумҳурӣ 89 нафар ба тариқи квотаи президентӣ таҳсилро идома дода истодаанд. Маҷмӯан, дар донишгоҳу донишкадаҳои кишвар 680 нафар дастпарвари муассисаҳои таълимии ноҳия таҳсил карда истодаанд. Тайи се соли охир муассисаҳои таҳсилоти олии кишварро  дар риштаи омӯзгорӣ 76 нафар хатм карда, ба ноҳия баргашта, бо ҷойи кор таъмин гардиданд. Бо мақсади дастгирии омӯзгорони ҷавон ба 20 нафар қарзҳои имтиёзнок дода шудааст.
Иштироки хонандагон дар олимпиадаҳо ва чорабиниҳои сатҳи ҷумҳуриявӣ низ ба тадриҷ фаъолтар мегардад. Соли ҷорӣ дар даври минтақавии олимпиада дар ноҳияи Рашт 40 нафар хонандагони синфҳои 9, 10 иштирок намуда, 12 медал ба даст оварданд.
Бо мақсади иҷрои «Барномаи компютеркунонии муассисаҳои таълимии Ҷумҳурии Тоҷикистон барои солҳои 2011 - 2015» муассисаҳои таҳсилоти умумии ноҳия бо 257 компютер ва 34 принтер таъмин гардидаанд, ки  ба 15 нафар хонанда 1 компютер рост меояд. Ин 100 дарсади иҷрои талаботи Барномаро таъмин менамояд.
Дар татбиқи «Барномаи давлатии рушди соҳаи томактабӣ дар Ҷумҳурии Тоҷикистон барои солҳои 2012 - 2016» дар назди 15 муассисаи таҳсилоти умумӣ марказҳои инкишофи кӯдакон ташкил гардида, 303 нафар кӯдакон ба онҳо ҷалб карда шудаанд. Дар назди шуъбаи маориф 1 боғчаи бачагона бо фарогирии 60 нафар кӯдакон фаъолият дорад. Марказҳои инкишофи кӯдакон  ва боғчаи бачагона бо тамоми таҷҳизоту дигар маводи лозима муҷаҳҳаз гардидаанд.
Вобаста ба амалишавии Барномаи такмил ва омӯзиши забонҳо соли таҳсили сипаришуда 25 нафар мутахассиси ҷавон бо ихтисосҳои омӯзгорони фанҳои забони русӣ ва англисӣ донишгоҳҳои омӯзгории кишварро хатм карда, дар муассисаҳои таҳсилоти умумии ноҳия бо ҷойи кор таъмин гариданд, вале ҳанӯз ҳам норасоии мутахассисон (7 нафар) дар ин самт ҷой дорад.
- Баланд бардоштани сатҳу сифати дониши хонандагон дар ҳама намуди муассисаҳои таълимӣ масъалаи асосӣ ба ҳисоб меравад. Вақти он расидааст, ки омӯзгорон аз усулҳои наву муосир истифода намуда, ҷиҳати баланд бардоштани сифати таҳсил ва азхудкунии барномаҳои таълимӣ чораҳои таъхирнопазир андешанд, зеро рушди минбаъдаи кишвар маҳз ба сатҳи дониши наврасони имрӯза вобастагӣ дорад. Мо кормандони шуъбаи маориф муваззаф ҳастем, ки масъалаи омӯзиши таҷрибаи пешқадам ва расондани ёрии методӣ ба омӯзгоронро тақвият дода, дар ҷодаи такмили маҳорати касбии омӯзгорон ва мураббиён фаъолиятамонро таҳким бахшем, - гуфт дар фарҷоми суҳбат Зебо Ҳиматова.
Худодод ЗАЙНИДДИН,
«Ҷумҳурият»


Баёни ақида (0)    Санаи нашр: 05.10.2016    №: 198    Мутолиа карданд: 6224

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед