logo

иҷтимоиёт

ХАДАМОТ. ЧОРВО БОЯД СОЛИМ БОШАД

Боиси қаноатмандист, ки тавассути амалисозии тадбирҳои судманд аз ҷониби Ҳукумати кишвар соҳаи чорводорӣ сол то сол рушд намуда, дар бахши таъмини амнияти озуқаворӣ ба натиҷаҳои назаррас ноил гашта истодааст. Дар пешравии соҳа ва афзудани саршумори чорвою паранда мутахассисони соҳаи байторӣ ва кормандони муассисаҳои табобатӣ саҳми назаррас доранд.
Муяссара Тошматова, сардори шуъбаи назорати байторию беҳдоштии Хадамоти назорати давлатии байторӣ, вазъи табобату пешгирии касалиҳои гузарандаи чорворо чунин шарҳ дод:
 
- Бо дастгирии бевоситаи Ҳукумати Ҷумҳурии Тоҷикистон тайи солҳои охир хизматрасонии байторӣ беҳтар гардида, дар натиҷаи андешидани тадбирҳои зарурӣ як зумра бемориҳои хавфноки зоонозӣ нисбат ба солҳои пешин сатҳи паст расонда шудааст.
Дар ин раванд Хадамоти назорати давлатии байтории Вазорати кишоварзӣ дар доираи имкониятҳо барои солимии ҳайвонот чораҳои зарурӣ меандешад. Агар ба рақамҳои 10 соли охир назар афканем, дар байни чорвои калон бештар бемориҳои брутселлёз, сӯхтанӣ, пастереллёз (хурӯзак), ҳорӣ ва ғайраҳо ба назар мерасанд. Бемориҳои сӯхтанӣ ва ҳорӣ асосан ба таври спорадикӣ (гоҳ-гоҳ) мушоҳида мешаванд. Дар ин давра, тибқи ташхисҳои гузарондаи Маркази миллии ташхиси байторӣ, 4490 сар чорвои калон ва 13968 сар бузу гӯсфанд, ки ба бемориҳои брутселлёз ва сил мубтало гашта будаанд, дар ҷойҳои махсус безарар гардонда шудаанд.
Ҳамасола аз касалиҳои инвазионӣ, кирми ҷигару шуш, паразитарии хун хоҷагиҳои давлатӣ ва инфиродӣ, ки ба чорвопарварӣ машғуланд, зарари калон мебинанд. Айни ҳол дар хоҷагиҳои калон ва рушдкардаи ҷумҳурӣ бештар чорвои зотҳои ало, шведи зебумонанд ва бӯри латвиягӣ, аз чорвои хурд зотҳои қароқулӣ, ҳисорӣ, маҳинпашм, тоҷикӣ ва романӣ парвариш карда мешаванд, ки ба иқлими Тоҷикистон мутобиқ гашта, ба касалиҳо тобовар шуда, маҳсулнокии зиёд доранд.
Бештар аз 93 дарсади саршумори чорво ба сохтори хусусӣ рост меояд. Тибқи Қарори Ҳукумати Ҷумҳурии Тоҷикистон, № 182, аз 3 апрели соли 2007, ташхис, табобат ва пешгирии 8 номгӯйи беморӣ (сил, брутселлёз, сӯхтанӣ, вабои сумдард, ҳорӣ, гули гӯсфанду буз, тоуни чорвои хурди шохдор ва тоуни паранда) аз ҳисоби буҷети давлат маблағгузорӣ мешавад, ки натиҷаҳои назаррас дода истодааст. Таъмини чорабиниҳо бар зидди ин бемориҳо зери назорати қатъии мутахассисони сохторҳои Хадамоти назорати давлатии байтории Вазорати кишоварзӣ қарор доранд.
Бо мақсади коҳиш додани вобастагии бозори истеъмолии кишвар аз молҳои воридотӣ олимон ва мутахассисони соҳаи байтории ҷумҳурӣ заминаи истеҳсоли дорувориҳои ватаниро ба роҳ мондаанд.  Ҳамзамон, дар заминаи ҶДММ “Умед” ва Институти масоили амнияти биологӣ ваксинаҳои зидди бемории сиёҳрон, илтиҳоби шадиди роҳи нафаси бузҳо, сенурози гӯсфандон, маводҳои табобатӣ (новокаин, маҳлули физиологӣ, глюкоза, кофеини натрий, бензоат ва антибиотикҳои зудтаъсир) истеҳсол карда мешавад.
ҶДММ “МС Байтор ТМ” иловаи хӯрокҳои омехтаи доруи “Ҳисорӣ” - ро барои чорвои калон ва майда истеҳсол карда истодааст, ки барои фарбеҳӣ ва сернаслӣ мусоидат менамояд. Иловаи хӯрокҳои омехтаи “Рахш” барои аспҳои варзишӣ истеҳсол гашта, барои беҳтар намудани ҳолати пӯсти бадани онҳо, вазнафзунӣ, тавоноӣ, пуртоқатӣ ва фаъолнокӣ фоидаовар аст. Иловаи хӯрокҳои омехтаи “Симурғ” барои мурғҳои тухмдеҳ пешбинӣ гардида, баъди истифодаи он аз як сар мурғ дар як сол то 300 дона тухм гирифтан мумкин аст. Барои чӯҷаҳо ва парандаҳои гӯштӣ (бройлерҳо) иловаҳои хӯрокҳои омехтаи “Чӯҷаи заррин” ва “Фарбеҳак” истеҳсол карда мешаванд.
Ин доруҳо, ки дар Хадамоти назорати давлатии байтории Вазорати кишоварзии Ҷумҳурии Тоҷикистон ба қайди давлатӣ гирифта шудаанд, дастоварди олимони Институти ветеринарии АИКТ мебошанд. Онҳо барои табобат ва пешгирии бемориҳои сироятӣ ва инвазионии ҳайвоноти кишоварзӣ истифода мешаванд.
Ҳоло дар ҷумҳурӣ 228 маркази хизматрасонии хусусии байторӣ барои чорвои ҷамъиятӣ ва хусусӣ амал мекунад. Ин имкон медиҳад, ки сифати хизматрасонии байторӣ баланд бардошта, вазъи чорвои мавҷуда дар ҷумҳурӣ пурра зери назорат гирифта шаванд.
М. ФИРӮЗ, “Ҷумҳурият”


Баёни ақида (0)    Санаи нашр: 20.10.2016    №: 209    Мутолиа карданд: 2681

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед