logo

иқтисод

СОҲИБКОРӢ МАЙДОНИ НАНГ НИЗ ҲАСТ

Бо дасгирии Ҳукумати кишвар фаъолияти соҳибкорӣ дар кишвар рушду такомул ёфта, ҷиҳати пешрафти  соҳа имкониятҳои мусоид фароҳаманд. Дар самти ислоҳот ва рушди соҳибкорӣ солҳои охир Тоҷикистон  ба дастовардҳои  назаррас ноил гардид.
Мукаррама Қаюмова, устоди шинохтаи муди тоҷик, эҳёгари либосҳои қадимӣ, раиси Бунёди байналмилалии ҳунарҳои мардумии Тоҷикистон  аз зумраи чунин афрод мебошад. Маҳсули эҷодаш, ки як шаҳри ҳунарро мемонад, бо машаққату бедорхобиҳо, афтодану бархостанҳо бино ёфтааст.  Дунёи рангину тахайюлоти ғанӣ дорад. 
Мукаррама ҳамвора баҳри пешниҳоди маҳсулоти косибии устоҳои халқӣ ба бозори ҷаҳонӣ, ташкили ҷойҳои корӣ барои духтарону бонувон, оилаҳои серфарзанд  мекӯшад. Тӯли солҳои фаъолияти Ташкилоти «Ҳафт пайкар», ки сарвариашро бар уҳда дорад, зиёда аз 800 ҷойи корӣ ташкил намудааст. Имрӯз ин ташкилот яке аз пешсафони кори косибӣ дар тамоми ҷумҳурӣ маҳсуб меёбад. Он қариб 5000 косиби ҷумҳуриро муттаҳид намудааст ва аксари онҳоро бонувон ташкил медиҳанд.
Бо маҳсули эҷоди худ ба мамолики Осиёи Марказӣ, Эрон, Афғонистон, Чин, Фаронса, Белгия, Ҷопон, Покистон, Ҳиндустон, Италия, Исроил, Фаластин ва кишварҳои дигари ҷаҳон сафари ҳунарӣ намуда, фарҳангу ҳунари тоҷикистониёнро муаррифӣ намудааст.  Ёдовар шуд, ки зимни як намоиш  тасвири симои духтари тоҷик дар рӯи матоъ диққати хориҷиёнро ба худ ҷалб намуд, оқибат он бо нархи  баланд харидори худро пайдо кард. Қадрдонӣ гаштани заҳмати худро дида, аз пешаи интихобнамудаи худ меболад. 
Хидматҳои ин бонуи ҳунар бо мукофоти швейтсариягии «Бонуи аср» дар соҳаи соҳибкорӣ (соли 2002), шоҳҷоизаи намоиши либосҳои суннатии «Fashion Show» (Чин, 2002), шоҳҷоизаи «Ӯш 3000» (Қирғизистон, 2003), «Сафири сулҳ» - дипломи Федератсияи байналмилалию байнимазҳабӣ баҳри сулҳ дар ҷаҳон (Корея, 2005)  ва ифтихорномаву дипломҳои зиёд  қадр  шудааст. Соли 2016 бо ҳунарҳои кандакорӣ, сӯзанидӯзӣ ва заргарӣ сазовори нишони «Сифат» - и ЮНЕСКО гардид.
Ният дорад, ки  моҳи ноябри соли ҷорӣ Фестивали ҳунарҳои мардумии «Диёри ҳусн» - ро бо иштироки ҳунармандони тоҷику хориҷа баргузор намоянд.
- Айни ҳол барои энсиклопедияи ҷаҳонӣ 10 ҳунари мардумии тоҷикиро, аз қабили чакану сӯзанидӯзӣ, зару зеваргарӣ, сохтани асбобҳои мусиқӣ, лӯхтакҳои тоҷикӣ, маҳсулоти аз оҳан омодашуда пешниҳод намудем. Ҳамчунин доир ба анъанаҳои миллӣ 3 филм  омода намуда истодаем. Мақсад аз ин ҳунарҳои миллии худро ба ҷаҳониён шинос намудан аст, – иброз дошт Мукаррама Қаюмова. 
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 13.10.2016    №: 204    Мутолиа карданд: 1917

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед