logo

фарҳанг

МЕҲРГОН. НУРУ НОРУ АРҒАВОН

Эҳёи суннатҳои миллӣ ва ба вуҷуд овардани шароити мусоид ҷиҳати ташаккули онҳо вазифаи муҳими мо мебошад. Ҷашни Меҳргон яке аз идҳои қадимтарини мардуми форсу тоҷик таҷассуми меҳру муҳаббат, дӯстию рафоқати одамон ба ҳамдигар, накукорӣ ва тантанаи барзгарон аст.  Ид рӯзи 16 – уми моҳи меҳр, ки онро рӯзи Меҳр меноманд, баргузор мегардад. Дар сарчашмаҳои таърихӣ бо номи Митракона ё Митра зикр шуда, аз таърихи чаҳорҳазорсола шаҳодат медиҳад.
Меҳргон ҳангоми авҷи корҳои кишоварзӣ ва ҷорӣ шудани тақвими деҳқонӣ пайдо шудааст, асосан иди ҳосилот мебошад ва дар оғози фасли тирамоҳ ҷашн гирифта мешавад. Ба солшумории милодӣ аз 23 сентябр то 22 октябр давом меёбад. Деҳқонон дар ин айём хирман мебардоранд. Мувофиқи достонҳо гӯё Фаридун дар ин рӯз ба Заҳҳок ғолиб омада,  ӯро дар кӯҳи Дамованд ҳабс мекунад. Дар ин рӯз мардум номаҳо навиштанду якдигарро табрик карданд ва ҳатто туҳфаҳо тақдим намуданд. Панҷ рӯзи аввал ҷашни ҳамагон буда, онро Меҳргони омма ё кӯчак меноманд. Рӯзи шашум ҷашни расмӣ буда, онро шоҳ бо аҳли дарбор истиқбол мекарданд, ки  Меҳргони бузург ном дорад.
Дар аҳди Сосониён ҷашни Меҳргон бисёр бошукӯҳ ва ботантана мегузашт. Баргузории Меҳргон ба иди Наврӯз хеле монандӣ дорад. Мардум хонаю дарашонро тоза мекарданд, беҳтарин либосашонро пӯшида, худро зебо намуда, ба идгоҳҳо мерафтанд.
Истиқлолияти давлатӣ ба ҷашни Меҳргон умри дубора бахшид. Таҷлили ид тибқи Қарори Ҳукумати Ҷумҳурии Тоҷикистон аз 5 августи соли 2009, таҳти рақами 538 дар тамоми гӯшаю канори кишварамон бо шукӯҳу  шаҳомат баргузор мешавад. Деҳқонон, боғу токпарварон, чорводорон ва механизаторони меҳнатқарин барои истиқболи ин рӯзи муборак ҷамъ меоянд. Аз самараи кишти хеш намоишҳо баргузор мекунанд.
Бо дастури Асосгузори сулҳу ваҳдати миллӣ - Пешвои миллат, Президенти кишвар Эмомалӣ Раҳмон  иди бостонӣ ҳар сол рӯзи 8 октябр чун иди миллии давлатӣ бо шукӯҳу шаҳомат таҷлил мегардад. Мувофиқи ойини гузаштагонамон, дар рӯзҳои ҷашни  Меҳргон маросимҳои зиёде  сурат мегирифтанд, зеро шуғли аксарияти одамон кишоварзӣ  буд. Пас аз ғунучини ҳосил барои баргузор кардани ҷашни шодӣ ва истироҳати кишоварзон замони муносиб аст. Меҳргон ҷашнест, ки ба табиату салтанат ва рӯзгори мардум иртибот дорад.
Шоирони номдори классики тоҷик беш аз 1000 сол муқаддам Меҳргонро ҳамчун ҷашни бузург ёд кардаанд.
Малико, ҷашни Меҳргон омад,
Ҷашни шоҳону хусравон омад.
Абуабдуллоҳи Рӯдакӣ
 
Омад хуҷаста Меҳргон, ҷашни бузурги
хусравон,
Пурфайз бод хони Шумо, аз нуру нору
арғавон…
Манучеҳрии Домғонӣ
Ҷамил ВАЛИЕВ,
корманди Китобхонаи миллии Тоҷикистон


Баёни ақида (0)    Санаи нашр: 07.10.2016    №: 200    Мутолиа карданд: 3253

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед