logo

иҷтимоиёт

«ШАҲРИ БЕХАТАР» САМАРАНОКИИ КОРИ ИН НИҲОД ҶИНОЯТКОРИРО КОҲИШ МЕДИҲАД

Дар шароити дастрасии техникаву технологияи нави коммуникатсионӣ ва тақозои замон  дар пойтахти кишвар - шаҳри Душанбе маҷмааи таҷҳизоти барномавӣ барои ба таври автоматӣ ба қайд гирифтани вайрон шудани қоидаҳои ҳаракат дар роҳ ва назорати тартиботи ҷамъиятӣ фаъолияти босамар дорад. Ин лоиҳа «Низоми худкори идоракунӣ дар соҳаи нақлиёт «Шаҳри бехатар» буда, аз шаш қисмат - «Маркази идоракунӣ», «Маҷмааи электронии танзими ҳаракат дар роҳ», «Таъмини тартиботи ҷамъиятӣ», «Назорати чароғакҳои роҳнамо», «Назорати ҳаракат» ва «Назорати видеоӣ» иборат мебошад.
Маҳз тавассути фаъолияти ин марказ 177 417 навори ҷиноятӣ, 181 ҳолати тамбашавӣ, 400 автомобили дар кофтуков қарордошта, сабқатҳои автомобилӣ ва дигар қоидавайронкуниҳо муайян гардида, зиёда аз 11 миллион сомонӣ ҷарима ситонда шуд, - мегӯяд сардори маркази автоматикунонии идораи нақлиёт ва тартиботи ҷамъиятии РБДА ВКД Ҷумҳурии Тоҷикистон, полковник Иброҳим Раҳмонзода.
Мувофиқи маълумоти «Шаҳри бехатар» камераҳои баландсифати мушоҳидавии марказ, ки бо истилоҳи «Политсияи электронӣ»  ном бурда мешаванд, масофаи то 1 километрро аниқ ва дақиқ ба навор мегиранд. Вазифаи асосии онҳо танҳо аз назорати воситаҳои нақлиёт иборат набуда, балки ҳуқуқвайронкуниҳоеро, ба мисли авбошӣ, мастӣ, дуздӣ, рабудани воситаҳои нақлиёт, бадахлоқӣ, кашидани носу сигор дар ҷойҳои ҷамъиятӣ, бархӯрду низои нафарони алоҳида ва боз чандин ҷиноятҳои хурду бузургро ошкор менамоянд. Ба гуфтаи Иброҳим Раҳмонзода, аз тарафи кормандони шуъбачаи амалияи маъмурии «Шаҳри бехатар» аксҳои қоидавайронкунӣ дар роҳ, ки дар давраи ҳисоботӣ 183 777 ҳодисаро ташкил медиҳанд, ҳамчун далелҳои шайъӣ аз чоп бароварда шуда, дар асоси муқаррароти Кодекси ҳуқуқвайронкунии маъмурӣ баррасӣ мегарданд ва амрномаҳо оид ба таъйини ҷаримаи маъмурӣ ба суроғаи ронандагон тариқи КВД «Почтаи тоҷик» дастрас мешаванд. Амрнома мутобиқи қисми 3 моддаи 87 - и Кодекси мурофиаи ҳуқуқвайронкунии маъмурии Ҷумҳурии Тоҷикистон амал мекунад. Дар ҳолатҳои баҳснок ронандагон ба воситаи мониторҳои махсус қоидавайронкуниҳои бақайдгирифташударо аз назар гузаронда, мувофиқи далелҳо амал мекунанд. Агар ронанда дар ҳаракатҳои сабтгардидааш вуҷуд надоштани қоидавайронкунӣ дар роҳро исбот намояд, аз тарафи масъулони марказ ҷаримабандӣ бекор карда мешавад. Дар шашмоҳа 50 садамаи нақлиётӣ рух дода, дар 208 ҳолати дигар шахсияти ҷинояткорон муайян гардида, сабти навори ҳодисаҳо аз «Шаҳри бехатар» ба  ниҳодҳои дахлдор фиристода шуданд.
Масъалаи дигар зиёдшавии рӯзафзуни автомобилҳост. Ин раванд аз як ҷиҳат ба тамбашавӣ ва бетартибӣ оварда расонад, аз тарафи дигар экологияи шаҳр ва оромии сокинони онро халалдор месозад. Дар давраи ҳисоботӣ 181 ҳолати тамбашавӣ муайян гардида, барои бартараф кардани ин ҳолат чароғакҳои кӯчаҳои серҳаркат ба таври автоматӣ ба низом дароварда шуданд.
Дар масъалаи тамоми ҷумҳуриро фаро гирифтани камераҳои назоратӣ масъулони низоми худкори идоракунӣ дар соҳаи нақлиёт - «Шаҳри бехатар» маълумот доданд, ки дар шаҳрҳои Хуҷанд, Кӯлоб, Қӯрғонтеппа доир ба амалӣ намудани лоиҳаи мазкур корҳои муҳандисию лоиҳакашӣ идома доранд.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 12.10.2016    №: 203    Мутолиа карданд: 2916

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед