logo

иҷтимоиёт

МАВОДИ НАШЪАОВАР. ТАНҲО МУШКИЛИ ЯК КИШВАР НЕСТ

Мо талошҳои давлати дӯсту бародари Ҷумҳурии Тоҷикистонро дар арсаи мубориза алайҳи маводи мухаддир хеле боаҳамият мепиндорем. Зеро корҳо аз нигоҳи иҷрооти қонунӣ хеле босамар буда, дар самти дастгирии муҷримони қочоқбар ниҳодҳои давлатии ин кишвар натиҷаҳои чашмрас доранд. Гузашта аз ин, барои тақвияти мубориза алайҳи маводи мухаддир дар Тоҷикистон омӯзишгоҳи вижае амал мекунад, ки дар омода намудани мутахассисони ҳирфаӣ нақши бориз мегузорад. Ин гуна тадбирҳо барои Афғонистон минҳайси як кишвари дӯст аҳамияти зиёд дорад ва умедворам, ки дӯстиву ҳамгироӣ дар мубориза бо маводи мухаддир қавитар гардад.
Ин матлабро Саломат Азимӣ, вазири мубориза бо маводи мухаддири Ҷумҳурии Исломии Афғонистон дар суҳбат бо хабарнигори «Ҷумҳурият» баён дошт. Бино ба гуфтаи Хонум Саломат Азимӣ воқеан дар Афғонистон кишти маводи нашъаовар сурат мегирад, вале он танҳо мушкили як кишвар нест. «Маводи мухаддир мушкили ҷаҳонӣ аст. Аз ин рӯ, тамоми дунё бояд дар ин росто муборизаи ҷиддӣ ба роҳ монад. Чунончи, тааҳуди дунё дар қиболи мубориза алайҳи маводи мухаддир дар Қатъномаи  19 апрели соли 2016-и Созмони Милали Муттаҳид минҳайси як масъулияти муштарак пазируфта шуд. Албатта, вақте мегӯем, ки мубориза алайҳи маводи мухаддир ба сурати ҷаҳонӣ ҷараён гирад, мушкили ҷаҳонӣ танҳо бо кишт дар Афғонистон наметавонад маҳдуд бошад ё ба дигар кишварҳо мушкил эҷод кунад. Масъулият инҷост, ки дар ҳар кишваре  маводи мухаддир мавриди истифода қарор мегирад, транзити қочоқ мешавад ва билохира мушкил эҷод менамояд. Аз ин рӯ, ҳамаи кишварҳо дар роҳи бартараф намудани ин мушкил бояд  талоши муштарак  кунанд».
Ба гуфтаи вазири мубориза бо маводи мухаддири Ҷумҳурии Исломии Афғонистон, соли гузашта дар ин кишвар 19 дарсад кишт, 48 дарсад тавлиди маводи нашъаовар коҳиш ёфта, дар тахриби мазореъи кӯкнор (нобуд кардани киштзорҳо) 40 дарсад афзоиш сурат гирифтааст. Саломат Азимӣ ин нишондодро яке аз дастовардҳои Ҷумҳурии Исломии Афғонистон ҷиҳати мубориза алайҳи маводи нашъаовар дар соли гузашта арзёбӣ намуда, изҳори бовар намуд, ки соли ҷорӣ низ дар ин самт ба муваффақиятҳои чашмрас даст хоҳанд ёфт. Дар ҳамин ҳол, ба гуфтаи ин мақоми баландпоя, барои муборизаи дақиқтар бо маводи мухаддир тарҳи қонуни нав ба порлумони Афғонистон пешниҳод шуда, ки қарор аст ба зудӣ тасвиб шавад.
Суҳбати мо бо хонум Саломат Азимӣ дар ин мавзӯъ замоне иттифоқ афтод, ки Агентии назорати маводи нашъаовари назди Президенти Ҷумҳурии Тоҷикистон, зимни як чорабинӣ дар ҳузури роҳбарияти намояндагии минтақавии Раёсати Созмони Милали Муттаҳид оид ба маводи нашъаовар ва ҷинояткорӣ дар Осиёи Марказӣ, сафоратҳои муқими Тоҷикистон, комиссияи махсус бо шумули намояндагони мақомоти прокуратура, суд, Кумитаи давлатии амнияти миллӣ, Вазорати корҳои дохилӣ, воситаҳои ахбори омма беш аз 300 килограмм маводи нашъаоварро оташ зад.
Салимзода Шерхони Одина, директори Агентии назорати маводи нашъаовари назди Президенти Ҷумҳурии Тоҷикистон, иттилооъ дод, ки ин миқдор маводи мухаддир аз ҷониби кормандони агентӣ, Кумитаи давлатии амнияти миллӣ ва Хадамоти гумрук ҳангоми гузарондани амалиётҳои оперативӣ-ҷустуҷӯӣ мусодира шудааст.
Тибқи иттилои дафтари матбуоти Агентии назорати маводи нашъаовари назди Президенти Ҷумҳурии Тоҷикистон дар зарфи ҳабдаҳ соли охир дар бухории агентӣ беш аз 17 тонна маводи нашъаовар сӯзонд шуда, бо ин роҳ солимии ҷомеа аз хатари ин маводи марговар ҳифз шудааст.
Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 06.10.2016    №: 199    Мутолиа карданд: 2929

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед