logo

порлумон

ТАРҲИ ҚОНУНИ НАВ. АЗ БАҲСИ ДАХЛНОПАЗИРӢ ТО МОҲИЯТИ АСОСИИ ОН

Вакилони Маҷлиси намояндагони Маҷлиси Олӣ тарҳи қонунеро ба тасвиб расонданд, ки тибқи он ба кормандони воҳидҳои махсуси Кумитаи давлатии амнияти миллӣ ҳуқуқ дода мешавад, то дар ҳолатҳои истисноӣ будуни иҷозати расмӣ вориди манзили истиқоматӣ ва мавзеъҳои мансуб ба шахсони воқеиву ҳуқуқӣ шаванд. Аммо ин меъёр на дар ҳар мавриди дилхоҳ, балки дар ҳолатҳои зарурӣ ва эҳтимоли вуҷуд доштани хатарҳои террористиву таҳдид ба амнияти ҷомеа амалӣ хоҳад шуд.
Тарҳи қонун «Дар бораи ворид намудани тағийру иловаҳо ба Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» рӯзи 19 октябр аз сӯи порлумони кишвар пазируфта шуд, ки ҳадаф аз он ҳифзи саломатӣ, таъмини бехатарии шаҳрвандон ва амнияти давлату ҷомеа арзёбӣ мешавад.
Саймумин Ятимов, раиси Кумитаи давлатии амнияти миллии Ҷумҳурии Тоҷикистон, зимни муаррифии лоиҳаи қонун изҳор дошт, ки он моҳияти пешгирикунанда, сари вақт барҳам додани амалҳои террористӣ ва безараргардонии террористонро дар пай дорад. Номбурда бо изҳори нигаронӣ аз афзоиши ҳамлаҳои террористӣ дар ҷаҳони муосир гуфт:  «Амалҳои террористӣ дар маконҳои серодам, зиёдшавии теъдоди истифода аз террористони худкуш, тарзу воситаҳои навин бо мақсади талафоти бештари аҳолии осоишта, ба таҳлука овардани ҷомеа, инчунин бар зидди кормандони мақомоти қудратӣ ва ҳифзи ҳуқуқ низ равона шудааст. Чунин воқеият тақозо менамояд, ки мақомоти салоҳиятдори мубориза бар зидди терроризм бояд аз вазифа, уҳдадорӣ ва кафолатҳои дақиқи қонунӣ бархӯрдор бошанд».
Бо таваҷҷуҳ ба шеваи амалҳои террористӣ дар як қатор кишварҳо, аз ҷумла Ҷумҳурии Исломии Афғонистон, таъкид шуд, ки дар шароити кунунӣ рафтори махфиёна ва ниҳоят сангини гурӯҳҳои террористӣ муносибати баробарвазнро талаб мекунад. Аз ин рӯ, ба таври махфӣ ворид шудан ба ҳудудҳое, ки дар он ҷо террористон мехоҳанд амали ҷинояткоронаи худро содир намоянд, салоҳи кор хоҳад буд.
Ин дар ҳолест, ки замони баррасии лоиҳаи мазкур дар Шӯрои Маҷлиси намояндагон расонаҳо атрофи он баҳс намуда, бидуни иҷозати расмӣ ворид шудани кормандони мақомоти амниятро як навъ халалдор гардидани принсипи дахлнопазирии манзили шахс унвон карданд. Вале ба гуфтаи Маҳмадалӣ Ватанзода, ёрдамчии Президенти Ҷумҳурии Тоҷикистон оид ба масъалаҳои ҳуқуқӣ - намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олӣ, матни лоиҳаи қонун нишон медиҳад, ки он пиринсипи дахлнопазирии манзилро, ки Конститутсияи Ҷумҳурии Тоҷикистон кафолат додааст, халалдор намесозад. «Дар ҳолатҳои осоишта тартиби ба манзили шахс ворид шуданро ҳангоми содир кардани ҳатто ҷиноят ҳам Кодекси мурофиавии ҷиноятии Ҷумҳурии Тоҷикистон ба таври мушаххас муайян кардааст, ки танҳо дар асоси иҷозати суд ба манзили шахс даромадан мумкин аст. Вале ҳолатҳое, ки дар ин лоиҳа пешниҳод гардидаанд, истисноиянд ва маъмулан зимни гузарондани амалиётҳои махсус истифода мешаванд. Яъне, ҳолатҳое ҳастанд, ки фурсат барои анҷом додани расмиёти пешбининамудаи қонунгузорӣ камтар мемонад».
Ба таъкиди Маҳмадалӣ Ватанзода, дар лоиҳаи қонун мушаххас шудааст, ки ҳангоми ворид шудан ба манзили шахс ва анҷом додани ҳадафи асосӣ бояд ба дигар шахсони бегона ва ё бегуноҳе, ки дар он ҷо ҳузур доранд зарар расонда нашавад. Дар ғайри сурат бар пояи қонунгузории граждании Ҷумҳурии Тоҷикистон зараре, ки дар натиҷаи амалиёти мақомоти давлатӣ ба шаҳрванд ё манзили ӯ расонда мешавад, аз ҷониби давлат ҷуброн мегардад.
Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 21.10.2016    №: 210    Мутолиа карданд: 9314

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед