logo

фарҳанг

КОНФРОНСИ «ҶУМҲУРИЯТХОНӢ»

Ин ташаббуси устодон ва донишҷӯёни коллеҷи технологии ба номи Абдулаҳад Қаҳҳорови шаҳри Конибодом буд, ки барои бори аввал дар таърихи беш аз 90-солаи ин нашрияи бонуфуз хеле ҷолибу хотирмон доир гардид. Дар конфронс, ки бо иштироки намояндагони мақомоти иҷроияи маҳаллии ҳокимияти давлатии шаҳри Конибодом, рӯзномаи «Ҷумҳурият» ва доираи васеи устодону толибилмони коллеҷ баргузор шуд, таърихи гузаштаву имрӯзаи рӯзнома ва тавсеаи ҳамкориҳои минбаъда мавзӯъҳои мавриди таваҷҷуҳ қарор гирифтанд.
Нахуст меҳмонон бо корҳои ихтироотии донишҷӯёни коллеҷ, ки дар намоишгоҳи махсусгардонидашуда ҷамъ оварда шудаанд, ошно гардиданд. Донишҷӯён ба меҳмонон бо камоли майл аз навовариҳои худ ҳикоят намуданд. Як гӯшаи махсуси намоиш маводҳои доир ба фановарӣ ва навгониҳои соҳаи маориф нашрнамудаи рӯзномаи «Ҷумҳурият» - ро дар бар мегирифт. 
Замира Ашӯрматова, муовини раиси шаҳри Конибодом, дар баромади худ қайд намуд, ки рӯзномаи «Ҷумҳурият» имрӯз дар байни нашрияҳо пешсаф буда, дар тарғиби сиёсати пешгирифтаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон,  инъикоси масъалаҳои сиёсӣ, иқтисодӣ, фарҳангӣ, иҷтимоии кишвар ва ҷаҳон, ҳамчунин тарбияи худшиносиву ватандӯстӣ нақши бориз дорад.
Музаффар Ҳамидов, директори коллеҷи технологӣ дар суханронии хеш аз ҳамкориҳои доимии коллеҷ бо ҳайати эҷодии рӯзномаи «Ҷумҳурият» ёдовар шуда, гуфт, ки «Дар раванди таълиму тарбия аз матолиби нашрнамудаи рӯзнома васеъ истифода мебаранд. Барои мисол метавон мақолаҳои «Таҳсили духтарон. Кадом омилҳо ба он монеъ мешаванд?», «Мушкили асосӣ - надоштани касб»,  «Экология. Биёед сарзамини худро эҳтиёт кунем», «Истиқлолияти энергетикӣ. Мардум набояд аз бетарафӣ кор бигиранд» ном бурд, ки масъалаҳои дар онҳо бардошташуда ба касби интихобнамудаи донишҷӯёни мо алоқаманд ва аз мушкилоти соҳа хони баҳс оростаанд. Аз мутолиаи чунин матолиб хонандагони мо бо вазъи кунунӣ ва мушкилоти соҳаи интихобнамудаашон шиносоӣ пайдо намуда, дониши худро васеъ мегардонанд».
Н. Юсуфов, ҷонишини раиси собиқадорони ҷангу меҳнати шаҳр, ки хонандаи доимии рӯзнома маҳсуб меёбад, аз солҳои 80 – уми асри гузашта ёдовар шуда, нақл намуд, ки он солҳо аз ҳаёти пешқадамони истеҳсолоти шаҳри Конибодом дар рӯзномаи «Тоҷикистони советӣ» («Ҷумҳурият») мақолаҳои зиёде нашр мешуданд. Бо пешниҳоди хабарнигорони ин рӯзнома дар хоҷагии Ленингради шаҳр рӯзномаи «Заркор» таъсис ёфт, ки пас аз ба ҷамъияти саҳомии «Ирам» тағйири ном намудани хоҷагӣ номи «Субҳи Ирам» - ро гирифт. Н. Юсуфов аз маводи таҳти унвони «Канди куҳан. Аз «Меваи Канд» то «Шаҳдрез» - и дар таърихи 22 сентябр дар рӯзнома нашрнамудаи раиси шаҳри Конибодом Ғайбулло Боҳирӣ изҳори хушнудӣ намуда, зикр кард, ки аз ин иқдоми неки пешгирифтаи коллеҷи технологӣ ва ҳайати эҷодии рӯзнома аҳли ҷамоатчигии шаҳр низ хеле хушнуд гардиданд.   
Сипас, миёни хонандагон ва кормандони рӯзнома суолу ҷавоб баргузор гардид. Хонандагон ба пурсишҳои худ посухи мушаххас гирифтанд.
Дар ҷамъбасти конфронс ба мақомоти иҷроияи маҳаллии ҳокимияти давлатии шаҳри Конибодом ва коллеҷи технологии шаҳр «Сипоснома» - и рӯзнома супорида шуд. Муаллифони фаъол ва ғолибони озмуни «Ҷумҳуриятхонӣ» бо «Ифтихорнома» ва туҳфаҳои таъсисдодаи рӯзнома сарфароз гардонда шуданд.
Лашкар ШАРИФЗОДА,
Сафаргул АЛИМОВА,
«Ҷумҳурият»


Баёни ақида (0)    Санаи нашр: 05.10.2016    №: 198    Мутолиа карданд: 3024

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед