logo

фарҳанг

ХУҶАНД МИЗБОНИ МАҲФИЛИ АДИБОН

Машварати омӯзишии адибони ҷавони Ҷумҳурии Тоҷикистон зиёда аз 50 нафар эҷодкорро аз тамоми гӯшаву канори кишвар дар шаҳри Хуҷанд сарҷамъ кард. Ин чорабинӣ бо иштирок ва суханронии муовини якуми раиси вилояти Суғд Рустам Раҳматзода, шоирон ва арбобони илми Тоҷикистон ифтитоҳ ёфт.
 
Ҷавонони боистеъдоди Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои тобеи ҷумҳурӣ ва шаҳри Душанбе дар давоми чор рӯз ба бахшҳои назм, наср, очерку публитсистика, асарҳои ҳаҷвӣ ва шеъри кӯдак тақсим шуда, осори тозаэҷоди худро ба баррасии устодону донишмандон гузоштанд.
- Ин машварат бори дигар собит менамояд, ки сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷодаи тамаддуну фарҳанг оқилонаву саривақтӣ буда, барои тарбияи насли воқеан ҳам мутамаддину огоҳ мусоидат мекунад. Беҳуда нест, ки Сарвари давлат дар аксари суханрониву вохӯриҳо фарҳангу адабро яке аз омилҳои асосии бақои миллат хонда, рушди босуботи илму маорифро таҳрики тоза мебахшад. Дар рӯзҳои баргузории ҳамоиши адибони ҳавзаи Наврӯз «Ман шоиронро дӯст медорам», гуфтани Пешвои миллат далели рӯшани меҳру самимияти Президенти мамлакат ба зиёиёну адибони кишвар буд, -  изҳор дошт раиси Иттифоқи нависандагони Тоҷикистон Низом Қосим.
Машварату муҳокимаи осори адибони ҷавон дар факултети филологияи Донишгоҳи давлатии Хуҷанд, китобхонаи вилоятии ба номи Тошхӯҷа Асирӣ ва китобхонаи бачагонаи ба номи Аминҷон Шукӯҳӣ сурат гирифт. Барои баррасии эҷодиёти навқаламон олимону шоирон Матлубаи Мирзоюнус, Нуралӣ Нурзод, Абдуҷаббори Суруш, Адибаи Хуҷандӣ, Озарахш ва дигарон ҷалб гардиданд.
- Баргузории машваратҳои вилоятӣ ва ҷумҳуриявӣ барои дарёфт ва тарбияи истеъдодҳои тозазуҳуркардаи адабиёт мусоидат карда, дар рафти он эҷодкорон бояд аз устодону мутахассисони соҳа омӯзишу муҳокима, таҳриру таҳлил ва қоидаву қонуни адабиёт ва жанрҳои маъмули онро ба дурустӣ биёмӯзанд, - тазаккур дод Аҳмадҷон Раҳматзода, котиби масъули шуъбаи суғдии Иттифоқи нависандагони Тоҷикистон.
5 октябр дар робита ба қадрдониву арҷгузории забони тоҷикӣ дар Кохи Арбоб Рӯзи забони давлатӣ таҷил гардид. Дар ин ҷашни бошукӯҳ раиси ноҳияи Бобоҷон Ғафуров Зариф Вализода, муовини якуми раиси вилояти Суғд Рустам Раҳматзода ва доираи васеи аҳли фарҳанг иштирок доштанд. Муовини раиси вилоят таъкид намуд, ки рушду инкишофи забон нишондиҳандаи пешрафти миллат ва давлат аст. Ба ин мазмун, дар замони соҳибистиқлолии кишварамон доираи истифодаи забони давлатӣ чи дар корҳои давлатдорӣ ва чи дар корҳои сиёсиву иқтисодиву иҷтимоӣ ва фарҳангӣ вусъати бесобиқа ёфт. Имрӯз забони тоҷикӣ ба унвони забони милливу давлатӣ  ба рамзи ҳабастагӣ ва иттиҳоди воқеии тамоми сокинони Тоҷикистон табдил ёфтааст.
Адибони кишвар пос доштани расму оин ва анъанаҳои ниёгонро дар вилоят хуш пазируфта, бо ибтикори Пешвои миллат ва иқдоми мақомоти иҷроияи ҳокимияти давлатии вилоят ба Ватани худ бозовардани хоки турбати Камоли Хуҷандӣ ва бунёди мақбараи ӯро нишони эҳтироми бепоён ба фарҳангу тамаддун хонданд. Дар рафти маҳфил шоирони ҷавон, ки чун истеъдодҳои тоза шинохта шуда буданд, шеърхонӣ карда, аз ҷониби раиси вилоят Абдураҳмон Қодирӣ бо Девони Камоли Хуҷандӣ, китоби дуҷиладаи Фарзона, маҷаллаи «Камолшиносӣ» ва чандин китобҳои тозанашри маркази камолшиносӣ қадрдонӣ гаштанд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 11.10.2016    №: 202    Мутолиа карданд: 3131

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед