logo

ҳуқуқ

ХАБАРНИГОРИ ФАВРӢ. ҚОНУНШИКАНИҲОРО ОШКОР МЕКУНАД

Дар сомонаи расмии Вазорати корҳои дохилии Ҷумҳурии Тоҷикистон гӯшаи «Хабарнигори фаврӣ»  таъсис дода шудааст, ки шаҳрвандон метавонанд хабар ва наворҳои видеоиро вобаста ба ҷинояту  ҷинояткорӣ, ҳуқуқвайронкунию қонуншиканиҳо, ҳолатҳои фавқулода, сӯхтор, садамаҳои нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.
Дар давоми фаъолияти наздик ба як моҳи ин гӯша бистуҳашт нафар аз манотиқи гуногуни мамлакат ва Федератсияи Русия ба мақомоти корҳои дохилӣ муроҷиат намудааст, ки дар раёсатҳои дахлдор мавриди баррасӣ қарор гирифтанд. Аз ҷумла, намояндаи шабакаи «Телевизиони Тоҷикистон» дар Федератсияи Русия Хуршед Саидаҳмадов хабари дар «Фейсбук» пахшгардидаро таҳти унвони «Вақте ки полисҳои худӣ ҳамчун фаришта ба назар мерасанд» ба ин гӯша ирсол намудааст, ки  аз хизмати кормандони милитсияи ШВКД дар ноҳияи Исмоили Сомонӣ (муҳофизони майдони Исмоили Сомонии пойтахт)  маълумоти интиқодӣ дарҷ ёфтааст.
Вобаста ба ин ҳодиса роҳбарияти Вазорати корҳои дохилӣ вокуниши фаврӣ нишон дод. Дар натиҷа, нисбат ба кормандири взвод оид ба муҳофизати иншооти давлатии ШВКД дар ноҳияи Исмоили Сомонӣ капитани милитсия  Искандар  Убайдов ҷазои интизомӣ дар намуди «Танбеҳ» татбиқ гардида, милитсионерони взводи мазкур - командири шуъбача, прапоршики калони милитсия Сафар Гадоев ва сержанти калони милитсия Авлиёқул Нормаҳмадов аз сафи мақомоти корҳои дохилӣ озод карда шуданд. Ҳамчунин, вобаста ба муроҷиати шаҳрванд Шоира Умарова оид ба ҳуқуқвайронкунӣ ва муносибати дағалонаи ронандаи автомашинаи тамғаи Мерседес - Бенс бо рақами қайди давлатии 1318 ТТ 05 Аминҷони Самад санҷиш гузаронда шуда, нисбат ба ӯ ҷазо дар намуди панҷ рӯз манъи идораи воситаи нақлиёт татбиқ  гашт. Ба илова, кормандони РБДА ВКД бо ронандаи автомашинаи мазкур барои такрор накардани муносибати дағалона бо мусофирон суҳбат гузаронда, ӯро дар асоси моддаи 324 Кодекси ҳуқуқвайронкунии маъмурии Ҷумҳурии Тоҷикистон ба ҷавобгарии маъмурӣ кашиданд.
Бино ба иттилои маркази матбуоти Вазорати корҳои дохилӣ, вазорат барои ҷалби бештари шаҳрвандон ба гӯшаи «Хабарнигори фаврӣ» ва муайян намудани беҳтарин хабарнигор озмун эълон намудааст. Дар он кормандони мақомоти корҳои дохилӣ, ҳифзи ҳуқуқ, ниҳодҳои қудратӣ, хизматчиёни ҳарбӣ, намояндагони воситаҳои ахбори омма ва шаҳрвандон (новобаста аз шаҳрвандӣ) иштирок карда метавонанд. 
Маводи ирсолнамудаи «Хабарнигори фаврӣ» аз тарафи комиссияи Вазорати корҳои дохилӣ баррасӣ гардида, ғолибон бо туҳфаҳо ва маблағҳои пулӣ мукофотонида мешаванд. «Хабарнигори фаврӣ» метавонад аз шабакаҳои иҷтимоии Viber, WhatsApp, ИМО IMO, Telegrams, WeChat бо рақами телефони мобилии (+992) 939 222 111 ва почтаи электронии Вазорати корҳои дохилии Ҷумҳурии Тоҷикистон vkd.tj@mail.ru  истифода намуда, наворҳои худро ба се забон - тоҷикӣ, русӣ ва англисӣ пешниҳод намояд. 
Д. РӮЗИЕВ, «Ҷумҳурият»


Баёни ақида (0)    Санаи нашр: 18.10.2016    №: 207    Мутолиа карданд: 2551

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед