logo

ҳуқуқ

ИСРОФКОРӢ. ТАНЗИМ ҲАНӮЗ ҲАМ НИЗОМ МЕХОҲАД

Дар моддаи 12 - и Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» омадааст: «Маъракаҳои гусел ва пешвози ҳоҷиён дар доираи оила гузаронда мешаванд. Ташкили маъракаҳои ҳоҷиталабон ва ҳоҷиошӣ қатъиян манъ аст».
Мутаасссифона, баъзеҳо қонуни мазкурро сарфи назар карда, баъди бозгашт аз хонаи Худо ва соҳиб шудан ба номи ҳоҷӣ боз ба исрофкорӣ даст мезананд, ки хилофи талаботи қонунҳои амалкунанда ва шариат мебошад. Баъзе аз онҳо мавъиза карда, мардумро ба сарфакорӣ даъват месозанд, вале худ пойбанди хароҷоти зиёданд.
Гурӯҳҳои таъсисдодаи Раёсати танзими Кумита оид ба корҳои дин, танзими анъана ва ҷашну маросимҳои миллӣ дар ҳайати панҷнафарӣ бар пояи фармони раиси кумита «Оид ба пешвози ҳоҷиён ва пешгирии маъракаҳои ҳоҷиошӣ» дар шаҳру навоҳии ҷумҳурӣ санҷиш гузаронданд.
Бино ба иттилои Нигина Ризоева, сармутахассиси Раёсати танзими Кумита оид ба корҳои дин, танзими анъана ва ҷашну маросимҳо дар Ҷумҳурии Тоҷикистон, дар маҷмӯъ нисбати 43 нафаре, ки қонуни танзимро нодида гирифтанд, дар ҷойи ҳодиса протоколи ҳуқуқвайронкунӣ тартиб дода, ба суд ирсол карда шуд. Ҳамчунин, 100 ҳолати баргузор намудани маъракаи серхароҷот пешгирӣ гардид. Тибқи муқаррарот, ҷаримаи риоя накардани ин банди қонун 4 ҳазор сомониро ташкил медиҳад.
Сокинони вилояти Суғд дар барпо кардани маъракаҳои бодабдаба камтар мушкилот дошта бошанд ҳам, дар пешвози онҳо дар фурудгоҳ аз теъдоди зиёди нақлиёт истифода мекунанд. Барои пешвози ҳар ҳоҷӣ ба роҳ баромадани аз 7 то 10 мошин ва теъдоди зиёди пешвозгирон, истифодаи гурӯҳҳои ҳунарӣ бо карнаю сурнай, поймол кардани гулу буттаҳои бо муҳаббат парваридаи гулпарварон боиси нигаронии масъулони фурудгоҳ гардидааст. Ҳамчунин, зикр гардид, ки чунин мушкилот дар фурудгоҳи шаҳри Душанбе низ ба назар мерасад.
Бо садои карнаю сурнай ва мошинҳои зиёди гаронбаҳо пешвоз гирифтани баъзе ҳоҷиён падидаи навест, ки боиси нигаронии зиёд  гардидааст. Ташкили қатори мошинҳо дар пешвози ҳоҷиён ва гурӯҳ- гурӯҳ ба роҳ баромадан ба ҳаракати дигар воситаҳои нақлиёт халал мерасонад.
Гурӯҳи кории Раёсати танзим дар деҳаи Қушайи Ҷамоати деҳоти Ваҳдати ноҳияи Лахш маъракаи ҳоҷиошии Азиз Музаффаровро ошкор кард. Ӯ омӯзгори муассисаи таҳсилоти миёнаи умумии № 16 - и ноҳия буда, баъди бозгашт аз хонаи Худо барои ҳайати омӯзгорони мактаб ва ҳамдеҳагон дастархони зиёд ороста, зиёфати калон додааст.
Мутаассифона, баъзе шаҳр-вандон бо ҳар роҳу восита ба  чашми масъулони танзим хок пошида, дар хонаи хешу табор ва фарзандоне, ки дар дигар деҳа ва ноҳия зиндагӣ мекунанд, маърака барпо намуданд, ки ин ҳол низ аз назари гурӯҳи кории раёсати танзим дур намонд.
- Зимни санҷишҳо дар чанд ноҳия мушоҳида кардем, ки баъзе ҳоҷиён шароити хуби зист, ҳатто дарвозаи дуруст надоранд, илова бар ин, кӯчаҳояшон таъмирталабанду маъракаҳояшон серхарҷу бодабдаба. Барои пешвози ҳоҷӣ ҳатто бештар аз 100 метр пойандоз густурда, болои сараш пул низ мепартофтаанд.
Ҳарчанд давоми 9 соли амали Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» бештари зиёдаравиҳо ба танзим дароварда шудаанд, мушоҳида мешавад, ки баъзе сокинон моҳияти қонуни мазкурро ба пуррагӣ дарк накардаанд, - гуфт Нигина Ризоева.
Ёдовар мешавем, ки имсол аз Ҷумҳурии Тоҷикистон тақрибан 6 ҳазор нафар ба зиёрати хонаи Худо мушарраф шудаанд.
Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 20.10.2016    №: 209    Мутолиа карданд: 2629

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед