logo

иҷтимоиёт

ТИБ. АГАРЧИ МУШКИЛОТ ҲАСТ...

- Тавре ки Пешвои миллат муҳтарам Эмомалӣ Раҳмон гуфтаанд: «Тоҷикобод диёри дар ҳақиқат биҳиштосо буда, номи хеле зебо дорад. Он ҳамрадифи номи миллат ва номи Тоҷикистони азиз, ҳамсоли даврони соҳибистиқлолии кишвар аст». Пешрафту тараққиёти соҳаи тандурустӣ дар ноҳияи Тоҷикобод ба даврони соҳибистиқлолӣ рост меояд. Соли 1990 муассисаҳои тиббӣ ҳамагӣ дорои 100 кат буданд, ҳоло  дар муассисаҳои табобатии ноҳия 180 кат мавҷуд аст.  Агар соли 2004 буҷети беморхона ва муассисаҳои тобеи он 220 ҳазор сомониро ташкил медод, дар соли 2016  буҷети сохтори тандурустии ноҳия ба 4673014 расидааст”, - гуфт сартабиби беморхонаи марказии ноҳия Қадим Тӯйчиев.
Ба гуфтаи ӯ, соли 1986 дар ноҳия ҳамагӣ 12 нафар духтури маълумоти олидор фаъолият доштанд, ҳоло шумораи табибони маълумоти олидор 61 нафарро ташкил медиҳад.  Бо татбиқи  квотаи президентӣ 38 нафар ҷавони маҳаллӣ соҳиби маълумоти олии тиббӣ гардиданд, ки 6 нафари онҳоро занону духтарон ташкил медиҳанд. Аз соли 1996  дар ноҳия филиали коллеҷи тиббии ноҳияи Рашт амал мекунад, ки ҳоло 300 нафар хатмкунандаи он  дар муассисаҳои тандурустии ноҳия  кор карда истодаанд.
Ин давра дар ноҳия беморхонаҳои минтақавии Нӯшор, Ширинчашма, Лангаришоҳ, шаш маркази саломатӣ, бист бунгоҳи тиббӣ, шаш маркази махсусгардондашуда ва маркази назорати давлатии санитарӣ - эпидемиологӣ таъсис ёфт. Беморхонаи марказӣ ва беморхонаҳои минтақавӣ бо  ҳуҷраҳои ташхиси ултрасадо, ташхиси кардиограмма таъмин гардиданд, ки сокинони ноҳия қаблан барои гузаштани чунин ташхисҳо ба ноҳияҳои гирду атроф ва ё ба шаҳри Душанбе мерафтанд. Бо мақсади тақвият ва боло бардоштани сатҳи  ташхису табобат  маркази ВИЧ - СПИД, дармонгоҳ - лаборатория, ташхиси бемориҳои сил, марказҳои эмтаъминкунӣ, ташаккули тарзи ҳаёти солим, репродуктивӣ - солимӣ ба фаъолият оғоз намуданд. Таъмиру таҷдид гардидани бинои шуъбаи ҷарроҳӣ дар назди беморхонаи марказӣ ва таҷҳизондани он бо нодиртарин ашёи тиббии сохти ҷопонӣ дар  масири табобати беморон гардиши куллиро ба вуҷуд овард. Акнун дар шуъба мураккабтарин амалиёти ҷарроҳӣ бо муваффақият гузаронда мешавад. Дар назди беморхонаи минтақавии Нӯшор сохтмони  шуъбаи таваллуд ва амрози занона  ба итмом расида  бо ашёи ҳозиразамон таъмин гардид. Дар соли 2016 бошад, як бунгоҳи саломатии деҳоти Файзбор азнавсозӣ ва маркази саломатии ноҳиявӣ барои таъмири асосӣ ба нақша гирифта шуд.
Аз рӯи гуфтаҳои сартабиб, дастрасии аҳолӣ ба хизматрасонии тиббӣ дар ноҳия мувофиқи матлаб роҳандозӣ гардидааст, аммо дар самаранокии фаъолияти пизишкон ҳанӯз ҳам мушкилот вуҷуд дорад. Нарасидани мутахассисони соҳа, аз ҷумла табибони бемориҳои асаб, руҳшинос ва духтури бемориҳои чашм, инчунин норасоии таҷҳизот ба монанди дастгоҳҳои рентгенӣ ва автоклаваҳо аз мушкилоти асосии соҳа маҳсуб мешаванд.
- Имрӯз масъалаи ҳифзи саломатии аҳолӣ ва рушди соҳаи тандурустӣ дар меҳвари фаъолияти роҳбарияти давлат қарор дорад. Аз ҳамин ҷиҳат қобили эътимод аст, ки  мушкилоти ҷойдоштаи соҳаи тандурустии ноҳия дар солҳои наздик бартараф мешаванд ва дастрасии аҳолӣ ба хизматрасонии тиббӣ беҳтар мегардад, - гуфт Қадим Тӯйчиев.
Худодод ЗАЙНИДДИН, "Ҷумҳурият"


Баёни ақида (0)    Санаи нашр: 24.10.2016    №: 211    Мутолиа карданд: 2318

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед