logo

ҳуқуқ

ВАСВАСАИ ҶИҲОД БА СУРИЯ НЕ, БА ПАСИ ПАНҶАРА БУРД

Суди ноҳияи Муъминободи вилояти Хатлон як сокини деҳаи Боғиҳабиби ноҳияро барои фаъолиятҳои эктермистию динӣ ва кӯшиши иштирок дар ҷангҳои Сурия 16 сол аз озодӣ маҳрум кард.
 
Муҳаммадҷамил Табарови 40 - сола бори аввал барои ташкили фаъолияти экстремистӣ ба муҳлати 5 сол равонаи зиндон гардида буд. Вале ин маҳкумият ба ӯ дарси ибрат нашуд ва боз ба фаъолиятҳои пинҳонии ифротии худ идома дод. Кӯшиши барқарор намудани робита бо ҳаммаслакони тирароҳ, васвасаи ҷиҳод дар Сурия ва пайвастан ба гурӯҳҳои тундгарои исломӣ мудом мағзашро ба худ машғул медошт.
Бародари Муҳаммадҷамил аз ҳаракату ниятҳои зишти ӯ бохабар шуда, шиносномаашро пинҳон мекунад, то ба ин васила роҳи ӯро ба хориҷи кишвар бубандад. Вале ин шаҳрванди ноогоҳ ба созмони экстремистии хусусияти динидоштаи «Ҷамъияти таблиғ», ки бо ҳалномаи Суди Олии Ҷумҳурии Тоҷикистон  фаъолияташ дар кишвар манъ шудааст ҳамроҳ шуда, ақидаҳои тундгароиро, бахусус дар байни ҷавонон  таблиғ мекунад. Вай ба дунболи пиёда намудани ҳадафҳои нопокаш корҳои ташвиқотиро дар масоҷиди деҳаи Тудакаш ва маҳаллаи С. Вализода ба роҳ монда, дар ин бора бо намозгузорони алоҳида вориди суҳбат шудааст.
Ҳангоми кофтуков аз маҳали зисти ин мубаллиғи «ҷиҳод» дар Сурия 77 китоби хусусияти динидошта дарёфт гардид. Дар байни онҳо китобҳои «Ҷашни мавлуд аз нигоҳи ислом» - и Муҳаммад ибни Саъд ибни Шуқайр, «Ҳиҷоб чаро?» - и Муҳаммад ибни Аҳмад, «Ҳиҷоби бонувон дар ислом» - и Алоуддини Роким, «Рисолати пероста дар ишораи саболба» - и Мулло Қорӣ ибни Султон Муҳаммад, «Вибор» - и Аҳмад Дидай низ буданд. Таҳлили адабиёти дарёфтшуда нишон дод, ки дар онҳо ақидаҳои тафриқаандозию тундгароӣ дарҷ гардидаанд.
Ин дар ҳолест, ки тибқи талаботи Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» таҳқири  ҳиссиёти динӣ ва атеистии шаҳрвандон манъ мебошад. Зимнан, бар асоси муқаррароти ҳамин қонун паҳн намудани адабиёти динӣ, инчунин, дигар ашё ва маводи дорои таъйиноти динӣ бидуни хулосаи ташхиси давлатии диншиносӣ манъ мебошад.
Гузашта аз ин, Муҳаммадҷамил Табаров дар фурсатҳои муайян бо ҳаммаслаконаш аз Туркия суҳбати телефонӣ анҷом дода, аз онҳо маслиҳату дастур мегирифт. Одамони сустирода, бекор, камдониш ва аз дин бехабарро ба ақидаю равияҳои экстремистӣ, тундгароӣ ошно мекард. Хушбахтона, ин амалҳои иртиҷоиву иғвоангези Муҳаммадҷамил аз заррабини мақомоти ҳифзи ҳуқуқ дур наафтод ва нисбат ба ӯ  чораҳои қонунӣ андешида шуд.
 Суди ноҳияи Муъминобод парвандаи ҷиноятӣ нисбат ба Муҳаммадҷамил Табаровро мавриди баррасӣ қарор дода, бар асоси якчанд моддаи Кодекси ҷиноятӣ ӯро гунаҳгор дониста, ба муҳлати 16 сол бо адои ҷазо дар колоннияи ислоҳии низомаш сахт ба зиндон маҳкум кард.
Баҳром МАҶИДЗОДА,
судяи суди ноҳияи
Муъминобод


Баёни ақида (0)    Санаи нашр: 13.10.2016    №: 204    Мутолиа карданд: 2517

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед