logo

сиёсат

НИГАРОНИИ ШӮРОИ ҶАМЪИЯТӢ АЗ БАЪЗЕ АМАЛҲОИ ТААССУФОВАРИ СОЗМОНИ АМНИЯТ ВА ҲАМКОРӢ ДАР АВРУПО

Шӯрои ҷамъиятии Ҷумҳурии Тоҷикистон аз қазияи 19 - уми сентябр, ки зимни пешниҳоди Ҳисоботи солонаи кишварҳои узви САҲА оид ба ченаки инсонӣ дар шаҳри Варшаваи Лаҳистон баргузор шуд, сахт нигарон аст.
Шӯрои ҷамъиятӣ, ки 85 созмони ҷомеаи шаҳрвандии Тоҷикистонро муттаҳид менамояд, бар он аст, ки ин гуна нишастҳои барои Ҷумҳурии Тоҷикистон ва Иттиҳоди Аврупо басо муҳим набояд ба майдони хушунат ва таҳаммулнопазирии ҷонибҳои дигар, хоса ҳизбу созмонҳои экстремистӣ ва террористӣ табдил гардида, боиси сардии муносибот шаванд.
Қонунгузории Ҷумҳурии Тоҷикистон Ҳизби наҳзати исломии Тоҷикистонро созмони экстремистӣ-террористӣ ва «Гурӯҳи 24» - ро созмони эктремистӣ эътироф ва фаъолияти онҳоро дар Ҷумҳурии Тоҷикистон мамнӯъ эълон кардааст.
Ҳизби наҳзати исломии Тоҷикистон соли 2002 зери санади «Аҳдномаи ризоияти ҷомеаи Тоҷикистон», ки 9 марти соли 1996 аз ҷониби Президенти Ҷумҳурии Тоҷикистон, Раиси Маҷлиси Олӣ ва роҳбарони ҳизбу созмонҳои иҷтимоӣ ва фарҳангӣ ба хотири хомӯш кардани оташи ҷанги шаҳрвандӣ ва ҷилавгирӣ аз харобиву таназзули кишвар ба тасвиб расида буд, имзо намуда, узви Шӯрои ҷамъиятии Тоҷикистон гардид. Нукоти ин Аҳднома тарафҳои имзокунандаро вазифадор мекард, ки дар ҳалли масоили иқтисодӣ, сиёсӣ, ҷамъиятӣ, фарҳангӣ, ноил шудан ба ризоияти миллӣ ширкати фаъол намуда, дар мубориза бар зидди бунёдгароии миллӣ, мазҳабӣ ва дигар анвои зӯроварию фишор ҳаммаром бошанд.
Ҳизби наҳзати исломии Тоҷикистон дар тӯли узвияти худ, ки то соли 2010 идома дошт, ба Шӯрои ҷамъиятии Ҷумҳурии Тоҷикистон дар ҳаллу фасли масоили муҳими ҷомеа барномаи мушаххасе пешниҳод накардааст. Намояндагони ин ҳизб минбари Шӯрои ҷамъиятиро натавонистанд ба мақсадҳои ғаразноки худ истифода кунанд ва, инчунин, ҳамназароне аз шумори аъзои Шӯрои ҷамъиятӣ пайдо накарда, соли 2010 узвияти худро дар ин созмон қатъ намуданд.
Имрӯз дар Тоҷикистон сулҳу субот ва оромӣ пойдор аст. Мардуми кишвар аз сиёсати Ҳукумат ва давлати Тоҷикистон пуштибонӣ  карда, Ваҳдати миллӣ ва Ризоияти ҷомеаро волотарин арзиши худ медонанд.
Созмони амният ва ҳамкорӣ дар Аврупо ҳамчун шарики Ҳукумати Тоҷикистон ва Шӯрои ҷамъиятии Ҷумҳурии Тоҷикистон, ки дар раванди ислоҳоти сиёсиву иҷтимоии кишвар фаъолона ширкат менамуд, набояд имкон диҳад, ки бо истифода аз озодиҳои шаҳрвандӣ ба сулҳу субот ва зиндагии осоишта дар Тоҷикистон халал ворид шавад.
Узвияти Ҷумҳурии Тоҷикистон ба Созмони амният ва ҳамкорӣ дар Аврупо, пеш аз ҳама, ба манзури истифода аз таҷриба ва фаъолияти ин созмон дар раванди демократикунонии ҷомеа, таҳкими амнияти миллӣ ва минтақавию байналмилалӣ, эҷоди унсурҳои муҳими ҷомеаи шаҳрвандӣ мебошад.
Шӯрои ҷамъиятии Тоҷикистон изҳор мекунад, ки Созмони амният ва ҳамкорӣ дар Аврупо ба созишномаи бо Ҷумҳурии Тоҷикистон баимзорасондаи хеш ҷиҳати таъмини амният ва субот дар минтақа ҳамеша содиқ  монда, дар мубориза бар зидди терроризм, экстремизм ва ҳама гуна зӯроварӣ баъзан аз  стандартҳои дугона истифода мекунад, ки ин боиси таассуф аст
Мо мушкилоти кишвару ҷомеаи худро  хуб медонем, барои ислоҳи вазъ пайваста кӯшиш менамоем. Созмонҳои узви Шӯрои ҷамъиятӣ  мунтазам барои ҳифзи ҳуқуқу озодиҳои инсон талош варзида, ҳар як ҳодисаи нақзи ҳуқуқро пайгирӣ мекунанд.
Бо назардошти гуфтаҳои боло, Шӯрои ҷамъиятии Ҷумҳурии Тоҷикистон аз  САҲА ва созмонҳои ҳуқуқи инсон  даъват ба амал меорад, ки ҳамкориҳоро бо ҷомеаи шаҳрвандии Тоҷикистон тақвият бахшанд, аз имконоти Шӯрои ҷамъиятӣ истифода баранд, то чунин вазъият  дар оянда рух надиҳад.
Давлат ва мардуми Тоҷикистон барои ҳамешагӣ роҳи сулҳу суботро, ки омили асосии тараққӣ ва пешрафти кишвар аст, интихоб кардаанд ва ҳеҷ неруе наметавонад аз ин роҳи саодат миллат ва давлатро берун созад.
Аъзои Шӯрои ҷамъиятии
Ҷумҳурии Тоҷикистон:
С. С. ФАТТОҲЗОДА, муовини якуми раиси Ҳизби Халқии
Демократии Тоҷикистон,
И. И. ТАЛБАКОВ, раиси Ҳизби коммунистии Тоҷикистон,
А. ҒАФФОРОВ, раиси Ҳизби сотсиалистии Тоҷикистон,
О. Б. БОБОЕВ, раиси Ҳизби ислоҳоти иқтисодии Тоҷикистон,
Р. Б. ЛАТИФЗОДА, раиси Ҳизби
аграрии Тоҷикистон,
С. У. УСМОНЗОДА, раиси Ҳизби демократии Тоҷикистон, ҷамъ 60 имзо.
шаҳри Душанбе, 7 октябри соли 2016


Баёни ақида (0)    Санаи нашр: 10.10.2016    №: 201    Мутолиа карданд: 2901

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед