logo

иқтисод

«КАМАРОВ». АКНУН 30 ҲАЗОР ТОННА АНГИШТ ИСТИХРОҶ МЕКУНАД

Дар кӯҳҳои Тоҷикистон канданиҳои фоиданоки зиёде хуфтаанд, ки дар ҳолати дарёфти роҳи дурусти истифодаи онҳо корхонаҳои саноатии кишварро бо ашёи хушсифати худӣ пурра таъмин намудан имконпазир аст.
 
Корхонаи истеҳсоли ангишти ҶДММ «Камаров» солҳои 90-уми асри гузашта бо мақсади истихроҷи ангишти кони Кафтархонаи ҳавзаи Назарайлоқ таъсис ёфта буд. Соли 1997 баъди гирифтани иҷозатнома ва дарёфти як миқдор маблағ ба кор шурӯъ намуд. Аммо роҳ мавҷуд набуд. Аз саргаҳи Камаров - дашти Кишинбоғ ба сохтмони роҳи мошингард ба сӯи кони ангишт оғоз намуданд. Аз сабаби набудани техника ва маблағ сохтмони ин роҳи  72 – километра тӯл кашид. Масофаи  бист километри охир дар баландии 4 ҳазор метр аз сатҳи баҳр сохта шуд. Дар 37 ҷой қубурҳои обгузар гузошта, дар болои се дарёча пули мошингузар сохтанд. Аммо роҳе, ки бо машаққати зиёд сохта шуда буд, барои кашондани ангишти зиёд ҳанӯз мувофиқ набуд. Дар ҳар сурат кормандони корхона тавонистанд соли 2008  панҷ ҳазор тонна ангишт истихроҷ намоянд. Солҳои минбаъда тавассути ин роҳ кашондани ангишт ба 10 ҳазор тонна расонда шуд.
Баҳори соли 2009 роҳбарияти корхона ба омӯзиши дараи Ғориф машғул шуд. Масофа то кони Кафтархона ба воситаи дараи Ғориф аз дашти Кишинбоғ 42 километрро ташкил менамуд. Соли 2015 роҳсозон тавонистанд, ки  сохтмони роҳи навро ба анҷом расонанд, аммо ҳанӯз ҳам баъзе корҳо монда буданд.
Баҳори имсол роҳи нави кони ангишти Кафтархона аз нав таъмир шуд ва тамоми мушкилот аз байн рафт.
- Моҳи марти соли равон дар ҷаласаи умумии корхона қарор додем, ки нақшаи пешбинишуда - истеҳсоли 15 ҳазор тонна ангиштро то ҷашни 25 -солагии Истиқлолияти давлатии кишвар иҷро намоем. То рӯзи ҷашн ба ҷои 15 ҳазор 20 ҳазор тонна ангишти хушсифат  истихроҷ намудем. Имрӯз корхона истеҳсоли ангиштро ба 24 ҳазор тонна расондааст ва ният дорем, ки то боридани барф корамонро идома диҳем ва истеҳсоли ангиштро ба 30 ҳазор тонна расонем, - гуфт Мурод Хушвақтов, директори ҶДММ «Камаров».
Корхона бо мавриди баҳрабардорӣ қарор ёфтани роҳи нав имсол тавонист, ки  тибқи дархости мақомоти иҷроияи  ҳокимияти давлатии ноҳияи Рашт қисми зиёди муассисаҳои таълимӣ, тандурустӣ, сохторҳои давлатӣ ва аҳолиро бо ангишт таъмин намояд. Шумораи талабгорони ангишти кони Кафтархона рӯз то рӯз зиёд мегардад. Аз ноҳияҳои Тоҷикободу Лахш ва Нуробод низ барои бурдани ангишт ба Кафтархона меоянд. Ҳамчунин, дар асоси шартнома як қатор корхонаҳои калони саноатии ҷумҳурӣ низ аз ин кон ангишт мехаранд.
Барои коргарон ва ронандагон шароити хуби корӣ фароҳам аст. Ба онҳо се вақт хӯроки бепул дода мешавад. Хобгоҳҳои шаҳраки коргарӣ имконият медиҳанд, ки на танҳо коргарон, балки ронандагоне, ки барои бурдани ангишт меоянд, шабашонро рӯз намоянд. Корхона дар мавзеъҳои Андар, Кишинбоғ ва Ҳуланг се шаҳраки коргарӣ бунёд намудааст.
Ронанда Додарҷон Мирзоев зимни суҳбат гуфт, ки бори панҷум аст, барои бурдани ангишт ба Кафтархона меояд. Муомилаи хуб ва шароити фароҳамовардаи роҳбарияти корхонаи «Камаров» ба ронандагон писанд аст.
- Мо ният дорем, ки ояндаи наздик дар ин ҷо корхонаҳои дигар, аз ҷумла корхонаи истеҳсоли электрод, бунёд намоем. Дар таркиби ангишти ҳавзаи Назарайлоқ канданиҳои дигари фоиданок муайян шудааст. Имрӯз мутахассисони варзидаи кишвар бо мо ҳамкорӣ доранд, - гуфт дар хотимаи суҳбат Мурод Хушвақтов.
Худодод ЗАЙНИДДИН,
«Ҷумҳурият»


Баёни ақида (0)    Санаи нашр: 24.10.2016    №: 211    Мутолиа карданд: 2135

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед