logo

фарҳанг

МУСОДИРА. БОЗ ДАР БОРАИ ФИТАҲОИ ҒАЙРИҚОНУНӢ

Фаъолияти ғайриқонунии баъзе студияҳо, ки ба нусхабардорӣ ва фурӯши фитаҳо машғуланд, боиси зиёд гардидани фитаҳои пастсифат дар нуқтаҳои фурӯш гардидааст. Бо нархи 1 ё 2 сомонӣ фурӯхтани фита худ гувоҳи бо роҳи қочоқ ба бозор ворид шудан ва пастсифатии он аст. Зеро чунин фитаҳо баъди як маротиба тамошо кардан аллакай корношоям мегарданд.
 
КВД «Тоҷиккино» назоратро дар ин самт пурзӯр карда, имсол 68 ҳазор фитаи  пастсифати филмҳои ғайриқонунӣ паҳншавандаро аз дуконҳо мусодира ва нобуд кард.
Бино ба иттилои Хайриддин Зайниддинов, муовини директори генералии «Тоҷиккино», масъулони ин ниҳод  дар ҳамкорӣ бо мақомоти ҳифзи ҳуқуқ дар вилоятҳои Суғду Хатлон ва ноҳияҳои тобеи марказ низ санҷиш гузаронда, филмҳои пастсифатро мусодира карданд.
- Дар назди идораи мо маркази ташхиси филмҳо амал мекунад, ки ба он ғайр аз мутахассисони соҳа, ҳамчунин кормандони мақомоти ҳифзи ҳуқуқ, равоншиносон, намояндаҳои созмонҳои ҷамъиятӣ шомиланд ва филмҳоро ташхис мекунанд. Масъулон агар ба хулосае оянд, ки филмҳои ташхисшуда ба нафъи ҷомеа ва насли наврас нестанд, дар ин ҳол ба мақомоти дахлдор дар бораи манъи фурӯши он мактуб ирсол мешавад. Барои мисол, филми «Фиреби дӯст» аз ҷониби коршиносони мо қабул карда нашуд, зеро давомнокии он бояд 60 дақиқа зиёд мебуд,  аммо он  40 дақиқаро дар бар мегирифт. Аслан ба мо филмҳо зиёд пешниҳод менамоянд, аммо онҳо бе сенария, мувофиқа ва бе шартномаи студияҳо рӯи навор омадаанд. Мо чунин филмҳоро имкони қабул кардан надорем. Вазифаи мо таъмин кардани филмҳои миллӣ дар бозори дохилӣ аст, - гуфт Х. Зайниддинов.
Дар сохтори КВД «Тоҷиккино» 60 корхонаи фаръӣ - давлатии  кино ва видео дар ду самт фаъолият мекунанд. Вазифаи аввалини корхонаҳо намоиши филм ва ҷалби кинотеатрҳо ба намоиши онҳо аст. Қисмати дувум назорат аз болои нуқтаҳои фитафурӯшӣ. Дар ҷумҳурӣ солҳои шӯравӣ тақрибан 400 кинотеатри намоишӣ фаъолият мекард.  Солҳои ҷанги шаҳрвандӣ дар аксарияти шаҳру навоҳӣ худсарона кинотеатрҳоро шахсӣ карданд. Гарчанде тибқи  Қарори Ҳукумати ҷумҳурӣ фурӯш ва шахсӣ намудани муассисаҳои фарҳангӣ манъ аст. 
Феълан дар тобеияти «Тоҷиккино» 12 кинотеатр боқӣ мондааст. Ҳоло дар кишвар 1500 нуқтаи фитафурӯшӣ амал мекунад.
Дар асоси моддаи 15 - и Қонуни Ҷумҳурии Тоҷикистон «Дар бораи кино» ва фармоиши «Тоҷиккино» аз 24 июни соли 2015 таҳти № 27 фурӯш ва ба муомилот баровардани ҳама номгӯйи силсилафилмҳои туркии бо забонҳои русӣ ва форсӣ тарҷумашудаи қайдҳои давлатӣ надошта дар тамоми нуқтаҳои фурӯши маҳсулоти аудиовизуалӣ манъ карда шудааст.
 Хайриддин Зайниддинов, ҳамчунин пешниҳод кард, ки ҷиҳати дастгирии кинои тоҷик ва ба намоиш гузоштани филмҳо дар пойтахти мамлакат як кинотеатри замонавӣ сохта шавад. Зеро кино аз аввал як ҷузъи ҷудонашавандаи ҷомеа буда ҳамчунон боқӣ хоҳад монд.
Сафаргул АЛИМОВА,
«Ҷумҳурият»


Баёни ақида (0)    Санаи нашр: 13.10.2016    №: 204    Мутолиа карданд: 3081

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед