logo

иқтисод

ТОҶИКИСТОНУ ИТАЛИЯ. ТАВАҶҶУҲ БА СОҲИБКОРӢ МЕАФЗОЯД

Беҳтар сохтани шароити  сармоягузориву  соҳибкорӣ,  мутобиқ  сохтани он ба меъёрҳои байналмилалӣ ва ба ин васила  ҷалби бештари сармоягузорон  ба соҳаҳои гуногуни иқтисодӣ   самти афзалиятноки сиёсати иқтисодии Ҳукумати мамлакат мебошад.
 
Аз рӯйи нишондоди солҳои охир,  дар ин бахш  беш аз 50  ҳазор шахси ҳуқуқӣ ба қайд гирифта шуда, наздики 300  ҳазор соҳибкори инфиродӣ ба фаъолият оғоз кардаанд. Ислоҳоти   бобарор дар бахшҳои низоми иҷозатномадиҳӣ,  андозбандӣ, содагардонии расмиёти гумрукӣ, бақайдгирии соҳибкорӣ,  ҳимояву дастгирии соҳибкорону  сармоягузорон,  эълони моратория оид ба  санҷишҳо,  ташкили пойгоҳи хуби ҳуқуқию  иқтисодии шарикии давлат ва бахши хусусӣ ба пешрафти соҳа такони ҷиддӣ бахшиданд.
- Фазои хуби сармоягузорӣ дар Тоҷикистон ҳоло ширкатҳои бонуфузи ҷаҳонро барои ҳамкорӣ бо ҳамтоёни тоҷикашон ҳавасманд сохтааст. Шумораи  намояндагии онҳо  дар мамлакат рӯз аз рӯз меафзояд.  Зеро Тоҷикистон дар баробари  захираҳои бузурги гидроэнергетикӣ, маъдани кӯҳӣ, оби соф, кишоварзӣ, туризм ва ғайра амният ва суботи сиёсии беҳтар дорад, - изҳор дошт  Фарҳод Хайруллоев, раиси Шӯрои соҳибкорони Тоҷикистону Италия, ки   дар самти рушди фаъолияти соҳибкорӣ ва сармоягузорӣ таҷрибаи зиёд  андӯхтааст.  Таъсиси   шӯро яке аз  тадбирҳои судманди Ҳукумати мамлакат буд,  ки  дар доираи  баргузории   Ҷашнвораи байналмилалии соҳибкории Душанбе -  2015 бо ибтикори ӯ  сурат гирифт.  Он ба  густариши ҳамкории соҳибкорони Тоҷикистону Италия  ва ҷалби  сармоя барои татбиқи барномаҳои фарохдомани иқтисодию иҷтимоии кишвар мусоидат менамояд. 
 Фарҳод Хайруллоев  натиҷаҳои фаъолияти  шӯрои мазкурро ҷиҳати ба роҳ мондани ҳамкориҳои иқтисодию тиҷоратии  ду кишвар  назаррас арзёбӣ намуда, доир ба масъалаи ҷалби сармоягузорӣ ба кишвар чунин изҳор дошт: 
 - Тоҷикистон дорои захираҳои ғанӣ, Италия  давлати пешрафтаи Аврупо ва  соҳиби имкониятҳои бузурги  сармоягузорӣ  мебошанд.  Шӯрои соҳибкорони Тоҷикистону Италия аз замони таъсис то имрӯз бо  30 ширкати Италия, ки дар соҳаҳои гуногун фаъолият менамоянд, ҳамкориҳоро  ба роҳ мондааст. Айни замон он дар  танзими санадҳои меъёрии ҳуқуқии соҳибкорӣ, додани маълумоти зарурӣ,  ташкили ҷамъомадҳои машваратӣ, конфронс, бизнес - вохӯриҳо ва  баррасии мушкилоти дигар ба соҳибкорони ҳар ду мамлакат ёрӣ мерасонад. Ҳоло ширкатҳои  «Паниний» - дар самти истеҳсоли макарон, «Соларинг» - тавлиди батареяҳои офтобӣ,  «Галеле Коҳструзионий» - роҳсозӣ мехоҳанд бо ширкатҳои Тоҷикистон ҳамкорӣ намоянд. Мавриди таъкид аст, ки ҳанӯз ҳам  фазои сармоягузории Тоҷикистон ба андозаи зарурӣ дар хориҷи ҷумҳурӣ муаррифӣ нагардидааст. Созмону ташкилотҳои бузург ва соҳибкорони аршади давлатҳои ҷаҳон оид ба  шароити мусоиди  баҳри ҳамкории иқтисодӣ муҳайёкардаи Ҳукумати Тоҷикистон маълумоти дуруст надоранд. Тасаввуроти  бештари  сармоягузор дар бораи пойгоҳи    меъёрии ҳуқуқӣ, имкониятҳои фаъолияти соҳибкорӣ  ва амнияту суботи ҷумҳурӣ барои ҳавасмандии ӯ нақши асосӣ мебозад. Гузашта аз ин, бархе соҳибкорони мо дар роҳандозӣ кардани ҳамкорӣ  бо ҳамтоёни хориҷиашон малакаю таҷрибаи кофӣ надоранд. Барои рафъи ин мушкилӣ таъсиси  курсҳои омӯзишӣ хеле зарур буда,  аъзоёни шӯро дар ин хусус тадбирҳои зарурӣ андешидаанд.  Пахши  роликҳои видеоӣ  аз тариқи телевизиону  сомонаҳои интернетӣ ва нашри варақаҳои тарғиботӣ бо забонҳои гуногун оид ба шароити сармоягузорӣ, дастгирии истеҳсолгарон ва амнияту суботи ҷумҳурӣ аз зумраи ин тадбирҳоанд. Имкониятҳои сармоягузорӣ дар Тоҷикистон хеле фароханд. Аз ин лиҳоз,  ин шароиту имкониятҳо ва натиҷаи ҳамкориҳо бо сармоягузорон  набояд  аз назари ширкатҳои бонуфузи ҷаҳонӣ    ниҳон бимонанд. 
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 14.10.2016    №: 205    Мутолиа карданд: 2795

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед