logo

ҳуқуқ

9 МИЛЛИОН ЗАРАР ДАР БОРАИ ҶИНОЯТҲОИ КОРРУПСИОНӢ ДАР ВМКБ

Пешгирӣ, ошкор ва ба ҷавобгарӣ кашидани гурӯҳҳои ҷиноятпеша, ки ба содир намудани ҷиноятҳои коррупсионӣ ва иқтисодӣ даст мезананд, самти асосии фаъолияти Агентии назорати давлатии молиявӣ ва мубориза бо коррупсияи Ҷумҳурии Тоҷикистонро ташкил медиҳад. Дар ин робита, фаъолияти раёсати Агентии назорати давлатии молиявӣ ва мубориза бо коррупсияи кишвар дар Вилояти Мухтори Кӯҳистони Бадахшон муҳим арзёбӣ мешавад.
Азамат Наврӯзқулов, сардори раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар ВМКБ, иттилоъ дод, ки бо вуҷуди сол ба сол пурзӯр намудани мубориза бо коррупсия ҳодисаҳои содир шудани чунин ҳолатҳо дар шаҳру навоҳии вилоят меафзояд. Дар нуҳ моҳи соли равон аз тарафи мутахассисони шуъбаи назорати давлатии молиявии раёсат бо мақсади ошкор намудани амалҳои ҷиноятӣ дар корхонаву ташкилотҳои шакли моликияташон гуногуни шаҳри Хоруғ ва ноҳияҳои вилоят 170 тафтишу санҷиши фаъолияти молиявию хоҷагӣ ба анҷом расонда шуд, ки нисбат ба ҳамин давраи соли сипаришуда 40 адад зиёд аст. Дар натиҷа, ба маблағи беш аз 9 миллион сомонӣ зарари молиявӣ ошкор шуд, ки дар қиёс ба ҳамин давраи соли гузашта 6 миллион сомонӣ зиёд мебошад. Аз зарарҳои молиявии ошкоргардида наздик ба 3 миллион сомонӣ рӯёнда шуда, беш аз 1,5 миллион сомонӣ ба буҷети давлат ва 1 миллиону 151 ҳазор сомонӣ ба ҳисоби корхонаю муассисаҳо барқарор гардид.
Дар ин давра, ҷиҳати чораҷӯӣ ва баррасӣ намудани маводи тафтишотӣ 31 мавод бо зарари молиявии 8 миллион сомонӣ ба мақомоти ҳифзи ҳуқуқ пешниҳод карда шуд. Ҳамчунин, санҷишҳо дар муассисаҳои буҷетии вилоят ба андозаи 1 388 321 сомонӣ ҳодисаҳои истифодаи ғайримақсадноки маблағҳои буҷетиро ошкор намуданд. Дар натиҷаи тафтишу санҷишҳо 59 қарори дахлдор қабул шуда, нисбат ба 65 шахси масъул табдирҳои интизомӣ ва маъмурӣ амалӣ гардиданд.
Таҳлил ва омӯзиши содиршавии ҷиноятҳои коррупсионӣ ва иқтисодии хусусияти коррупсионидошта нишон медиҳад, ки дар вилоят 100 ҷиноят ошкор шудааст. Аз ҷумла, 43 ҳолати азхудкунӣ ва исрофкорӣ, 6 қаллобӣ, 34 сохтакории хизматӣ, 11 ҳолати сохтакории ҳуҷҷатҳо сабт гаштааст. Маблағи умумии зараре, ки дар ин давра дар идораву ташкилотҳои вилоят ошкор гардид, беш аз 2,5 миллион сомониро ташкил медиҳад. Дар рафти тафтиш 642 275 сомонӣ барқарор карда шуд.
Азамат Наврӯзқулов изҳор дошт, ки кормандони раёсат ҷиҳати пешгирии омилҳои коррупсионӣ, фароҳам овардани фазои зиддикоррупсионӣ дар ҷомеа якҷо бо мақомоти ҳифзи ҳуқуқу тартибот, кормандони мақомоти иҷроияи маҳаллии ҳокимияти давлатӣ, воситаҳои ахбори омма бо сокинони шаҳру навоҳии вилоят мунтазам вохӯрию мулоқотҳои судманд доир менамоянд. Дар маҷмӯъ, раёсати агентӣ тамоми қувва ва неруи касбиашро ба он равона намудааст, ки ҷиноятҳои коррупсионӣ дар вилоят коҳиш ёфта, сатҳу сифати зиндагии мардум беҳтар гардад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 18.10.2016    №: 207    Мутолиа карданд: 2616

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед