logo

мулоқотҳо

Гуфтушунидҳои Эмомалӣ Раҳмон бо Абдулло Гул, Манмоҳан Сингҳ, Глория Макапагал Ароййо, Борис Тадич, Алӣ Абдуллоҳ Солеҳ ва Кесит Пиромя дар Миср

15 июли соли 2009 Президенти Ҷумҳурии Тоҷикистон Эмомалӣ Раҳмон дар шаҳри Шарм – уш – Шайхи Ҷумҳурии Мисри Араб бо Президенти Ҷумҳурии Туркия Абдулло Гул мулоқот намуд.
Дар вохӯрӣ масоили татбиқи амалии санадҳои қарордодию ҳуқуқии ҳамкорӣ, ки миёни Тоҷикистону Туркия дар сатҳи олии сиёсӣ ва дигар сатҳу зинаҳо ба имзо расидаанд, мавриди баррасӣ қарор гирифтанд.

Абдулло Гул аз натиҷаҳои сафари чанде пеш ба Тоҷикистон анҷомдодааш изҳори хушнудӣ намуда, бо боварӣ таъкид дошт, ки он барои рушду густариши ҳамкориҳои судманди ду кишвари дӯст такони ҷиддӣ мебахшад. Изҳори боварӣ шуд, ки робитаҳои миёни соҳибкорону тоҷирон низ бояд хеле густариш ёбанд.
Иштироки Туркия дар сохтмони нерӯгоҳхои хурду миёнаи обии Тоҷикистон аз самтҳои асосӣ ва ояндадори ҳамкории ду кишвар арзёбӣ гардид, аз ҷумла барои тавсеаи ҳамкории гуногунҷанба дар дигар соҳаҳои  иқтисодиёт.
Гуфтугӯйи судманд ҳамчунин оид ба рушди ҳамкориҳои фарҳангӣ ва ҳамгироиҳо дар чаҳорчӯби Ҳаракати адами тааҳҳуд ва дигар созмонҳои байналмилалию минтақавӣ сурат гирифт.
 
* * *
Дар вохӯрӣ бо Сарвазири Ҳиндустон Манмоҳан Сингҳ масълаи рушди минбаъдаи муносибатҳои ду кишвар баррасӣ шуд, аз чумла дар чаҳорчӯби омодагӣ ба сафари расмии Президенти Ҳиндустон ба Тоҷикистон, ки моҳи сентябри соли равон бояд ҷараён бигирад.
Манмоҳан Сингҳ изҳор дошт, ки «Ҳиндустон омода аст дар татбиқи лоиҳаҳои иқтисодии Тоҷикистон иштироки фаъол дошта бошад».
Густариши робитаҳои фарҳангӣ низ бо манзури умумиятҳои зиёди бостонии ду кишвар дорои дурнамои умедбахш маънидод гардид.
Гуфтугӯйи судманд ҳамчунин оид ба ҳамгироиҳои сохторҳои қудратӣ ва ҳифзи ҳуқуқи ду кишвар сурат гирифт, аз ҷумла доир ба мубориза бо зуҳуроти терроризму экстремизм.
Мусоҳибон ҳамчунин оид ба авзои кунунии Афғонистон ва Покистон ва таъсири он ба кишварҳои минтақа гуфтугӯ намуданд.
Президенти Ҷумҳурии Тоҷикистон Эмомалӣ Раҳмон Сарвазири Ҳиндустон Манмоҳан Сингҳро даъват намуд, ки ба Тоҷикистон сафари расмӣ анҷом бидиҳад. Сарвазири Ҳиндустон даъватро бо хушнудӣ пазируфта, таъкид дошт, ки дар наздиктарин фурсат ба Тоҷикистон сафар хоҳад кард.

* * *
Дар ҳошияи ҳамоиши сарони давлатҳои аъзо ва нозири Ҳаракати ҳамроҳнашавӣ Президенти Ҷумҳурии Тоҷикистон Эмомалӣ Раҳмон бо Президенти Филиппин хонум Глория Макапагал Ароййо мулоқот намуд.
Дар вохӯрӣ масоили ташкил ва густариши ҳамкории судманд миёни ду кишвар баррасӣ шуданд.
Таъмини раванди муколамаи муназзами сиёсӣ ва густариши робитаҳои муфид дар соҳаҳои иқтисод ва савдо, фарҳанг ва ғайра ба нафъи ҳар ду кишвар арзёбӣ гардида, эҷоди заминаи қарордодиву ҳуқуқии муносибатҳои дӯстӣ ва ҳамкорӣ зарур шумурда шуд.
Сарони ду давлат ба мувофиқа расиданд, ки баҳри омода кардани санадҳои ҳуқуқию қарордодии ҳамкории дуҷониба ва барои дар сатҳи олӣ ба имзо расондани онҳо бо шумули вазирони корҳои хориҷӣ ва роҳбарияти дигар вазорату идораҳои дахлдор гурӯҳи муштараки корӣ таъсис дода шавад.

* * *
16 июли соли 2009 зимни сӯҳбати Президенти Ҷумҳурии Тоҷикистон Эмомалӣ Раҳмон  бо Президенти Сербия Борис Тадич масоили ташкил ва таҳкими муносибатҳои дуҷониба ва бисёрҷонибаи ду кишвар баррасӣ шуд.
Борис Тадич таъкид дошт, ки ба роҳ мондану густариш  додани муносибатҳои судманд бо Тоҷикистон ҷавобгӯйи манфиатҳои миллии Сербия хоҳад буд.
Эмомалӣ Раҳмон Борис Тадичро даъват намуд, ки ба Тоҷикистон бо сафари расмӣ ташриф биёрад. Даъват бо хушнудӣ пазируфта шуд.

* * *
Дар вохӯрӣ бо  Президенти Ҷумҳурии Яман Алӣ Абдуллоҳ Солеҳ, ки 16 июл баргузор гашт, масоили вобаста ба татбиқи амалии натиҷаҳои сафари расмии Президенти Ҷумҳурии Тоҷикистон ба Яман ва сафари расмии ҷавобии Президенти Яман ба Тоҷикистон баррасӣ гардиданд.
Сарони ду давлат ҳавасмандии устувори худро баҳри таҳкиму густариши ҳамкорӣ  ва ба сатҳи муносиб баровардани робитаҳои дуҷониба таъкид намуданд.
 
* * *
16 июли соли 2009 дар вохӯрӣ  бо вазири корҳои хориҷии Таиланд Кесит Пиромя масоили вобаста ба татбиқи амалии натиҷаҳои сафари расмии Президенти Ҷумҳурии Тоҷикистон Эмомалӣ Раҳмон ба Таиланд, ки моҳи августи соли 2005 сурат гирифта буд ва дигар масъалаҳо баррасӣ шуданд.
Кесит Пиромя ба мавқеи муҳими ҷуғрофии Тоҷикистон дар минтақаи Осиёи Марказӣ ва нақши барҷастаи таъриху фарҳанги миллии тоҷикон баҳои баланд дода, ҳавасмандии ҷониби Таиландро ба густариши ҳамкориҳо бо кишвари мо таъкид намуд.

Шанбе, 18 июли  соли  2009. № 90 (21 597). Соли 85-уми нашр.


Баёни ақида (0)    Санаи нашр:    №:    Мутолиа карданд: 595

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед