logo

иҷтимоиёт

ГУЛИСТОН. ЧАРО БАРОИ ҶАҲОНГАРДОН ҚОЛИНҲОИ АРМУҒОНӢ НАДОРЕМ?

Ҳар  шаҳру ноҳияи  кишвар    урфу одат, анъана,  маҳсулоту хӯришҳои хоси худро дошта,  бо он муаррифӣ мегардад. Муаррихон низ дар навиштаҳои хеш хусусияти мардуми минтақаҳои гуногуни ҷумҳуриро  дарҷ кардаанд. Масалан, агар  сухан аз куртаи чакан равад,  минтақаи Кӯлобу мардуми он ҷо пеши назар меояд. Ҷӯробҳои пашмини рангорангро ба минтақаи Бадахшон ва  зардолупарвариро ба  вилояти Суғд марбут медонанд. 
 
Шаҳри Гулистон (собиқ Қайроққум) қаблан дар миқёси собиқ Иттиҳоди Шӯравӣ дар барорбари  бо  моҳидорӣ, энергетика ва соҳили «Баҳри тоҷик»  машҳур буданаш,  ҳамчун шаҳри қолинбофон маъруф буд. Меҳмонон аз гӯшаву канори олам барои истироҳату сайёҳат ба Тоҷикистон, бавижа Гулистон, омада, аксари онҳо ҳангоми  бозгашт  аз мағозаи фирмавии корхонаи «Қолинҳо»  чун армуғон қолин ё гилем  мехариданд. Он замон маҳсулоти корхона  бисёр бозоргир буд. Ба воситаи сайёҳон шуҳрати қолинҳои истеҳсоли ватанӣ ба давлатҳои дуру наздик паҳн гардид, ки обрӯйи Тоҷикистони азиз низ ҳаст.
Мутаассифона,  ҳоло  корхона мавқеи худро аз даст додааст. Дар шаҳр мағозаи  махсуси фирмавӣ  ё  дукони кӯчаке, ки он ҷо қолину палосҳои вирдизабоншудаи корхонаи «Қолинҳо»   ба савдо равад, вуҷуд надорад.  Агар  муассисону саҳмдорони корхона  тибқи барномаи мушаххас оид ба афзоиши истеҳсол ва  вусъати фурӯши маҳсулоти хеш амал мекарданд, масъала ранги дигар мегирифт. Вале қолинҳо мувофиқи завқу хоҳиши кӣ истеҳсол ва чӣ гуна ба фурӯш гузошта мешаванд, рӯшан нест.  Ҳол он,  ки дар осоишгоҳҳои  «Баҳористон»,  «Шифо»  ва  «Соҳил»  мавсими тобистон теъдоди сайёҳони манотиқи гуногуни кишвар ва хориҷ афзудааст.
Бино ба маълумоти омории маъмурияти осоишгоҳи «Баҳористон», соли равон қариб аз 100  давлати дунё одамон ба  ин муассиса барои  фароғату  табобат омадаанд. Табиист, ки аксари онҳо аз ин шаҳр хоҳиши харидани молеро  ҳамчун  армуғон  доранд.  Дар ин маврид қолин, хусусан агар дар он манзараҳо ва тамошогоҳҳои кишвар инъикос ёбанд, беҳтарин армуғон шуда метавонад. Аммо  имрӯзҳо фурӯши чунин мол дар шаҳри Гулистон ба роҳ монда нашудааст. Бинобар ин, аз қолинчаҳои замоне машҳури Қайроққум, ки меҳмонони гӯшаҳои гуногуни мамлакат ва хориҷ онро чун дастовез мехариданд,  ҳоло дараке нест. Ҳарчанд маҳсулоти  қолинӣ айни замон дар кишвар фаровон аст, зарурати истеҳсоли   қолинчаҳои хурди армуғонии дорои аксу тасвирҳои ҷолиб аз манзараҳои нотакрори табиати Тоҷикистон пеш омадаст. Солҳои охир ба водии зебоманзари Суғд, бавижа шаҳри Гулистон, даҳҳо ҳазор сайёҳ меояд. Агар қисме аз онҳо чун дастовез қолинчае харида, ба кишвари дигар баранд, қадами бузурге дар муаррифӣ намудани ҷумҳурӣ ва рушди иқтисодиёти он мебошад. Пас, чаро мувофиқи шавқу завқи ҷаҳонгардону меҳмонон гилемчаҳои зебо барои дастовез истеҳсол накунем?
Ҷовиди АШТӢ, «Ҷумҳурият»


Баёни ақида (0)    Санаи нашр: 18.10.2016    №: 207    Мутолиа карданд: 2562

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед