logo

иҷтимоиёт

ЛИБОСИ КОРӢ. ЧАРО МАСЪУЛОН ЭЪТИБОР НАМЕДИҲАНД?

Афзудани шумораи бозору фурӯшгоҳҳо, ҳаҷми фондҳои дастгирии соҳибкорӣ, имтиёзҳои андозӣ, гумрукӣ, бонкӣ, содагардонии низоми иҷозатгирӣ барои фаъолияти соҳибкорӣ дар ҷумҳурӣ бозгӯйи онанд, ки соҳибкорӣ мавриди таваҷҷуҳи хоса қарор дошта, Ҳукумати кишвар ҷиҳати рушди  он  пайваста тадбирҳои судманд меандешад. Аммо, сарфи назар аз шароиту имконоти хуб, маданияти бозордории мо  ҳанӯз ҷавобгӯи талаботи замон нест.
Мушоҳидаҳо нишон доданд, ки масъулони корхонаи воҳиди давлатии «Бозори Корвон» - и шаҳри Душанбе, бузургтарин маркази савдои мамлакат, ки дар он 800 ҷойи савдо ва марказҳои зиёди хизматрасонӣ мавҷуданд, ба либоси махсуси тоҷирон эътибор намедиҳанд. Фурӯшандаҳо либоси корӣ надоранд. Ҳангоми дар дохили бозор гаштугузор кардан  фурӯшандаро аз харидор фарқ кардан душвор аст. Бархе  фурӯшандагон бо шалвору либосҳои барои хона пешбинишуда  саргарми коранд, ки дар бозор хушоянд нест.
Тоза нигоҳ доштани ҷойи кор, ба бар кардани либоси махсуси тозаю озода ва рӯйи хушу муомилаи нарм  нишонаҳои маданияти бозордорианд. Аммо, ҳангоми    сайри бозор  мушоҳида намудем, ки    баъзе соҳибкорон  пешбанди кабудро ба бар намуда бошанд ҳам, дар онҳо эмблемаи  (тамғаи) дорои акс, навиштаҷоти шакли хизматрасонӣ ва номи  нуқтаи савдо мавҷуд нест. Баъзе аз тоҷирони бозор пешбандҳои куҳнаю рангпарида пӯшиданд. Онро ҳам фақат   соҳибкорони  саҳни беруни бозор ба бар кардаанд. Фурӯшандаҳои дохили бозор либоси корӣ надоранд.  Аксари савдогарон, аз ҷумла фурӯшандаҳо С. Давлатов ва А. Шарифов, изҳор доштанд, ки либоси кории онҳо аз матои  истеҳсолгарони ватанӣ буда,  пурра аз нахи пахта бофта шудааст ва зуд сифаташро гум мекунад, аз ин рӯ, онро намепӯшанд.
Ин ҳам дар ҳолест, ки дар ҷумҳурӣ корхонаҳои   замонавии дӯзандагӣ фаъолият менамоянд ва ҷӯёи  фармоишгарону муштариён мебошанд.
Муродалӣ  Камолов, директори  генералии бозор, гуфт, ки   онҳо боз дубора истеҳсоли  либоси кории навро  бо дигаргунӣ ва истифода аз матои хориҷӣ  ба мутасаддиёни корхонаҳои дӯзандагии «Гулистон» ва «Наврӯзгоҳ» фармоиш додаанд. Тарҳи тамғаро  Саидҷалол Махсумов, тарроҳи тоҷик,   кашидааст. Вале танҳо бо дархост додан масъала ҳал намешавад, зеро, тавре маъмурони бозор гуфтанд, фурӯшандаҳо либоси корӣ доранд (шояд онро дар хона нигоҳ медоранд ва пӯшиданашро зарур намедонанд). Муҳим риояи қоидаҳои савдо ва маданияти бозордорист. Кай ин масъала ҳалли худро меёфта бошад?
Иронбӣ  МӮСОЗОДА, «Ҷумҳурият»


Баёни ақида (0)    Санаи нашр: 18.10.2016    №: 207    Мутолиа карданд: 2597

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед