logo

фарҳанг

САНЪАТИ МУСИҚӢ. БО ШАРОИТҲОИ КУҲНА КАДРҲОИ НАВ ТАВЛИД НАМЕШАВАНД

Норасоии мактабҳои санъати мусиқӣ ва солиёни дароз ихтисос наёфтани маблағи кофӣ барои нигаҳдории муассисаҳои мавҷуда боиси садамавию таъмирталаб шудани онҳо гардидаанд. Камбуди асбобҳои мусиқӣ ва нарасидани омӯзгорони касбӣ низ дар ҳар шаҳру ноҳияи вилоят эҳсос мегардад. 
Ба гуфтаи мутасаддиёни раёсати фарҳанги вилояти Хатлон танҳо мактаби санъати шаҳри Қӯрғонтеппа, ки соли 2014 аз нав сохта шудааст, камбудӣ надорад. 
“Аз сабаби он ки мусиқӣ дар тарбияи кӯдак нақши муассир дорад, дар давлатҳои пешрафтаи дунё таваҷҷуҳ ба макотиби санъати мусиқӣ дар мадди аввал аст”, - гуфт Ҷӯрабой Сангов, мутахассиси раёсати фарҳанги вилоят ва ҳамчун намуна зикр кард, ки мактабҳои санъати бачагонаи ноҳияҳои Вахш, Абдураҳмони Ҷомӣ ва Восеъ куҳнаю фарсуда буда, ба талабот ҷавобгӯ нестанд.
Ибодат Ғафурова, сарвари муассисаи таҳсилоти иловагии вилояти Хатлон, иброз дошт, ки "аз сабаби таъмин нашудани мактабҳо бо созҳои торию нафасӣ, зарбӣ ва ғайра шогирдон маҷбуранд, ки асбобҳои куҳнаи давраи шӯравиро истифода намоянд. Ё худ аз 289 омӯзгори фанни суруд фақат 132 нафар маълумоти олии касбӣ доранду халос".
Камбудиҳои зикршударо мусоҳибони мо Хуршед Эралиев, сарвари мактаби санъати мусиқии ноҳияи Абдураҳмони Ҷомӣ, Ҳусейн Ғайратов, сарвари мактаби санъати бачагонаи мусиқии ноҳияи Балҷувон ва Абдулрауф Файзуллоев, сарвари мактаби санъати мусиқии ноҳияи Вахш тасдиқ карданд. Ҳангоми боздид аз ноҳияи Вахш Абдурауф Файзуллоев чунин гуфт: “Шогирдони мо бо ин гуна асбобҳои куҳна чӣ тавр дарси мусиқӣ омӯзанд? Чанд маротиба ба мудири фарҳанги ноҳия пешниҳод кардем, ки барои мо асбобҳои мусиқии нав харанд, вале то имрӯз ягон натиҷа нест. Нарасидани асбоби мусиқӣ як тараф, мушкили асосии мо дар ҳолати садамавӣ қарор доштани бинои мактаб аст”.
- Донишҷӯён аз асбобҳои скрипка, флейта ва кларнет танқисӣ мекашанд, - баён намуд сарвари коллеҷи санъати мусиқии шаҳри Кӯлоб Зафар Шеров. - Барои шуъбаҳои фортепиано ва скрипка мутахассис надорем. Бинои коллеҷро ҳар сол ба қадри имкон таъмири ҷорӣ мекунем, аммо азбаски куҳнасохт аст, зуд ба ҳолати пешинааш бармегардад. Аз тамоми шаҳру ноҳияҳои вилоят донишҷӯ қабул мекунем, вале афсӯс, ки онҳоро бо ҷойи хоб таъмин карда наметавонем.
Ҳунарманди мардумии Тоҷикистон Амриддини Кабир дар ин хусус чунин мегӯяд: “Ҳар чизе ки дар хурдсолӣ азхуд мешавад, як умр дар хотири инсон мемонад. Таҳкурсии мусиқӣ дар мактаби таҳсилоти миёнаи умумӣ гузошта мешавад. Вале, мутаассифона, ҳоло масъулони ин муассисаҳо ба фанни мусиқӣ чандон таваҷҷуҳ надоранд. Илова бар ин, замони пеш дар ҳар як мактаб маҳфилҳои омӯзиши мусиқӣ вуҷуд дошт. Ҳоло не”.
Ҳавзаи санъати мусиқии вилояти Хатлон барои хазинаи тиллоии фарҳанги Тоҷикистон беҳтарин сарояндаву навозандагонро эҳдо кардааст, ки агар ҳамаашонро баршуморӣ намоем, аз сад мегузарад. Аммо, бо ин ҳоле, ки имрӯз мактабҳои санъати мусиқии вилоят доранд, оё метавонем дар оянда ба натиҷаҳои назаррас ноил гардем?
Зокир ҲАСАН, “Ҷумҳурият”


Баёни ақида (0)    Санаи нашр: 12.10.2016    №: 203    Мутолиа карданд: 3228

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед