logo

ҳуқуқ

МУБОРИЗА БО КОРРУПСИЯ. ДАР ПЕШГИРИИ ОН БОЯД ДАСТАҶАМЪОНА АМАЛ КАРД

Кормандони Шуъбаи пешгирии коррупсияи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе дар асоси «Стратегияи муқовимат бо коррупсия дар Ҷумҳурии Тоҷикистон барои солҳои 2013 - 2020» пайваста бо доираҳои гуногуни сокинони пойтахти мамлакат дидору вохӯриҳо барпо намуда, оид ба оқибатҳои нангини порахӯриву ришваситонӣ ва зарари он ба рушди ҷомеа суҳбату мулоқоти судманд доир мекунанд.
Дар ин замина, чанде пеш онҳо дар муассисаи таҳсилоти миёнаи умумии № 24, бо иштироки тамоми роҳбарони муассисаҳои таҳсилоти миёнаи умумии маорифи ноҳияи Фирдавсии шаҳри Душанбе, мулоқот анҷом доданд. Дар ин вохӯрӣ таваҷҷуҳи асосӣ ба тақвияти роҳҳои муборизаи муштарак алайҳи ин падидаи номатлуб равона гардида, аз даст доштани бархе кормандони соҳаи маориф изҳори нигаронӣ шуд.
Зимни вохӯрӣ бо аҳли маорифи ноҳияи Фирдавсии шаҳри Душанбе таъкид гардид, ки коррупсия зуҳуроти номатлуби ҷомеа буда, ба рушди бонизоми соҳаҳои гуногуни хоҷагии халқи мамлакат халал ворид месозад, обрӯву эътибори давлатро дар арсаи байналмилалӣ коста мегардонад. Дар ҳамин ҳол, бо изҳори таассуф зикр шуд, ки дар соҳаи маорифи кишвар ҳоло ҳам нафароне ҳастанд, ки ҳангоми иҷрои вазифа даст ба ҷиноятҳои коррупсионӣ зада, шаъну шарафи худро дар байни мардум паст мезананд.
Иттилоъ дода шуд, ки дар асоси таҳлилҳои бадастомада, дар миёни кормандони Вазорати маориф ва илми Ҷумҳурии Тоҷикистон ва зерсохторҳои он ҳамоно дар рафти имтиҳонҳои дохилшавӣ ба муассисаҳои олӣ, ҳатто ба мактабҳои таҳсилоти миёнаи умумӣ, ҷиноятҳои коррупсионӣ ба қайд гирифта шудаанд, ки боиси ташвиши аҳли ҷомеа гардидааст. Аз ин рӯ, дар вохӯрӣ таъкид ба амал омад, ки кормандони ин соҳа бояд худро аз амалҳои коррупсионӣ канор гиранд, зеро онҳо тарбияткунандагони насли наврас ва ё неруи зеҳнӣ дар ҷомеа ҳастанд. Дар акси ҳол даст задан ба ҷиноятҳои коррупсионӣ аз сӯи кормандони соҳаи маориф ба рӯҳияи наврасону ҷавонон таъсири манфӣ мегузорад.
Иштирокчиёни вохӯрӣ ба ин назар буданд, ки мубориза бар зидди ҷиноятҳои коррупсионӣ ва аз байн бурдани ин зуҳуроти номатлуб танҳо кори Агентии назорати давлатии молиявӣ ва мубориза бо коррупсия набуда, балки кори дастаҷамъӣ ва амали муштараки шаҳрвандон аст. Зеро ин ҳақиқат пайдост, ки авҷи амалҳои коррупсионӣ ба пешрафти иқтисоди мамлакат халал ворид сохта, сатҳи камбизоатиро дар ҷомеа меафзояд.
Кормандони Шуъбаи пешгирии коррупсияи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе дар анҷоми мулоқот бо аҳли маорифи ноҳияи Фирдавсӣ аз ҳамагон даъват ба амал оварданд, ки дар ҳамкорӣ бо кормандони агентӣ ҷиҳати пешгирии раванди коррупсионӣ, бевосита дар ошкор намудани ҳуқуқвайронкуниҳои характери коррупсионидошта фаъолона иштирок намоянд. Дар ҷилавгирӣ аз ин зуҳуроти номатлуб ва ба вуҷуд овардани фазои зиддикоррупсионӣ дар байни омма саҳми назаррас гузоранд.
Зимнан бояд қайд намуд, ки бо назардошти муҳимияти масъала почтаи электронӣ ва телефонҳои боварии Раёсати агентӣ дар шаҳри Душанбе ба таври доимӣ фаъоланд. Ин тасмим имкон медиҳад, ки ҳамарӯза кормандони Шуъбаи пешгирии коррупсияи Раёсати агентӣ иттиллои шаҳрвандон оид ба ошкор намудани амалҳои коррупсиониро қабул намуда, перомуни онҳо чораҳои таъҷилӣ ва судбахши қонунӣ андешанд.
Самандар СУНАТЗОДА,
сардори Шуъбаи пешгирии коррупсияи Раёсати Агентии назорати давлатии молиявӣ
ва мубориза бо коррупсияи Ҷумҳурии Тоҷикистон дар шаҳри Душанбе


Баёни ақида (0)    Санаи нашр: 11.10.2016    №: 202    Мутолиа карданд: 2800

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед